خطيبي يقول لي : لو أعرف أغازل كان غازلت .. ويحب يتفرج على الرقص في الدش .. ساعدوني

بسم الله الرحمن الرحيم
ما سجلت الا ابي النصحية واسفه على الاسلوب .. لان مالي خبرة في الكتابة ابد ..
بنات الله يوفقكم انصحوني لأني مررررره محتاره

انا لي ثلاث اسابيع متملكة .. والزواج ان شاء الله ثاني العيد خطيبي صديق خالي من زمان انسان محترم ما يدخن وظيفته حلوة وراتبها زين ووعدني ببيت مستقل ..
عمره 32 .. انا عمري 28 وهذا اول شي انا مستغربه منه .. بالعادة يدورون وحده صغيرة .. سألته قال ما ابي بزر ابي وحده تفهمني انا الحمد لله حلوه وهذا مو كلامي هذا كلام الي يشوفني ما امدح نفسي بس العمر خلاني ما اثق في نفسي ..

الشي الثاني ما طلب يشوفني الشوفة الشرعية ولا بعد الملكة ..يقول ما يحتاج .. ابيه يشوفني وارتاح ..

سألت خالي "بحكم انه صديقه من زمان " سألته عنه وعن اخلاقه وهل له في البنات او السفر وحلفته قلت انت صديقه قل لي كل شي عنه .. خالي طبعاً ماراح يوقف معه ضدي .. مدحه لي ومدح في اخلاقه ..بس قالي فيه عيب اذا جلسنا نتفرج على الدش ماله لا في الكورة ولا في المسلسلات ولا الأخبار اول ما يمسك الريموت يدور قنوات الرقص ويبقق عيونه ويسرح كنه في عالم ثاني ..

الصراحة خوفني ها الشي .. لكنه يحلف لي انه ما قد كلم بنت في حياته غير محارمه .. من لقافتي سألته قلت له : طيب ليش ما غازلت " كنت ابيه يمدحني أو يقول حرام " .. قالي : الصراحة لو اعرف أغازل كان غازلت بس ما عرفت .. على باله صريح الأخ ..

تركته لي يومين ما كلمته ابيه يحس بكلمته وهو مطنش شكله ما يدري ان كلامه جرحني ..
ابي نصايحكم .. انا متعلقه فيه ..ولا ابي اخسره

انصحوني كيف اتعامل مع قنوات الرقص الله ياخذهم ها الوصخات وسالفة المغازل معقولة هذا عمره ولا قد غازل في حياته .. واكبر شي محيرني العمر اخاف بكره يدور وحده صغيره ويتركني

انصحوني وادعولي .. الله يوفقكم ويسخر لكم ازواجكم .. ويزوج كل بنت في هذا المنتدى