طريق الامل ( خبرات متبادلة حول مراكز العقم فى مصر ) الجزء السادس

اختى زوزو ... كل سنة وانت بألف عافية ..... معلوماتى عن دوالى الخصية ... بتحصل من الواقفة الكثيرة وارتداء ملابس ضيقة وهذا يتسبب فى رفع درجة حرارة الخصية فيتسبب فى تأثير سلبى على انتاجها من الحيوانات المنوية فيقل عددها وتكثر التشوهات .. علاجها الوحيد عملية ربط دوالى وفى الغالب تتحسن الحالة بعد العملية ب6 شهور ... معلوماتى من واقع تجربة شخصية لأن زوجى كان يعانى منها ... اى سؤال يا عسل

رمال حبيبتى انا مش فاكره ان انا ماردتش عليكى ... انا ياستى ماقدرش على زعلك وادى راسك ابوسها كمان

كل سنة وانت بالف عافية ..:26:

ربنا يارب يكرمك ياميكو وتفرحينا بأحلى بيبى يارب:04:

اختى اشتقت لك و شيمولاتا ... اشكركم جدا على السؤال ... انا رحت للدكتور يوم الخميس زى ما قلتلكم وادانى حبوب منع الحمل اسمها جينترا من اليوم الخامس لل 21 ومعاها فيتامين وفولك اسيد وادى جوزى فيتامين سى و E وقالى اجيله فى المركز قبل الشريط بتاع منع الحمل مايخلص ب4 حبات يوم 14/9 ان شاء الله .. علشان يدينى اول ابره تحت الجلد وياخد مقاسات الرحم علشان يعرف حيحط الاجنة فين بالضبط ... ده كلامه ليا

ممكن تدلونى انتم وباقى الاخوات اللى سبق لهم حقن مجهرى حناخد تنشيط امتى والخطوات الباقية اية ... ربنا يكرمنا جميعا يارب بالذرية الصالحة

ما انا مش عارفة برضه ايه موضوع الدكتور النوباتشي. لما كنت عند الدكتور اخر مرة سالته لو حصل حاجة اوصلك ازاي قالي كلمي المستشفي وهما حيوصلولي وامبارح لما حصل اللي حصل وكلمتهم رحت قابلت الدكتور النوبتشي. انا حكلم الدكتور بليل ان شاء الله وحشوف حيقولي ايه.