طريق الامل ( خبرات متبادلة حول مراكز العقم فى مصر ) الجزء السادس

اختى ميكو ... انتى فى الشهر الكام دلوقت .. ثانيا : الظاهرة دى حصلتلك قبل كده .. ثالثا : عملتى تحاليل مناعة وتجلط الدم ...انفعلت او حد زعلك ؟ ... اتحركت حركة غلط ...

اتمنى ان كل ده يبقى تمام وان الحالة دى تكون انذار كاذب ...

اللهم ثبت حملها وارزقها بطفل معافى بإذنك ياكريم

اخيرا ياريمو دخلتى ده انتى اتارى ليكى وحشة يابنتى
وانوسة حبيب قلب خالتو عامل ايه
اوعى تكونى بتوفرى فى اكله يارمال وتكونى مصوماه
قال يعنى عشان يتعود
بطلى تعملى عقلك بعقله وتقولى يصوم زى ماانا صايمة

بالنسبة بقى للقرآن مع احترامى لكل اراء المشايخ اللى فى الدنيا كلها
بس دى حاجة من جوايا انا حتى لو كل المشايخ اجازوا قراءة القرآن للحائض
بس انا جوايا بحس انه ماينفعش امسك المصحف ولو بحائل
ده انا حتى بتكسف انقله من مكانه بحس انه اكبر واكرم من اننى امسكه ولو بحائل
مش عارفة انا صح ولا لا بس انا فى بعض الامور كده بحب اشغل عقلى مع احترام اراء المشايخ طبعا
بس انا بقول اذا مكانش ينفع نقف قدام ربنا فى الصلاة فى الوضع ده
اذاى بقى نمسك كلامه ونقرا كتابه ونذكره واحنا كده واذاى الملائكة هتحفنا واحنا كده

مش عارفة بقى انا صح ولا ايه بس ده احساس
بس انتى خلتينى جاتنى فكرة حلوة قوى ماطالما انا مش عارفة اذا كان صح امسك المصحف بحائل ولا لا
ممكن ادخل على النت واحمل المصحف الشريف واقراه بعينى من على النت مش شرط انى المسه خالص
فينك من بدرى ياريمو
انهاردة الحمد لله بدات الصيام ورجعت اكمل الاجزاء

ربنا ياقلبى يقوينا على طاعته وحسن عبادته

اوشى
ربنا يطرح البركة والوفرة فى بويضاتك يارب
ويسهلك كل امورك ويفرح قلبك ويفك ضيقتك عن قريب يارب

السلام عليكم

ازيكم يابنات عاملين ايه يارب بخير دايما

رمال حبيبة قلبي وحشتيني مشاركاتك بتفكرني بمقولة خير الكلام ما قل ودل
مشاركاتك قليلة اه وبتوحشينا بس فعالة ومفيدة جدا جزاكي الله كل خير

وسلام مربع لأنوس العسل
بس على فكرة فيه 8 بنات حملوا مش 7

وان شاء الله عالعيد يبقوا 18



اوشي يارب يارب يكرمك وتفرحينا يارب

ميكو ربنا يثبت حملك يارب ويفرحك بيه بس انتي خليكي متابعة الدكتور لحد ما تطمني

نيفو الجزء السادس لسة مضلم >>> وحشتينا

باقي البنات احبكم في الله

وعايزاكم تلتزموا الدعاء التزام يعني تدعوا في كل وقت ان شاء الله ما ييجي رمضان الجاي الا واحنا حوامل وأمهات كلنا

وما ذلك على الله بعزيز

وحشتونى وحشتونى وحشتونى

و وحشتو عيوووووونى


بجد وحشنى جدا جدا جدا

يا رب تكونو بخير معلش انى غايبة عنكم

بس للشديد القوى اللى مش بينيمنى طول الليل

قالولى انه حينام اسبوع بالليل و اسبوع بالنهار
لحد دلوقتى مشوفتش اسبوع بالليل دا خالص

كله ضرب ضرب ضرب شكل مافيهاش شتيمة خالص
ربنا يسهلها

انتو اخباركم ايه؟
و اخبار ماما و سارة ايه؟

جم مصر ولا لسة؟

و اوشى حبيبتى اخبارها ايه؟

بجد وحشنى جدا و طبعا لا يمكن اقدر اقرا اللى فاتنى

انا داخلة فى السريع اتطمن عليكم

انا شايفة ان ميكو حامل بس فى مشكلة مش عارفة هى ايه

بس ربنا يكرمها ز يبعد عنها كل شر يا رب

بنات طمنونى على زوزة نيفو كانت قالتلى ان فى مشكلة فى حملها
يا رب تكون عدت على خير

انا ححاول ادخل تانى كمان شوية

يا ريت تكتبولى اخر الاخبار


اما عن اخبارى فانا الحمد لله بخير و احسن من الاول
بس لسة الجرح بيشد عليا من وقت للتانى و بحش بحرقان فى بطنى مش عارفة من ايه
و المفروض انى ممنوعة من الخروج الا مرة واحد فى الاسبوع و من بين لبيت لحد اخر الاسبوع دا
و فعلا النزول صعب بشوارع مصر الكريمة كلها فظيعة بجد
و جوزى مسافر الاسبوع اللى جاى و زعلانة جدا جدا لانه حيسبنى و كمان لانه حيبعد عن كريم و انا مش عارفة حقدر ارجعله تانى امتى
عاوزة اسافر لما اقدر اتحمل مسؤلية كريم لوحدى
ربنا يسهلها يا رب

دعواتكم معايا

و طمنونى باخر الاخبار


بحبكم جميعا فى الله