بيتنا غير فى شهر الخير..اتفضلى معانا// سيستمر الموضوع الى نهاية شهر رمضان فقط

متابعة النقاش، صفحة 44

شاركي في النقاش

سجلي الدخول لإضافة تعليق.

التعليقات

455
  1. @lmya2008

    اَللّهُمَّ ارْزُقْني فيهِ رَحمَةَ الأَيْتامِ وَ اِطعامَ الطَّعامِ وَاِفْشاءَ السلام وَصُحْبَةَ الكِرامِ بِطَوْلِكَ يا مَلْجَاَ الأمِلينَ
  2. السلام عليكم
    وحشتونى جداجدا جدا جدا ..
    جيت أسأل على حاجة وقلت ما ينفعش ما اعديش اسلم
    كل سنة وانتوا طيبين وربنا يجعلنا من عتقاء الشهر الكريم ان شاء الله
    على فكرة أنا حلمت بيكم كلكم
    وكانت عروس موجودة
    صحيت وقلت يمكن رحعت الملف؟
    لقيتكم بتتكلموا عن ميعاد سفرها ورجوعها ..ربنا ييسر الحال لها ولكل مسلم..يعنى بعيدة بس قلبى معاكم وفاكراكم وبادعيلكم كلكم وعشان مش متابعة باقول ربنا يحقق لبنات السرب كل ما يتمنوه واكتر
    انا كل شوية فى حتة ، مش مستقرة اوى فى بيتى وخايفة يضيع منى الوقت..ربنا يبارك لى فى اللى فاضل

    عطورة...وحشتينى ومش هزود على كلام ست الكل ماما زوزو
    انتى تقدرى ونص ...بس احتسبى النية لله بس ومش مهم مين يقول ايه..وهاقولك بقى منيو عملتها رمضان اللى فات وحازت على الاعجاب الحمد لله
    الرئيسى كان ديك رومى اشتريته وسويته بره بصراحة وبعت معاه المكسرات والرزمن عندى "اسألى على التسوية فى نوادى الشرطة والجيش هى تقريبا احسن اسعار"بس وصى الشيف انها تتبل قبلها بيوم ولو اديتيله التوابل يكون احسن
    وكان فيه شوربة مشروم وطواجن بامية صغيرة وورق عنب وسبمبوسك بالفراخ وبالجبنة
    واللحوم بقى كانت اسكالوب بانيه وبس
    الحلو ف رمضان دايما الناس تعمل حلويات شرقية
    لا انا غيرت عملت فروت سالاد وكنافة مبرومة بالبلح ..بس كده
    والناس كلها اتبسطت..والاكل ما شاء الله كفى وزاد كمان وشلته فى علب وع التلاجة واكلنا منه فترة
    كنت بانوع اكتر من كده والناس مش بتاكل كل حاجة
    ممكن الطبق الرئيسى يكون برامات حمام وانتى شطورة فيها اهه أو بط أو فراخ مشوية
    يعنى طبق رئيسى-نوع شوربة-نوع رز أو مكرونة أو محشى"وابدعى بقى ف الانواع بلاش التقليدى يعنى"-نوع عجائن-نوع خضار بس كده
    ولازم تدوقينا بقى

    من غير اسامى بسلم عليكم كلكم وبابوسكم كلكم
    كل سنة وانتوا طيبين

  3. @egypty

    السلام عليكم
    ماما زوزو شكرا لردكم وزوقكم الجميل
    انا ان شاء الله هاجرب الممباروالفته ومش هاقولهم زي ما قولتوا لان في ناس كتير مش بتحب شوربة الممبار برغم انها ريحتها وطعمها جميل بس دسمه
    وشكرا مره ثانيه
    ام يوسف انت اللي وحشتيني ياجميل واللهي عامله ايه شكرا لطريقة الممبار والارانب عملتي ايه في العزومه اللي اتعزمتيها
    هما يابنتي الرجاله كدا مش بيقولك مفتاح قلب جوزك معدته
    ام سوسو واللهي ثم واللهي انا كنت هاسال عليكي النهارده لاني قلقلت عليكي ايه الاخبار عندكم ربنا يبعد عنكم كل شر
    ام سوسو عايزه اقولك حاجه بتكلوني عايزه اقولهالك من زمان بس خايفه من الهجوم اللي هايبقى عليه بس هاقولها عشان احنا في رمضان وناخود بيها ثواب
    هاكتفي بالحديث ده وانت هاتفهمي
    قال الرسول صلى الله عليهوسلم\ الحمو الموت الحمو الموت الحمو الموت قالوا وما الحمو يارسول الله قال اخو الزوج واقارب الزوج
  4. @egypty

    زوجه مصريه احنا قبل كدا جبنا صواني اوزي من حضر موت بالمهندسين
    وكانت فيها زبيب بس والاسعار مش فاكره بس ده كان من 3 سنين تقريبا والاسعار اختلفت اتصلي بيهم واستفسري 19067
  5. @knzy1

    Egypty
    زوجه مصريه احنا قبل كدا جبنا صواني اوزي من حضر موت بالمهندسين وكانت فيها زبيب بس والاسعار مش فاكره بس ده كان من 3 سنين تقريبا والاسعار اختلفت اتصلي بيهم واستفسري 19067
    دعاء اليوم التاسع

    اَللّهُمَّ اجْعَل لي فيهِ نَصيباً مِن رَحمَتِكَ الواسِعَةِ ، وَ اهْدِني فيهِ لِبَراهينِكَ السّاطِعَةِ ، وَ خُذْ بِناصِيَتي إلى مَرْضاتِكَ الجامِعَةِ بِمَحَبَّتِكَ يا اَمَلَ المُشتاقينَ .

تابعي تجارب أخرى من هذا القسم.