تعااااااااااالو شوفو وش حطيت لزوجي وصار يحبني بعدها " صور "

السلام عليكم
ماشاء الله تبارك الله موضوعك رااااااااااائع

عجبني كلامك عن اهمل الاطفال والانشغال بالزوج فعلا صادقه انا دائما ينرفزني اذا شفت الام عندها خمسه همن تنتهز فرصه ان عيالها ودهم ينامون عند قربتهم علشان تروق وبرضوا على قولتك يسحب عليها زوجها وينشغل بالانترنت والا بالمبارة

برضو عجبني كلامك عن اهمال البنت والعنايه بها وتطنيش الولد بعد فعلا هذا في مجتمعاتنا احيانا

لكن انا عندي بعض النقاط ودي اضيفها اذا سمحتي للفائدة
اولا لما تكلمتي عن البنت خليها تتبتعث وش فيها شوفي انا متغربه وابغى اقولك من واقع التجربه
بصراحه اللي بيعز بنته ابدا ابدا لا يرسلها لحالها والله تصير البنت علا انها مسويه نفسها قويه تصير مكسوره والله ارحمهم
مثلا مره صارت ان وحده الله يشفيها طاحت مغمى عليها بنص الشارع وشافوها شباب من جنسيتها وشباب ثانين يعرفونها بس من جنسيه ثانيه وكلهم عرب تهاوشو الرجال بنص الشارع والبنت طايحه
اللي من جنسيتها يقولون باخذها نوديها المستشفى
واللي من جنسيها ثانيه هم كانو معها بالكلاس قالو ابدا حنا بناخذها عندنا البيت اللين تخف هي احيانا تتعب بالاكلاس وبعدين ماتعرفكم هي
وصارت قصها كبيييييييييييييييره وتتدخلت السفاره كل هذا لانها مسكينه مامعها محرمها

يعني بصراحه البنت بتدرس الله يوفقها بس لازم لازم معها محرمها ويقعد معها بعد مو بس يرميها ويروح في مامعنى حديث الرسول صلى الله عليه وسلم (كلكم راع وكلكم مسئول عن رعيته)

ولو اقول علي القصص بعد والله مره تقهرين على الاهل اللي يرسلون بناتهم تدرس بس ودايما سبحان الله محسنين الظن مع ان الرسول صلى الله عليه وسلم امرا الرجل اللي راحت زوجته للحج مع (القافله) لاحظي ان يلحق بها

واخر شي سالفت المبتعثه السعوديه الله يحفظها اللي انخطفت بامريكا وهي بوسط السوق بعد


برضو عندي تعليق علي بعض الاهل اللي علشان يريحون راسهم من عيالهم يشرون لهم لابتوبات وانترنت ٢٤ ساعه شغال والولد او البنت ماتعدو ١٤ او ١٦ ليش هذا الاهمال؟؟؟؟؟؟
حتى تلقين الاهل مايعرفون حتى يشغلون الكمبيوتر
والله اذا عند الاهل درايه ومعرفه بالكمبيوتر والنت لامانع بالعكس اتشارك انا وعيالي بالنقاش عن المواضيع الحلوه بنفس الوقت يكون فيها رقابه دائمه
لكن اذا انا ماعرف منه شي ماله داعي اجيب المصيبه لبيتي اجيب كمبيوتر بي سي واحطه بالصاله واخليهم يستخدمون قدام عيني بدون مااحسسهم وبنفس الوقت احاول اناقشهم باللي اطلعو عليه علشان يحسون اننا متحمسين معاهم


برضو عندنا مشكله السب صراحه هاذي اكبر مشكله صراحه نحطم بشخصيت الطفل من الصغر الله يعفو عنا بعدين يجي الطفل بشخصية قاسيه وعنيده (اتمنى نتناقش باساليب العتاب بدون تهزي علشان كلنا نستفيد وانا اولكم )


اسفه على الاطاله بس حبيت اشارككم ببعض الاشياء اللي لحظتها وشكرا علي الموضوع الررررررررائع

أهلين بنات هذي اضافتي يمكن مكرره بس هاي طريقتي 0000
لاني احبكم واستفدت منكم كثير اليوم ابي اقول لكم خبرة 3سنوات من الزواج صح مش كثير بس ان شاء الله تستفيدون منها

& اولا الزوج يحترم المرأه التي تخاف الله ومحافظه على امور دينها وخاصة الصلاه فمن الصعب ان تأمرينه بالصلاه وانتي مقصره بيقول اول علمي نفسك ...أسعدي ربك تسعدي زوجك

&أهله أحترميهم وعامليهم مثل أهلك ولاتشتكين منهم أبدا حتى لو بدر منهم شيئ ينغص سريرتك صدقيني مع الايام بيتبدل الحال وبتفرضين أحترامك مش بالغصب لا بالطيب والذوق والاخلاق الزينه ولاتنسينهم من الهدايا في المناسبات

&خلي لسانك حلو دايم معه والعبارات كثييره ..اذا جاب اغراض للبيت 0الله يعطيك العافيه ولايحرمنا منك واذا نقص غرض لا تدققين وتقولين ليييه ناسي كذا كذا اتوقع البدايل في الطبخ متعدده
وبتستغنين عنها ..وكمان تدعينه بأحب الاسماء اليه ..عمري
وه الكلام في هالمجال طوييييييل وانتي وذوقك

&لا تذكرين مساوئ أهلك أمامه ابدا ابدا وان كانت كالجبال
وركزووو زين على هالنقطه لاتقولين اخوي سوى وأختي سوت لالالالالا بيدور الزمن وبيقعد يذكرها لك في مواقف ماتحبينها
.....واللي مافيه خير لأهله مافيه خير للناس ....

&الطبخ أخذي رأيه فيه حتى لو حاطه في راسك شيئ ومسويته مسويته خخخ مافي مانع تقولين وش رايك وش اطبخ لك اليوم
الشيئ الفلاني ..أو انت تحب (اي طبخه ) وش رايك أسوييها

& حسسيه بأهميته وأنك ماتستغنين عن رأيه ابدا وحاولي توضحين انه التوب وما فيه أحد يوصل لمنزلته مثلا في السوق خذي رأيه في الملابس خاصه البيت زي التي شيرتات والبجامات وملابس النوم ..والحمد لله الهرم والشامل ماقصرو ملابس البيت حلوه ورخيصه
اما العزايم انتبهي خخخخخ لاتورطين عمرك ترا بتروحيييين فيها هههه ماعندهم ذوق الله يخليهم لنا

&لاتذكرين مساوئك ابدا يمكن هو من النوع اللي مايدقق وانتي بتفتحين على روحك جبهه مين اللي بينصرك فيها

&&&وقت الزعل وسووووووووووووء التفاهم &&&
وهذي تحتها مليون خط نصيحه لوجه الله اذا كان معصب لاتجلسين عنده ولاتراديينه انتي الخسرانه الصمت في هالموقف تتجلى حكمته ..اذا روق وهدا فهميه بهدوء صدقيني والله ان تكبرين في عينه وساعتها هو اللي بيندم ...


&الهديه عاد احنا بنات حواء ومحد يعلمنا في ذي الشغلات وقت الاعياد مناسبه خاصه عنده شيئ بسيييييط يجدد الحياه الزوجيه
ولها أثر كبيييييييييييييير في النفس

&أفرحي لفرحه وأحزني لحزنه انتبهي تفرحين وزوجك زعلان والدنيا صاكه بوجهه مثلا سيارته خربانه مديون وطفران لاتشقين وجهك بالابتسامه عيب خخخخخ الله يرضى عليكم ومن باب الذوق تراعين شعوره...ولاتكشرين وهو مبسوط بيقول في نفسه ماااالت عليها ذا القشرا

& راعي ميزانيته لاتبذريييين والرجال حافي منتف وطلعنا ومشينا
ودنا جيب لنا وفي نفس الوقت لاتقصرين على عمرك بس بالشيئ المعقول ...

&احفظي سره ولاتبوحين به عند أحد مهما كانت الاسباب ولاتطلعين اسرار بيتك ومشاكلك لاحد يدري عنها حتى أهلك وانتبهووووووو اهلك ابعديهم حلي مشاكلك بنفسك.. متضايقه منه زعلك قالك كلمه شينه ارفعي كفك للذي لاتنام عينه موتدعين عليه خخخخخ لا ادعي الله يصلح مابينكم ويهدي سركم وماخاب من دعا رب العباد

&الرجل لايحب المرأه المتواجده أمامه داااائما انشغلي عنه بالقراه بشغل المنزل وياااكثره مولاااااااازقه 24ساعه قللي انتباهك اليه ليركز انتباهه اليك ...
وكمان خليك غامضه حبتين الرجل يعشق المرأه الغامضه فهو يحاول اكتشافها ولاتكونين مصرقعه ومخفه
ابتعدي خليه يشتاقلك حبتين..

&التزين والله الله فيذا
الرجل اذا دخل بيته ولقى المدام على سنقة عشره لبس ناعم وخفيف والكشه ياسلااام ممشطه والعطووووور والبيت مرتب ونظييف وأبتسامه مهب زي هذا عاد وش بيكون موقفه ؟؟؟
والعكس اذا دخل ولقى البيت حايس والكشه بسم الله الحمن الرحيم
والوجه لاكحل ولاقلوس والريحه طيب ليه كذا !!!
الله جميل يحب الجمال لاتهملون هالجانب بليييييز

&النظافه الشخصيه بعض الحريم تنام ولاتتسبح وريحة الكشنه والبصل في شعرها طبّاخه طيب مافي مشكله بس من حق زوجك عليك تنامين متسبحه ومتطيبه والرسول صلى الله عليه وسلم قال فيما معنى الحديث (حبب الي من دنياكم الطيب والنساء)
وأثبتت الدراسات الحديثه فائدة العطور في حياة الزوجين وغيرهم
خلي عنك الدراسات العلميه انتي اذا تطيبتي او شميتي ريحة طيب مش تستانسين وينشرح صدرك ؟؟

& أبرزي جانب حبك له مثلا خليه خلفية الجوال والاب توب
كرت الزواج ضعيه في مكان بارز ليشعر بأنك تفتخرين باليوم الذي جمعك به وكروت الغومانسيه خخخخ لاتنسيننها
ارسلي له في الدوام (أحبك) مافي مشكله


&الله ..الله ..في الروايح الزينه أشدد وأعيد العطورات شيئ أساسي ومش فرعي في الحياه الزوجيه وبودي شب ونكتار وزهور الريف ماقصرو والعطورات في كل مكان حتى الهرم وانتي طالعه منه في كوشكات تبيع خمريات وعطورات تهببببببببببببل

وه أخيرا خلصت لي ساعه وانا اعصر مختي لاتقولون منقول ولامسروق خخخ
اي استفسار انا بالخدمه !!! اووووخص يالمشرفه الاجتماعيه ههههههه

____________________________________________

أدري مسختها وطولتها عليكم بس والله ماكتبتها الالحبي لكم وخوفا على مصلحتكم واذا نسييت شيئ ابرجع اضيفه مره ثانيه
تحياتي لكل حوائيه فضت وقرت موضوعي
والله يجملنا في عيونهم ولا يعرسون علينا <<أهم شيئ