طريق الامل ( خبرات متبادلة حول مراكز العقم فى مصر ) الجزء السادس

إزيكم يا بنات وحشتوني قوي
معلش سامحوني مش بعرف أدخل كتير زي الأول النظام مقلوب عندي خالص في رمضان
بس والله وحشتوني قوي
أم إياد ربنا يبركلك يارب على الحاجات الحلوه اللي بتبعتيها
فاطمه وأكسي أنا إمبسط قوي إنكم مشيين في خطوات العمليه ربنا يتمملك على خير يارب
وإنت يا أوشي ربنا يوفقك يارب والله يخليكي طمنينا عليكي أول بأول
ميكو ربنا يتمملك علي خير بس بالفعل يا ميكو ياريت تمنعي الجماع نهائيا على الأقل أول ثلاث أو أربع شهور وتقدري تتأكدي من خطورة الجماع في الفتره الأولى من الحمل بالذات لو عملتي سيرش على النت وربنا يكرمك ويوفقك يارب
أم أنس يارب تكوني بخير وماشيه على الرجيم يارب
إشتقت عامله إيه وإيه أخبار أنس باشا
بوبا ربنا يوفقك يا حبيبتي بس قوليلي صحيح هو إنت إيه آخر أخبارك إستقريتي على إيه وهتعملي إيه الفتره الجايه
توتا ربنا يوفقك يارب ومتنسيش تطمنينا أول ما تروحي معادك المره الجايه وتقوليلنا الدكتور قالك إيه وإبتديتي الحقن ولا لسه
زينب والمشتاقه للأمومه والمشتاقه لمكه ونيفو ورمال يارب تكوني كلكم بخير يارب

يابنات هو محدش يعرف أخبار عن ماما وسارا يطمنا عليهم
وكمان ميرا هيه مش كانت عامله تلقيح صناعي متهيألي المفروض تكون عرفت النتيجه حد يعرف عملت إيه؟

باقي البنات والله بدعيلكم كل يوم ربنا يتقبل مننا يارب ويفرحنا كلنا بإذن الله

يا سلام يا سلام يا ست بوبا .. طيب لما اشوفك هتجيبى ايه .. انتى بكرة مش هتقولى على ابنك سحليه .. لا انتى هتقولى عليه ابو فصادة .. ومن ده ل ده يا قلبى لا تحزن ..
وبعدين تعالى هنا .. مين ده اللى يبوس ايدة ورجلة ..
ده انا بكرة اخليه يقول احد احد ..
اما بالنسبه للببرونه ..
انا اساسا خبيتها وابقى ورينى هتقولى له ازاى
وكمان عايزة اضيف معلومة مهمه جدا جدا .. انس ميقدرش يخرج عن طوعى ابدا لان انا بالنسبه له الامن الغذائى .. يعنى مش هيعرف يكتر معايا فى الكلام
وبلاش تثيرى الفتنه بينى وبين الواد وخليكى فى حالك
وهو سحليه وميت سحليه كمان غصب عن بوزة ولو عاجبه ..
وانتى بطلى تلعبى مع الاسد فاهم ولا لا يا حنفى

حبيبتى اوكسى ..
برافو عليكى انك بدأتى فى المراحل الصحيحه وان شاء الله تشوفى ثمرة مجهودك عن قريب وكلنا بندعى لك ولكل البنات ربنا يكرمكم بالذرية الصالحه واحنا فى الشهر الفضيل ده

بس ليا تعلييق على الدكتور بتاعك ...
بصى يا قلبى مش صح اننا نجادل مع الاطباء احتراما ليهم وتقديرا لمجهودهم وانا مقتنعه بالمبدأ ده جدا
لكن ده مش يمنع ابدا اننا نتناقش معاهم مناقشه ايجابية .. بمعنى اننا نتناقش معاهم فى خطوات علاجنا وطبيعه مرضنا
علشان نفهم حالتنا بالظبط ونقدر نتعامل معاها والدكتور لازم يفهم ده كويس جدا ان المريض لو فهم طبيعه مرضه هيساعد كتير اوى فى حل المشكله ..
لان لو ده ما حصلش بالتأكيد جهل المريض بحالته هيأثر على نجاح مجهود الطبيب معاه ..
فا بالتالى مهم جدا ان كل واحده فينا تتكلم بحريتها مع طبيبها ولازم توصل للطبيب ان ده حقها فى حاله انه طلع دكتور من نوعيه الدكاترة اللى بيكسلوا انهم يتكلموا مع مريضاتهم او اللى مبيحبوش نقاش المريضات معاهم ..
انا بقول لك الكلام ده يا حبيبتى تعليقا على انك معرفتيش ايه الخطوات اللى هتمرى بيها فى علاجك وده اكبر خطأ معلش سامحينى انا هدفى انى انبهك لحاجه اكيد هتأثر عليكى بالسلب ..
وعلشان ده بنصحك انك تراجعى الدكتور فى كل استفساراتك .. مفيش حاجه اسمها اتنرفز عليكى .. مينفعش يعمل ده .. اتكلمى معاه وطول مانتى بتراعى المسافه اللى بينك وبينه يبقى مش من حقه يتنرفز .. ولازم تثبتى حقك ده وانتى معاه .. يعنى لو سألتى عن خطوات العمليه وصادر على كلامك برده .. نبهيه انك لازم تعرفى لان ده هيساعد اكتر فى ان العمليه تنجح بعون الله .. وانا شايفه انك واعيه ماشاء الله عليكى وعندك خلفيه كويسه ..
ودى نقطه متخليش طبيبك يتدايق من كلامك معاه بالعكس هو بيكلم واحده فاهمه كويس وده هيوفر عليه مجهود كبير
فا انتى ناقشيه بدون جدال وزى ما قلت لك طول ما بتراعى انه الطبيب وانتى المريضه وبتوصلى له ده اكيد هيغير طريقته
وللأسف الطبيب ممكن يكون ممتاز ومتمكن لكن اسلوبه بيخلى المريضات يتجنبوا استشارته

اخر نقطه بقه .. مش هوصيكى اقرأى كتير جدا عن حالتك وطريقه العلاج اللى اتبعها الدكتور معاكى وعلى الحقن اللى بتاخديها وعلى كل حاجه خلى عندك ثقافه شخصيه كده علشان لو فضل الطبيب بتاعك بنفس اسلوبه معاكى ..
يبقى انتى تبقى على درايه بالقصه
معلش انا طولت عليكى .. بس حبيت اقول لك كل اللى فى نفسى ,,, وربنا يكرمك يا حبيبتى

ام اياد ..
جزاكى الله خيرا يا حبيبتى .. انتى يا اروبه بتجيبى الحاجات الحلوة دى منين
ربنا ما يحرمناش منك ويرزقك الذرية الصالحه .. ولازم تعرفى ان اكيد كل واحده فينا بتدعى للتانيه بظهر الغيب
كلنا هنا اصحاب هدف واحد ومشكله واحده هى اللى جمعتنا سوا واكيد كلنا حاسين بيكى وبالباقى يا قلبى

توتا تويتى ..
ربنا معاكى يا قلبى .. انا مبسوطة جدا علشان بعرف اخبارك اول بأول ومبلحقش اقلق عليكى ربنا يكرمك
خليكى كده على طول طمنينا اول باول .. وزى ما قلت لك قبل كده ليكى نصيب كبير فى الدعاء يا حبيبتى ..
ودايما ربنا يذكرنى بيكى مش عارفه ليه .. اكيد ده من طيب معدنك

نوفى ..
والله انتى بتهزرى جدا .. ايه كل الغيبه دى وفى الاخر راجعه مش عارفه تقولى اه يا ايه فى جسمك
حلو كده يعنى اللى بتعمليه فى نفسك ده .. خلى بالك من صحتك يا نيفين الله يكرمك .. واحتسبى تعبك ده ان شاء الله ربنا هيأجرك على حسن خلقك مع اهل زوجك وكمان ثواب اطعام الطعام وافطار الصائم ..
بس ريحى نفسك شويه واقفلى باب العزومات حبتين
وتعالى قولى لى عامله ايه فى الدايت ..

اشتقت اليك ..
ازيك يا حبيبه روحى .. انتى اخبارك ايه .. ياريت تقولى لى عامله ايه دلوقتى وايه اخر اخبارك ..

طماااااااااطم ..
انتى فاجاتينى يا بنتى بموضوع العمليه ده .. بس عارفه كانت مفاجاة حلوة اوى اوى اوى .. والله انا مبسوطه اوى يا فاطمة علشان اخيرا بتتعالجى صح .. ايوة كده اتلحلحى شويتين .. من زمان كان نفسى اسمع منك خير يا حبيبتى .. هتابع معاكى كل خطوة بس بلاش غياب وانا ان شاء الله مش هغيب الفتره دى مخصوص علشان اطمن عليكى وعلى توتا معاكى واوشى وهقول للاستاذ انس بلاش استهبال علشان اعرف ادخل ..

اوشـــى ,,,
خلاص يا حبيبتى اللى فاضل مش كتير .. فات الكتير مش باقى غير القليل اللى كله فرح بأمر الله .. وان شاء الله الدكتور يبشرك بكرة يا حبيبتى .. ما تقلقيش وما تتوتريش كله هيمشى تمام بامر الله

ام انس ..
اخبـــــــــــارك ايه .. وحشـــــــــــانى والله يا جميل .. بس انتى برده ما قولتيش مين رقم 8 اللى حملت معانا فى الملف وانا مش اعرف ,, حتى نيفو ضحكت عليا ومش قالت مين رقم 9 .. عموما ربنا يبارك للجميع فى حمله يا حبيبتى وعقبال كل الباقى يارب