اللي عندها شغاله وعندها طفل واحد شلون نظامكم؟ وش دورك ووش دورها معليش بس احس بتانيب

متابعة النقاش، صفحة 3

شاركي في النقاش

سجلي الدخول لإضافة تعليق.

التعليقات

17
  1. اسمحيلي أقول لك ما تستاهلين الولد اللي جاك

    خليتيه للشغالة و انتي تشتغلين....بعدين اذا صار فيه شي دوري المستشفيات ...

    أحس ما توصل لذي الدرجة...

    من جد دلع في الحريم بزياااااااااادة...قال ايه شغالة....

    عندها ولد واحد و ماتقدر تشتغل.....

    دلع فاضي...من جد شي يقهر...

  2. يا بنات لا تسلمون أولادكم للشغالات بعدين لا طاح الفاس بالراس قلتوا ليتنا وليتنا وعندها ماتنفع ليت !!

    ياما سمعنا عن قصص الشغالات بس ما يعتبر الواحد إلا لما تحصل له بنفسه القصة

    الشغالة ما يهمها لو تغسل ولدك بماء بارد بوسط الشتاء والمسكين صغير ما يعرف يتكلم ويقول لك

    أو تغسله بماء حااار ...

    تزين له الرضعه ويمكن تكون حااارة او باااردة ما عليها أهم شي إنه يرضع ويسكت وبس !!

    يوسخ -وانتم بكرامة- وتخلي الحفاظة عليه بالساعات ماتغير له ياما تلتهب المنطقة عليه !!!

    وانتي يالأم لاهية بوظيفتك وزياراتك وروحاتك وجياتك

    وبعضهم يكون ولدها شقي ومشاغب وهي بنفسها ماتتحمله فكيف تبين الشغالة تتحمله وهو مو ولدها ولا شي ... ماتنلام لو سوت فيه شي ..

    اللوم كله عليك يالأم ... اتقي الله ... كلكم راع وكلكم مسئول عن رعيته
  3. @ymam_ngd_1

    اولا اهتمي بزوجك وبيني هالشي

    يعني تطلعين له ثيابه من الدولاب
    تبخرين ثيابه تهتمي تلبسيه وتعطريه وتبخريه

    ثيابه انت الي ترتبيهم بدولابه بلمساتك

    عطوراته
    ملابسه الداخلية

    مايدخل يسبح الا انت مجهزة الفوطة والملابس له

    انت الي تشيكين على ثيابه اذا يحتاج شي جديد او تجديد
    تتاكدين من تلميع جزمه ونظافة جواربه وكل شي تقوم به الشغالة

    غرفتك ترتبيها وتفرشي المفارش مثل ماتحبي وبشكل مميز
    وتضعي لمساتك بالغرفة وتعطريهابنفسك




    تطبخين له وانت الي تقدمين له الاكل وتتاكدين ان تقديم الاكل مميز وانه كامل يعني بالكاسات بالاطقم بالملاعق بالمفرش الحلو بشكلك المرتب دائما

    تغيرين فوط الحمام وترتبين البيت بلمساتك


    مو شرط تسوين كل شي بنفسك بالبيت لتكوني امراة سنعة
    المراة المديرة افضل من المراة الي ماعندها شغلة الا تنظف البيت وبالنهاية تتحول الى خادمة بنظر زوجها وتنسى انها انثى
    بينما المراة العزيزة هل الي تدير الخدم ليكون بيتها بيت مميز وهي ماتزال تهتم بزوجها وعيالها بكفاءة افضل



    نجي للولد

    ابنك لو نام مع الشغالة بحكم عمل زوجك ورغبته بنوم مستقر مافيه مشكلة

    انت بعد يبي لك خصوصية معه لاجل لا يبتعد عنك
    كثير من الازواج انجاب طفل يبعدهم عن بعض بالذات جنسيا وعلاقتهم تسوء كثيرا
    وطالما هو رافض فخلاص لا تفتعلي معه مشاكل

    ويمكن تخافي على ابنك ينام بروحه


    لكن احتياط ركبي كاميرا بين غرفة الطفل وغرفتك تشغلنيها انت لتكوني ملمة بالوضع
    وتقومي بين فترة واخرى لترضعي طفلك ولتتتاكد يانه متغطي زين حتى تامني ان تتركي طفلك بروحه بغرفته وتشوفيه بين وقت واخر

    حتى طفلك يكبر وتخليه ينام بروحه

    وللرضاعات جهزي كل شي الرضاعة تكون معقمة والحليب انت تقيسيه وتجهزيه بالحافظة والماء ضعيه بالزمزمية او الرضاعة
    وهي عليها بس تخلط الحليب وتعطيه او انت تعطيه


    السباحة خليها عليك


    تحميم الطفل ممتع
    خلي الشغالة تجهز لك كل شي من ثيابه واغراضه وانت تمتعي باستحمام اطفالك

    نفس الشي تاكيله اكليه بنفسك اذا انت معه بالبيت
    استمتعي بتربية ابنك والشغالة تقوم بالشغل الصعب او الكثير


    وللطبخ
    علميها تقوم عنك بالازمات


    لكن دام انك بالبيت اتركيها تجهز لكل شي وانت طبقي الطبخة او على الاقل تزينيها

    اتركي عليها الشغل الوسخ

    مثل تفريم البصل القلي ،التنظيف
    لكن عليك الطبخ وطبخات سنعة ومميزة الي يخلي زوجك يرتبط فيك ويحس ان البيت كله هذا يمشي بامرك
    وان البيت مايقوم له قومة ولا يكون له حس الا بوجودك


    وطبعا اهتمي بنفسك واستفيدي من وجود الشغالة

    حتى لو فيه عشرين شغالة بالنهاية هو بيتك

    والزوج يحس لو الزوجة عرفت كيف تخلي لمساتها بكل مكان بالبيت سواء من زينة او من ديكور او من تعطير للبيت او من اهتمام بالتفاصيل الدقيقة لزوجها
  4. @nice_angle

    (يمامة نجد)
    اولا اهتمي بزوجك وبيني هالشي يعني تطلعين له ثيابه من الدولاب تبخرين ثيابه تهتمي تلبسيه وتعطريه وتبخريه ثيابه انت الي ترتبيهم بدولابه بلمساتك عطوراته ملابسه الداخلية مايدخل يسبح الا انت مجهزة الفوطة والملابس له انت ال…

    لافض فوك غاليتي وهذي طريقتي خصوصا اني معلمة ومضطرة للشغالة
    تحياتي لك ولاسلوبك الراقي..

تابعي تجارب أخرى من هذا القسم.