@@@ لكـــــــــــــل من بالنفــــــاس ** تعالوا نتبادل الفوائـــــــــــــد ** @@@

متابعة النقاش، صفحة 145

شاركي في النقاش

سجلي الدخول لإضافة تعليق.

التعليقات

1,457
  1. صباح النور والسرور ... يااحبيلك يا حبيبة والله كلامك يدخل القلب احس نصيحة أخت لأختهااا الله يكثر من امثالك يارب
    ولا يحرمك الأجر .. ويرزقك باللي تتمنينه .. ويخلي لك كل من تحبين
    ولا يهونون بااقي البناات .. الله يخليكم ياارب

    على فكرة انا من زمان متابعتكم من يوم وانا في اواخر التاسع .. اقرا واستفيد الله لا يحرمكم الأجر يارب
    وفيه اشياء طبقتهاا واشياء لاا .. وكان ودي اشارك بس ماحصل وقت ويوم صار فيه امكانية حبيت اشكركم جميعاً

    بالنسبة للي طبقته طبعاً مثل طريقة نفاس حبيبة بس اني شربت الحلبة لمدة 10 اياام بعدين ماعاد قدرت اتحمل
    تحوم كبدي بشكل .. واشربهاا عشان امي .. مع العلم اني ثاني طفل وكأنه اول طفل ما اعرف شي نسيييييييت مرة
    وطبعاً القشر وتوابعه شربت مرة وحدة ترمس تحمست بعدين خلاص صرت اشرب حليب وبس .. احس طعمه كأنه دواا ما قدرت
    والباقي الحمدلله مداومه على نفس النظااام ..
    مع ان لي كرشه شوي ومتعبتني نفسياً ماودي زوجي يشوفهاا لأنهاا مترهله ومسوده و((معرعره)) << ابوك يالوصف :09:
    وادعي ربي ليل نهاار تخف ويتحسن شكلهاا ..
    اتوقع لأني نحيفة يشد الجسم قوة وقت الحمل وبعدين يرتخي ويسبب هوايل يارب لك الحمد :(
    كنت استخدم يمكن لمدة اسبوع ونص زبدة الكاكاو على بطني بس مالاحظت شي يذكر وتركته ويأست
    ولا استخدمت شي .. فكرت في زيت جنين القمح بس ما ادري اخاف استمر واتعب وماالقى نتيجة واتحطم :44:
    وش رايكم وش اسوي .. وعطيني رايك حبيبة لو تكرمتي وربي اني احس الدنياا صاكه في وجهي ياربي لك الحمد على كل حال :icon33:


    وخرابيط الجسم والصنفرة مابعد بديت مع ان لي والدة 24 يوم ماأدري متى يجيني العزم واسوي :icon33:
    بس عندي كم مشكلة تعبت من التفكير ودمرت نفسيتي اكثر شي :44:
    ودي من حبيبة واللي عندهاا جواب تساعدني وترد عليّ لو تكرمت :26:

    انا الحين والده لي 24 يوم .. والخياطة مابعد طاحت ولا تغير وضعهاا
    هل الوضع مطمن .. ارتاح يعني او وشو ؟؟
    قولي لي تكفووون

    مع اني بعد الخياطة بأسبوعين مارتحت للوضع رحت اكشف وقالت لي الخيوط تطيح من نفسهاا
    واموري صارت تمام الحمدلله بس عندي التهاب بسيط ..
    وصفت لي مضاد حبوب وغيرت لي الكريم واعطتني غسول وكريم بالاد (( مضاد حيوي )) على الجرح
    مع العلم كنت في البداية استخدم غسول وكريم ريالوكين << مسكن ..
    واعتني وربي من دخلت نفاس وانشف نفسي زين بس الشكوى لله :44:
    المهم ان الدكتورة وصفت لي حبوب الرضاعة (( سيزرات ))
    من اليوم الـ 17 بما اني ارضع طبيعي .. تقول خذيهاا بدري من الحين عشان تنظم لك

    السؤال الحين : اخاف اني مع حبوب الرضاعة ماعاد اطهر ابد وانا ودي اصوم ؟؟
    وش اسوي .. مع العلم انه من بعد الأسبوعين الأولات والدم قلييييل بس غاامق .. تعبت من التفكير دم نفاس او عشان الحبوب .. ما ادري .!!!
    يعني مافيه اي اثر طهارة لا اصفر ولا ابيض ..

    افيدوووووني الله يرضى عليكم وش اسوي
    هل الوضع صحيح او انا موسوسة .!!!

    عارفة طولت بحكيي وقلت قصة حياتي بس ودي ابين لكم الوضع :44:


    ولكم ودي :26:
  2. كـــ الغـــلآ ــل
    صباح النور والسرور ... يااحبيلك يا حبيبة والله كلامك يدخل القلب احس نصيحة أخت لأختهااا الله يكثر من امثالك يارب ولا يحرمك الأجر .. ويرزقك باللي تتمنينه .. ويخلي لك كل من تحبين ولا يهونون بااقي البناات .. الله يخليكم ياارب على فكرة انا…
    اللف مبروووووووووووووووووووووووك
    وحمدلله عالسلامه ياقلبي

    بحر العسل طالعه من الشر يارب

    توني لقيت فرصه ادخل عجزت اتحرك من ولدي
    اول شي ذبحه الترجيع يوم غيرتله الحليب بطل الترجيع وجاه الامساك ياربي ونوم مانام كل شوي يقوم ويبكي
    وخيوطي ماطاحو خايفه تكون من النوع الي يبيله شيل مايذوب وحايسه
    وتعبانه نفسيا من كل الجهات
    كرشتي للحين قاسيه ومو راضيه تخف شربت قشر بصل ومانزل دم
    ومدري من ايش والله اليوم اناظر بالمرايه اقول اخاف في طفل ثاني ببطني ماطلع
    من المنظر هلوست مع اني مشالله جسمي احسه نحف شوي لكن بطني تروع
    بس اذكر يوم اني ولدت الممرضه عطتني ابره في فخذي الظاهر عشان المشيمه بعدها حسيت اني ادفع لااراديا
    وهي صارخت لاتدفين قلت غصبا عني وطلعت المشيمه والممرضه معصبه اخاف هالشي الي خلى بطني منفوخ
    تكفون احد يشوفلي حل اهلي يقولون روحي للدكتوره لان شكلي شكل وحده حامل عكس ولاداتي السابقه
    بطني يصير لين والجلد طايح :44:
    وبسئلكم عن كريم نيو هيلاري
    احد جربه
    لاني جاني امساك وانتم بكرامه وصرت اتالم مدري هو شرخ شرجي ولابواسير
    وزوجي سئل الصيدلاني عطانا هيلاري
    ودي اعرف الي فيني ايش شرخ ولابواسير الله لايقوله
    احد يعرف الفرق لاني مستحيه اروح اكشف وخايفه اسكت تزيد واحتاج عمليه :icon33:
  3. صاحبة الموضوع
    ام عبوووووود
    يا بنات ليه تضحكووون....الحسو فيه رشاد بس ينحط معه بيض وبصل وسكر وفلفل اسوووود وخرابيط ما احبها..بس حاليا انا آكل الرشاد مع المرق او الشوووربه ... حبيبه زوووجها بامشي ع نظااامك بس انا لي والده 13 يوووم يصير ابدا فيه من بكره ...ولي بالرشا…
    هم يضحكون علي شفتي ؟؟؟ جايين يتفلسفون ويقولون الحسو هو الرشاد لاني سألتك وش هو مااعرفه
    الحين انا باضحك عليهم ..:hahaha:

    شوفي ام عبوود دام الحين شرحتي لي وش هو الحسو ..أكلك للرشاد كفايه ترى مع العسل كل يوم يكفي
    يدون الحسو هذا .. .. ودامك بديتي بالرشاد كملي عليه لاتوقفين واذا ماعندك عسل اصلي ينفع تسوين
    طريقة التمرات الي عالنار مع الزبده شوفي ردي فوق على اخت دنووشه
    طبعا 20 يوم كفايه بالنسبه لك كقيصري .. .. لانك تكونين منظفه اصلا .. عشان كذا يكون خفيف
    ماعليه هونيها وتهون .. خلك عالرشاد .. واشربي القشر والقرفه ترى مررررررررره ممتازه خصوصا انك قيصري
    وماتقدرين تربطين.. وكملي عليه لاتوقفين ..



    وعليكم السلام

    ماشاء الله عليك تبارك الله التمارين سويتيها اسبوعين ؟؟ تدرين لو كملتي عالقشر اكثر من هالخمس ايام
    مع التمارين طلعتي اطلق وحده بالتجمع ؟؟

    شوفي حبيبتي التنقع هذا انا مااحبه ولاشجعه ابد يدخل المويه بالرحم كننا ناقصين رطوبه
    افضل شي تتوضين فيه .. تبين تعرفين انتي محشيه مويه او لا ؟؟ اخر نفاسك لاجيتي بتطهرين
    حطي تحاميل البوثايل وشوفي وش يطلع منك من لتر من مويه من تحت ..

    الظهر علاجه بدال الحلبه ( الي تاخذونها وهي اصلا ماتسوي شي للظهر ) خذي ماش يوميا لايقل عن 20 يوم
    مع عسل او مع اكلك بس يكون جراش مو مطحون ناعم وخذي برضو حبوب كالسيوم من الصيدليه اسمها سيكال
    وبأذن الله تودعين الم الظهر ..

    الكرشه لو استمريتي عالقشر وربي راح تدعين لي من قلبك بس خساره ماكملتي ..
    طيب فيه حل ثاني انا الحين اسويه بس ماينفع لك وانتي نفاس اذا طهرتي ,,
    مع المشي بعدين على قولتك بتخفين بأذن الله



    اللحمه ضروريه حبيبتي لان كلها بروتين .. يشد رحمك ويلم عظمك ..
    لو ماقدرتي تاكلين الا قطعه عالاقل مويتها تحمليها هي الي بتدر حليبك ان شاء الله
    بس كثري الفلفل الاسود .. وعوضي بنفس اليوم بتونه ودجاج وبيض كلها بروتين
    بس مايغنيك هذا عن اللحمه ..

    اسألي حبيبتي وخذي راحتك لاتستحين ...

    القرصان هذا الي يجي جاهز حنا نسوي فيه طبخة القرصان اذا انتي سعوديه
    وهذي صورته الي عاليسار



    الحلتيته هذي صورته .. تلاقينه عن العطار



    وهذا الشمر برضو تاخذينه من العطار ..



    الشمر احلى فائدتين فيه يدر الحليب .. ويشد الجسم

    وهذا القشر طبعا لازم تحمسينه زي الصوره والا ماله اي فائده بدون حمس
    واللي تستمر بأذن الله ينحت الجسم نحت بس والله ماكملت مااكذب عليك شربته شهر بس خلطة القشر
    وجاء رمضان واناارضع يكفي اني اموت جوع مع الرضاعه لانها تاخذ خلاصه اكلك
    مابالك بخلطة القشر ترى تجوع ,, يعني مااقدر ابد عالاثنين مع بعض
    بعد رمضان بأذن الله يوميا ترمس ,,



    وهذا كريم اولي الي عندي بالتوت البري .. تلقينه بالصيدليات بـ 28 ريال


  4. صاحبة الموضوع
    ((سارونه))
    السلام عليكم كيفكم بناااااااااااااات :) بغيت اسئلكم انا لي 35 يوووم من النفاااااااااس واكلت حبوب منع الحمل مرفلون هل يأثر علي ؟؟؟
    وعليكم السلام والرحمه ,,
    من اي ناحية يأثر عليك .. بصراحه ماعندي اي خلفيه عن حبوب منع الحمل ..
    بس اخواتي وحده تاخذ مريفلون ووحده تاخذ ياسمين وماشاء الله مناسبتهم




    الله يرفع عنها يارب ... ويخليها لكم ويسركم بعافيتها ياكريم



    ايه لاززم تجي وتجي بعد قوووويه وزي النزيف تقريبا ... لاتستغربين
    بس اللي ترضع طبيعي ماتجيها الا بعد شهور ويمكن سنه بعد

    بعيالي ماكنت ارضع بتاتا .. الا اول 4 ايام .. ويعافونه .. وكانت تجيني اخت النفاس ( الدوره ) بعد عشر ايام من الطهاره
    عاد تخيلي اطهر يوم 28 او 26 وتجيني قبل اخلص الاربعين ..:09: بكم يوم ..
    وهالمره انتظر وللحين ماجت ..ويارب تكمل جميلها فيني لبعد رمضان ياااااااااااااااااارب



    الله يعافيك ... ويهون عليك يارب ..حنا باانتظارك



    وعليكم السلام ..

    الله يخليك يارب ...
    البوثايل لا ماتسبب حكه ولاحراره ..وفائدتها اصلا للالتهابات بس هي قابض وتنشف الرحم والمهبل من السوائل المحتبسه .. يعني اضربي 3 عصافير في واحد :)

    الدم خفيف مره مره من ثالث يوم لا مو طبيعي .. غريبه اقل شي اسبوع
    بس خلطتك ممتازه بس ناقصها قشر قهوه وزنجبيل ..
    والافراز الاصفر اللزج الي مثل زلال البيض هذا قرب طهاره ..
  5. حبوبه صاحيه
    صباح الخير

    انا موجايني نوم من التفكير والخوف لاني ناويه اطهر ولدي اليوم الله يسترها مدري هو يحس الحين ولالا

تابعي تجارب أخرى من هذا القسم.