صباح النور والسرور ... يااحبيلك يا حبيبة والله كلامك يدخل القلب احس نصيحة أخت لأختهااا الله يكثر من امثالك يارب
ولا يحرمك الأجر .. ويرزقك باللي تتمنينه .. ويخلي لك كل من تحبين
ولا يهونون بااقي البناات .. الله يخليكم ياارب
على فكرة انا من زمان متابعتكم من يوم وانا في اواخر التاسع .. اقرا واستفيد الله لا يحرمكم الأجر يارب
وفيه اشياء طبقتهاا واشياء لاا .. وكان ودي اشارك بس ماحصل وقت ويوم صار فيه امكانية حبيت اشكركم جميعاً
بالنسبة للي طبقته طبعاً مثل طريقة نفاس حبيبة بس اني شربت الحلبة لمدة 10 اياام بعدين ماعاد قدرت اتحمل
تحوم كبدي بشكل .. واشربهاا عشان امي .. مع العلم اني ثاني طفل وكأنه اول طفل ما اعرف شي نسيييييييت مرة
وطبعاً القشر وتوابعه شربت مرة وحدة ترمس تحمست بعدين خلاص صرت اشرب حليب وبس .. احس طعمه كأنه دواا ما قدرت
والباقي الحمدلله مداومه على نفس النظااام ..
مع ان لي كرشه شوي ومتعبتني نفسياً ماودي زوجي يشوفهاا لأنهاا مترهله ومسوده و((معرعره)) << ابوك يالوصف :09:
وادعي ربي ليل نهاار تخف ويتحسن شكلهاا ..
اتوقع لأني نحيفة يشد الجسم قوة وقت الحمل وبعدين يرتخي ويسبب هوايل يارب لك الحمد :(
كنت استخدم يمكن لمدة اسبوع ونص زبدة الكاكاو على بطني بس مالاحظت شي يذكر وتركته ويأست
ولا استخدمت شي .. فكرت في زيت جنين القمح بس ما ادري اخاف استمر واتعب وماالقى نتيجة واتحطم :44:
وش رايكم وش اسوي .. وعطيني رايك حبيبة لو تكرمتي وربي اني احس الدنياا صاكه في وجهي ياربي لك الحمد على كل حال :icon33:
وخرابيط الجسم والصنفرة مابعد بديت مع ان لي والدة 24 يوم ماأدري متى يجيني العزم واسوي :icon33:
بس عندي كم مشكلة تعبت من التفكير ودمرت نفسيتي اكثر شي :44:
ودي من حبيبة واللي عندهاا جواب تساعدني وترد عليّ لو تكرمت :26:
انا الحين والده لي 24 يوم .. والخياطة مابعد طاحت ولا تغير وضعهاا
هل الوضع مطمن .. ارتاح يعني او وشو ؟؟
قولي لي تكفووون
مع اني بعد الخياطة بأسبوعين مارتحت للوضع رحت اكشف وقالت لي الخيوط تطيح من نفسهاا
واموري صارت تمام الحمدلله بس عندي التهاب بسيط ..
وصفت لي مضاد حبوب وغيرت لي الكريم واعطتني غسول وكريم بالاد (( مضاد حيوي )) على الجرح
مع العلم كنت في البداية استخدم غسول وكريم ريالوكين << مسكن ..
واعتني وربي من دخلت نفاس وانشف نفسي زين بس الشكوى لله :44:
المهم ان الدكتورة وصفت لي حبوب الرضاعة (( سيزرات ))
من اليوم الـ 17 بما اني ارضع طبيعي .. تقول خذيهاا بدري من الحين عشان تنظم لك
السؤال الحين : اخاف اني مع حبوب الرضاعة ماعاد اطهر ابد وانا ودي اصوم ؟؟
وش اسوي .. مع العلم انه من بعد الأسبوعين الأولات والدم قلييييل بس غاامق .. تعبت من التفكير دم نفاس او عشان الحبوب .. ما ادري .!!!
يعني مافيه اي اثر طهارة لا اصفر ولا ابيض ..
افيدوووووني الله يرضى عليكم وش اسوي
هل الوضع صحيح او انا موسوسة .!!!
عارفة طولت بحكيي وقلت قصة حياتي بس ودي ابين لكم الوضع :44:
ولكم ودي :26:
@@@ لكـــــــــــــل من بالنفــــــاس ** تعالوا نتبادل الفوائـــــــــــــد ** @@@
متابعة النقاش، صفحة 145




