ادخلوا وانصحوني ولكل وحده دعوه

بنات اسمعوا تكفون ابتكلم بالعاميه لاني ماعندي اسلوب >>ابتطاق
بنات انا قلتلكم اني مخطوبه لي ثلاث سنين حلو وقلت انو مااادري
الا الحين يتم اولا ويارب انه يتم>>>>دعواتكم بنات
المهم الموضوع ومافيه ان هالرجال انا اكلمه وامي تدري واهلي كلهم يدرون
وبصراحه هو مرررررررره غيور لدرجه ماتتصورون لدرجه اني قلتله ابي اروح لصديقتي
ومع امي اصلن امي ماتخليني لحالي مره حريصه وطلبت منه اني اروح رفض بالمره
وبعد الترجي وافق وقالي بشرط اني اروح وراكم بالسياره واشوفك تنزلين واشوف لبسك
تخييييييييييييييييييييلوا؟؟
وقالي ترا بعد الزواج مافي بيت صديقاتك وهالخربطه مافي الا السوق وبيت اهلك
تخيييييييييييييلوا حتى الملاهي يقول ماتروحين الا مع اهلي بعدين وش اسوي بنات
واللبس منع عني كثير وقلت طيب معليش مايخالف
بناااااااااااااااااااااااااااااااااااااات تكفون الله يعافيكم انك تنصحوني وش اسوي معه
وتكفوووووووون بنات الي تدخل تدعي ان الموضوع يتم عالخير وربي لدعي لها بظهر الغيب

20 تعليق 1,065 مشاهدة

شاركي في النقاش

سجلي الدخول لإضافة تعليق.

التعليقات

18
  1. هلا قلبي الله يكتب الي فيه الخير ان شاء الله

    اول شي بقول لك استخيري واستخيري واستخيري لين ما تشوفين قلبك وش يدلك ترا زواج مهوب لعبه

    وادعي لي يا قلبي ان ربي يحقق الي في بالي ويشفيني والديني والمسلمين والمسلمات
  2. @aaros_alfrh

    ودي انصحك من قلبي بس ياليت تتحمليني وماتزعلين من الحق
    انتي اخطيتي وارخصتي نفسك يوم تكلمينه وهي بس خطوبه ؟؟؟
    عشان كذا يغار بقوة وغيرة ممكن توصل للشك مثل مالاحظتي
    وبعد ماله داعي تعلمينه عن تفاصيل حياتك مثل المشاوير الحين فتحتي له باب يتدخل ويفرض نفسه عليكي
    الله يهديكي ادعي الله انه يسخره لك وتتملكين قريب
    انا مثلك مخطوبه من 4 سنين بعد ولاعمري فكرت اكلمه حتى لو طلب ماراح ارضى ابددددد الا بملكه لأنه مايجوز
  3. @ahon_aalyk_1

    اكبر خطأ ان البنت تكلم الرجال وقت الخطوبه

    ولو كنت بمكانك بتطااااااااق انا وياه موب على كيفه يتحكم فيني <<اسفه عالكلام

    وبقول له مو انت اللي تمنعني من حياتي وتسكر علي في قفص


    اللي هذا اوله ينعااااااف تاليه واللي جابك يجيب 100000 غيرك


    <<طبعا انتي لسا ماتملكتي يعني توك على بر الامان
  4. @rooh_rooh

    ماراح ازيد على كلام البنات ماقصروا لاتكلمينه الا بعد الملكه يكون زوجك شرعآ ساعتها تكلمينه وتستأذنين منه
    الله يوفقك ادعي لي بتيسير اموري
  5. @beeboooo

    صاحبة الموضوع
    عروس الفرح
    ودي انصحك من قلبي بس ياليت تتحمليني وماتزعلين من الحق انتي اخطيتي وارخصتي نفسك يوم تكلمينه وهي بس خطوبه ؟؟؟ عشان كذا يغار بقوة وغيرة ممكن توصل للشك مثل مالاحظتي وبعد ماله داعي تعلمينه عن تفاصيل حياتك مثل المشاوير الحين فتحتي له باب يتدخل …
    صح عليك بس انا ترا ماعندي احد ينصحني ولا اقدر اقول
    لاني وربي انحرج :44:مازعلت منك عكستيها انتي نورتيني:)

تابعي تجارب أخرى من هذا القسم.