حامل في الثالث والوسواس ذبحني تكفون ساعدوني

السلام عليكم ورحمة الله وبركاته
شخباركم خواتي حوائيات
حبيت استفسر من الخوات اللي حملو اكثر من مرة هل كل حمله تختلف فعلا عن الاخرى هاذي ثاني حمله لي جات فجاة ولا كنت متوقعة بس الحمد لله والشكر هاذي نعمه من رب العالمين والله يرزق كل محروم
في البداية ما كنت حاسة باي شي غير الم الدورة قوي جدا وبعدها حللت وطلعت حامل وبعدها كنت احس بدوخة خفيفة وشوية لوعه واختفت الاعراض بعدها من الوسواس دوم اورح اسوي سونار واظن ان كثرة السونار مو شي طيب يعني المواعيد عادة بالشهر مرة وحاليا انا بالثالث وما احس باي شي حملتي الاولى كانت غير كنت دوم اتلوع وتعبانة بس هاذي الحملة عادية احيانا اوسوس اقول البيبي فيه شي وناس وايد قالو لي عادي حبيت استفسر منكم خواتي هل صحيح ان عادي لاني ما اذكر حملي الاول نسيت
جزاكم الله خير

7 تعليق 1,103 مشاهدة

شاركي في النقاش

سجلي الدخول لإضافة تعليق.

التعليقات

7
  1. @ghlam_1

    عادي حبيبتي كل حمل يختلف عن الثاني

    انا حملي هذا فرق بينه وبين اللي قبله شي كثير

    كاني اول مرة احمل

    والله يسهل عالجميع ويرزق كل محرومة
  2. عادي يا عمري كل حملة على الثانية تفرق أنا هذي ٣ حملة و احس اني اخف من كل حملة يمكن لاني حملت هالمرة على وزن قليل . بس كل حملة غير و انا مثلك من النوع الموسوس واسوي سونار وايد حتى دكتورتي عارفتني اني اول ٣ اشهر قبل ما احس بالحركة اصور وايد يعني انا للحين مصورة ٤ مرات و أنا في الأسبوع السابع و قالتلي تعالي بعد اسبوع بعد اصور يعني لو فيها ضرر ما كانت قالتلي تعالي الأسبوع الجاي . و انا شعاري دائما وحتى خواتي عارفينه اني كل ما خفت صورت و لا اخلي نفسي في دوامة ..
    عموما حتى الوحم من حمله لحمله مختلف و اختي تقول ان الوحم يخف مع الحملات و الله اعلم
  3. @alhb_alkatl

    ياعيوني عادي
    الحمل يختلف من الاول للثاني للثالث
    احد يكون قوي واحد مايحس فيه
    اذا اتني مسويه سونار وفيه الجنين
    خلاص توكلي على الله

تابعي تجارب أخرى من هذا القسم.