السلام عليكم و رحمة الله و بركاته
مبارك عليكم باقي الشهر و عساه شهر خير و بركة على الجميع
و الله يتقبل صيامنا و طاعاتنا و يغفر لنا ولكم يارب
أخواتي العزيزات...
هذي مشكله صديقتي جت عندي بعد الفطور و تقولي مشكلتها و انا للحين افكر فيها
قلت ليه ماكتب للخوات في المنتدى يساعدونا بالمشورة الطيبة اللي تريحها و ترضي ضميرها
خواتي ...
صديقتي لها 9 سنين متزوجة و عندها 3 اولاد و ساكنة لحالها
و لكن الحين زوجها يريدهم يسكنون مع اهل زوجها بعد ما يخلص بيتهم الكبير
و طبعا هي ساكنة في شقة 3 غرف و حمامين مع مطبخ و بيكون لها في بيت اهل زوجها في الفيلا المشتركة غرفة او غرفتين فقط مع حمام واحد يعني مش قسم خاص فيها ... و هي مضايقة كثير و ما تريد تروح لانها مش مرتاحة ابدا من ذالموضوع .. صلت استخارة و لكنها غير مرتاحة
و خاصة انها ما قدرت تتأقلم مع اهل زوجها للحين ... و هم من النوع اللي يتدخلون في كل صغيرة و كبيرة في حياتهم خاصة و في حياة كل الناس يعني ما يخلون شي الا يعرفونه عن اي شي كان ... فضولين كثير ...
و هي تحب الخصوصية و لا تحب احد يتدخل في حياتهم نهائي و في نفس الوقت ما تحب المشاكل و خبركم كثرة الاحتكاك تولد مشاكل ... و هم عندهم عيال صغار و هي عندها ولاد صغار ساعة يلعبون وساعة يتطاققون و هي تتضايق كثير من ذالموضوع لان دائما يطلعون ولادها الغلطانين مع ان اخوان زوجها الصغار كثير مشاغبين ...
و لما تروح لهم تجلس يومين ثلاث .. ماتقدر تطلع ما تقدر تدخل ما تقدر تاكل ما تقدر تروح السوق وقت الحاجة ... ما تقدر حتى تكلم زوجها على راحتها لانهم كثثثثثييييركثثثثييير يسألون ... وشهو و ليش و كيف و وين طالعة و احنا بنجي و عيالنا مع عيالكم وووووووووو
و هي كثييييييييييير مرتاحة في بيتها تحس انها حرة و تقدر تتنفس و لكن هناك ابد تحس انها بتختنق من القيد و الاسئلة ...
مع ان بناتهم طالعين داخلين مع صديقاتهم و لا اي احد يسألهم و لا يقولهم شي و لكن اهي لأ لزوم يعرفون كل اللي تسويه
اهي تقول انها تبكي كل يوم مسكينة من ذالسالفة و فيها هم كبير
و تقول لزوجها و زوجها يقول لها ما تبغين راحتي ... انكسر ظهري من الايجار و مكان بيتهم بعيد عن الشغل و اهناك اقرب و غيرها من الاعذار
تقول من الحسرة و الهم ادعي ربي ما يخلص بيتهم بسرعة ما عندي حل ثاني ...
خواتي ايش مشورتكم لها ؟ شو تسوي و الله انها كاسرة خاطري و حاسة بألمها و همها و لكن ما باليد حيلة ...
انا قلتلها قولي لزوجك ينتقل منطقة ثانية يشتغل فيها ... وهي قالت بحاول اقنعه...
مع انها كثيييييييير طيبة مع اهل زوجها و ما يسمعون لها حس انا اعرفهم زين ...
و ما قد سوت لهم اي مشاكل ... بس تبغي تكون بحالها محد له دخل بالثاني ...
وش رايكم يا بنات ؟
شاركي في النقاش
سجلي الدخول لإضافة تعليق.
التعليقات
27- ليش ما تدور شقه اجار ارخص
لانه صعب بعد الخصوصيه والسعه ...تروح للضيق والتدخلات الخارجيه
عليها اكثار من الدعاء ان الله يحنن قلب زوجها ويغير رايه
او انه تكون لها شقه كبيره شوي ببيت اهله ولها مدخل خاص ومطبخ خاص خصوصا انهم ما زالو يبنون وممكن يعدلون في المبنى
الله يفرج همها ويكتب لها الي فيه الخير - الله يعينها ويفرج لها
- شكرا ابد ما قصرتوا
بس هي ساكنة في شقة و تقول من 9 سنين ندفع ايجار و الحمدلله و ما صادف مرينا بضيقة مالية او شي من هذا القبيل بالعكس مرتاحين تماما و مش ناقصنا شي ابد
و بالنسبة للبنا ماعتقد يغيروا شي يعني هذا الغرفتين لكم و بس اسكتوا و الله اني ادعيلها ربي يفرجها عليها يارب - تبيـن الصــدق ..
لـو إنــي مكـآنهـآ .. مـآ أروح أسكن فـي بيـت زوجـي .. <--- حتى لـو كلفنـي ذآ الشــي رآحتـه ..
يعني نـآس فضوليين .. يتدخلـوآ بكل صغيره وكبيره <--- صعب العيش معهم 100 %
بس عندي حــل ///
خليهـآ تقول لـ زوجهـآ يحــذر السـوسـآت الي بـآلبيت .. ومـآيتدخلـون بكـل شي يخصــهم ..
وأن السكـن هــذآ مؤقــت .. ولآ يتعبرونه ســوآق .. وعيـآلكم زي عيـآلي .. ولآ يتلقفـون ولآ يسألون كثيـر
ونبهيها ع الفكره هذي .. ( اذا ازعجتم زوجتي أو طفشتوها والله ثم والله ماتشوفون وجهي ثاني مره ) <---- تخويف بس
قولي لـ صديقتك .. خلي زوجك يفهمهـم أنهـ يحب الخصوصيـه .. ومـآيرتـآح من الي يتدخل بـ حيـآتهم ..
وقوليلها بعــد .. لآ تتركي المجـآل لـ أهل زوجك التدخل وفهمي زوجك اني مابي ( وين ، ليه ، كيف ، ) <-- لازم تشدد عليها
وتعتبره شرط ع روحتها لـ بيت أهله
أتمنـى ذلــك بـ الفعــل ..
وسلميلي عليهـآ .. والله يستر عليهـآ ويوفقهـآ .. <-- يـآحبي لهـآ ع نيـآتهـآ صديقتك .. - الله يعينها
مواضيع مشابهة
تابعي تجارب أخرى من هذا القسم.