يالله يالله تخلي لي محبتها
وتهون الجرح في قلبي وترعاها
وتخفف احزان دنياها ولوعتها
وتثبت الناس لا تخطي وتبلاها
يامفرج الضيق ريحها بنومتها
اليا اشغلتها عن المرقاد بلواها
جملها بالصبر والنسيان واسكتها
يامبدل الحال شوف الدمع يغشاها
من عقب ماتشغل الدنيا بضحكتها
اليوم مامرت الضحكه على شفاها
حسيت انا بصوتها واسباب ضيقتها
من قبل لاتقول وعيوني تباكاها
قال الزمن كلمته ماسمع كلمتها
ماعبر احلامها مع من تمناها
يوم اغصبوها ولا صانوا كرامتها
توجهت للكريم وقالت دعاها
صدت وبعيونها ياكبر شرهتها
واقفت مهي مصدقه طعنات دنياها
والطاري اللي تسبب في نهايتها
يوم ذكرت من يموت بليل فرقاها
هذاك من تفرح عيونه بجيتها
هذاك من يكتم الضيقات لرضاها
ضاقت عليه الدروب وباس صورتها
ماعنده اغلى من الصوره وذكراها
هذاك انا..واكرهك يايوم ملكتها
مجنونها ماعرف من وين يلقاها
وشلون ابصبر على ضيان زينتها
وشلون امر بيتها من غير ما القاها
لالولشن مترفات البيض حزتها
هذيك تضحك وذي ترقص وتنصاها
وخواتها يلفحن في ليل دمعتها
ماكنهن عايشن ماصار وياها
الموت ياأكليلها وورود كوشتها
خصن اذا حطت المسكه بيمناها
والا المصيبه لياقاموا بزفتها
وراحت معه والجروح القشر بحشاها
:icon33: :icon33: :icon33: :icon33:
كلمات الشاعر :
نايف الرشيدي
شاركي في النقاش
سجلي الدخول لإضافة تعليق.
التعليقات
16مواضيع مشابهة
تابعي تجارب أخرى من هذا القسم.