طريق الامل ( خبرات متبادلة حول مراكز العقم فى مصر ) الجزء السادس

ربنا يخليكوا ليا يا احلى اخوات وحبيت ارحب بمهاميهوا ربنا يكرمك ياقمر على فكرة انا بموت فى اسم ادهم
مشمشة انا من الحكاية بتاعتك عايزة اقولك بس حاجة صغيرة انت ربنا كرمك ايوه كرمك بالحمل مرة رغم انه نزل فاياكى ثم اياكى اسمعك تقولى كلمة عقيم دى مرة تانية واكيد المرة اللى جاية هتيجى تؤام زى القمر بامر رب العالمين وان شاء الله خير وانا مش عندى شك فى ان ربنا هيخذلنى بامره سبحانه وتعالى هيكرمنى ويكرمكم

إيه ده ماشاء الله في ناس جديده
شينو ومها أهلا بيكو معانا نورتونا وإحنا زيدنا إخوات جداد بمجيكم
ربنا يكرمك ويرزقكم وتنبسطوا معانا هنا يارب العالمين يارب

المشتاقه حبيبتي وأنا كمان بحبك بزاف بزاف والله ربنا يخليكي ليه يارب

إشتقت عامله إيه يا قمر إحنا دخلنا العشره الأواخر ياللا شدي حيلك في الدعاء ياقمر إنت لما دعيتي في العمره ربنا إستجاب وكرم بطه وميكو ياللا شيدي حيلك بقى علشان نفرح على العيد يارب بخبر حمل البنات

أوشي بلاش قلق بقى هتموتيني من الغيظ سلي نفسك يا حبيبتي بقرائة القرآن
ومتنسيش كل يوم تحطي إيدك علي بطنك وتقولي الأدعيه وتدعي لأجنتك
وإن شاء الله ربنا هيعملك كل خير بإذن الله

شيمو ياللا شدي حيلك في الرجيم مع زينب وإشتقت وسيبك من كل الكلام ده وإرجعي خدي علاجك تاني ربنا يا حبيبتي يفرح قلبك يارب ويسعدك

أم إياد عامله إيه يا قمر وإيه أخر أخبارك الطبيه

فاطمه ربنا يكملمك على خير يارب بس برده مقلتليش كبرتي وبقيتي تدي الحقن لنفسك ولا لسه

نيفو ربنا يهديلك النور وتطلعي من شغل الرومانسيه والشموع اللي إنت عايشه فيهم دول أحسن شكلك كده هتنامي من الظلمه

زينب أنا إمبسط قوي لما عرفت إنك لسه بتاخدي العلاج ولو على الخسسان بسيطه هما كام كيلو حطيهم في دماغك وهتنزليهم إن شاء الله إنت بس إمشي مع إشتقت وإن شاء الله نلاقيكي غزال قريب

أوكسي ربنا يكملك خطواتك إنت كمان على خير يارب ونفرح بيكي قريب بإذن الله

باقي البنات يارب تكونو كلكم بخير ياااااااااااااااااااارب بحبكم في الله

انا بعتت ايميل للدكتور عادل اخد رأيه فى العلاج اللى كتبهولى الدكتور وقالى انه تقريبا نفس الادوية اللى خدتها السنتين اللى فاتو ولكن مع زيادة تنشيط حتى كمان قالى ان حبوب الكحة اللى كاتبهالى الدكتور دى لزيادة سيولة افرازات عنق الرحم او حاجه زى كده يعنى وقالى اجرب اخد العلاج ده خصوصا انه لمدة شهرين بس وكمان قالى اتمنى الا تحتاجى منظار ادعولى ربنا يرزقنى بالنسبة لتوقيفى كل حاجه الشهر ده علشان الصيام بس لكن ان شاء الله هرجع بعد العيد للميتفورمين وعلى فكرة انا اشتريت اسبرين اطفال لكن لسه ماخدتوش رأيكم ايه فيه انا جبته من كتر الكلام عالنت عنه بس مترددة اخده كده بالنسبة لعلاج الدكتور انا قررت اخده بعد ماخس شوية لان فعلا اشتقت اليك عندك حق لازم فقد الوزن قبل التنشيط انا مشكلتى ان وزنى الزايد فى بطنى وكشفت كتير قالولى ان الدهون بتتراكم فى المنطقة دى ومش عارفه اجيبلها كريم ولا اعمل ايه

مسلمة...عاملة إيه يا قلبى و ازي منوصتى.....خلى بالك منها كويس....و طبعا انا مش محتاجة توصية...و الله ربنا دايما بيذكرنى بيكم فى الصلاة و فى كل وقت....و ان شاء الله ربنا يتقبل مننا جنيعا و العيد يبقى عيدين و تلاتة.....و طبعا إياكم تنسونى من دعائكم....

شيمو...إن شاء الله يا قمر متحتاجيش للمنظار و ربنا يكرمك قبله... يا ريتك يا حبيبتى كنتى وفرتى على نفسك اللف و كنتى رحتى للدكتور عادل من الأول....لكن الحمد لله على كل شئ ....بصى يا جميل....انتى فعلا حاولى ترتيى خطواتك...
أولا...تستغلى الكام يوم اللى فاضلين من رمضان فى إنك تنزلى وزنك ....و لو شديتى حيلك مش هتاخدي وقت طويل....و بالنسبة للبطن....شوية رياضة مع الريجيم هيظبطوها و مش هتحتاجى كريمات و لا غيره......بصى انا المشى مع الدايت ظبط جسمى على الآخر...لدرجة ان بطنى كانت اول حاجة تنزل فيا....
و طبعا مع الدايت ارجعى للميتفورمين.....و بلاش بالله عليكى أي أدوية مكتبهاش طبيب...احنا مش ناقصين....
و زي مانتى قلتى....بعد ما تخسى (بشرط انك متبحبحيهاش على نفسك فى الوقت .....هنديكى مهلة شهر واحد) و ان شاء الله بعدها تبداي تنشيط و ربنا يكرمك من وسع ان شاء الله....
بجد بادعيلك كتير...بس شدي حيلك معانا شوية يا قمر...

طمطم...فينك النهاردة يا عسل....

أم أنس ...غطسانة فييييييييييييييييين....

باقى البنات....يا رب تكونوا جميعا بخير....