~%~ تكلمت على وحدة لكني ندمتّ~%ّ~

السلام عليكم ورحمة الله

مبارك عليكم العشر الاواخر

اخباركم واخبار العشر معاكم الله الله ما أوصيكم مابقى شي الله يعيده علينا وعليكم وانا واياكم بأتم صحة وعافية

تدرون أن رمضان هذا ماحد سير علي وجيراني هجوا ماحد قعد معي وقال هالمسكينة بنقعد معها ونونسها ! أكسر الخاطر صح :icon33:

بس أن شاء الله يرجعون بالسلامة

طيب وش رياكم الفطور عندي بكرة وتراحدي سمبوسة ولقيمات وكثر الله خيري ان سويت كريم كاريمل و لا تجيني وحدة تتشرط علي من الحين اقول لكم اللي مشتهية شي تمر المطعم على طريقها الله لا يهينها

ترا مير أمزح معاكن ابشرن بعزكن وانا بنت اخو عمي :15:<<<<أحس حق استعراض






وبعد هالهرج هذا كله والشكاوي والعزايم




هذا مو موضوعي

طيب لاتزعلون :angry2:يعني حرمة وش تبون منها غير كثر القرقة


موضعي يا طويلات العمرـ الحمد لله على السلامة ـ
صار لي موقف امس<<<<< طولي ولا عرضي

خلاص خلاص بقول لكم ..... السالفة ومافيها امس طعلني زوجي وقال الفطور علي ياحظك :icon28:

المهم وحنا نمشي و طبعاوأكيد على السيارة الا والمح زول حرمتين وأقول هذولي وش مطلعهن العصر ليش

ما يرتزن في بيوتهن ويزهبن فطورهن يامال العافية>>>> وانتي وش دخلك

وانا اتملق يعني ادقق النظر فيهن انصدمت من اشكالهن لثمة وحركات

واقول ياربي سترك الحين رمضا ن وخير وعشر اواخر وهاذي قاعدة تجرح صيامها وتكسب ذنوب وش

استفادت من صيامها الحين الجوع والعطش بس

الا زوجي يقول كلمة جاتني مثل الصاروخ (( الا الصيام فأنه لي وانا اجزي به))
بنات حسيت شي هز بدني هز وقعدت استغفرالله واتعوذ من ابليس
من انا علشان احكم عليها واقول هذا صيامها صحيح او لا
اوان الله تقبل منها او لا
حسيت انا اللي جرحت صيامي
نطلت كلمة ماحسبت حسابها وتجريت على الله وحكمت ان صيامها باطل ونسيت ان كل واحد حسابه على الله
واتوقع كثير منا يطيح في الشي هذا وهو مايحس
وياما حكمنا على ناس من أشكالهم وشفنا أنفسنا أحسن منهم وتناسينا ان القلب بيد الله يقلبه كيف يشاء
وبدال ما ندعي لهم بالهداية نتشمت فيهم رحمتك ياربي
اخاف نتشمت فيهم اليوم ويتشمتون فينا الناس بكرة و ياما سمعت قصص
بس ابي اعرف وش بيضرنا اذا دعينا لهم بالهداية بالله مهو احسن من انا نقعد ونسب في خليقة الله
أدري اني طولت عليكم بس اللي ابيه تقولين لنا رايك في الموضوع
وتدعون ان الله يغفر للمؤمنين والمؤمنات الاحياءمنهم والاموات ويهدي ضالهم ويجمع كلمتهم ويوحد صفوفهم

10 تعليق 1,190 مشاهدة

شاركي في النقاش

سجلي الدخول لإضافة تعليق.

التعليقات

9
  1. ماشاء الله عليك انت وزوجك الله يوفقكم ويعينكم على طاعته

    والله يهدينا ويهدي الغافلين والمقصرين

    ويهديكي:p
  2. @aazty_fy_byty

    صاحبة الموضوع
    sun desert
    ما شاء الله عليك وعلى زوجك الله يوفقكم الله يستر على بنات المسلمين
    اللهم آميييين وجزاك الله خير على الدعوة وشرفني مرورك يالغلا


    آميييييييين نورتي الصفحة يالغالية

    بارك الله فيك وجزاك الله الف خير وتسلمين على الدعوة الطيبة نورتي الصفحة يالغالية

تابعي تجارب أخرى من هذا القسم.