طريق الامل ( خبرات متبادلة حول مراكز العقم فى مصر ) الجزء السادس

الف سلامة على رمال ان شاء الله يكون فى ميزان حسناتك


بنات ارجوكم تسامحونى بجد حاسة انى مقصرة معاكم
بس بجد الظروف معكسانى الايام دى

ربنا يعديها على خير

على فكرة يا ماما
بحاول اخلى حياتى متمشيش مراحل ذى ما نصحتينى
بس بجد مش عارفة
دلوقتى انا مستنية اعدى الاربعين عشان كريم يتظبط شوية و العوم اللى بيعومه بالليل دا يخف

ربنا يسهلها يا رب

ياشينو ربنا يخليكى ياحبيبتى ويكرمك ويرزقك
كوكرتى كنت عايزة اسالك على حاجة بس الحمد لله مش فاكراها؟؟؟؟

ازيكم يا اهل الخير
عاملين ايه جميعا
انا طبعا اختفيت فجاة
ورجعت اظهر فجأة
معليش
بس والله غصب عني
انتو عارفين اننا في العشر الاواخر في رمضان
ولو الواحد مش بيصلي ولا بيقرى قران
يبقى هيحضر الفطار
او
هيروح الشغل
او
هيعمل الكحك والبسكوت
.......................الخ
دنيا غبية صراحة
المهم
انا طبعا
مش هعرف اراجع اللي قلتوه الاسبوع اللي فات
بس انا نفسي اكون دخلت منتداكم بروح المحبة اللي انتو عايشينها
اما بالنسبة للهدايا الفالصو بتاعتي
فربنا يعلم
انا والله بحب كل الناس
وباتمنى ان ربنا يارب يوسع علينا جميعا
ويرزقنا في الدنيا والاخرة
ويدينا الذهب والالماظ والعربية والجمال كلة
ويدخل على قلوبنا السعادة دائما
بس
قبل كل ده
يرزقنى الرضى
لانه بدون الرضى
سنرى النعم نقم
ولن نحس بجمال ما رزقنا الله
فدعونا جميعا نقول
الحمد لله رب العالمين

الف سلامة عليكي يارمال شفاكي الله وعافاكي طهور ان شاء الله

زوزو تروحي وترجعي بالسلامة وانا عارفة انك مش هتنسي حد فينا في الدعاء