طريق الامل ( خبرات متبادلة حول مراكز العقم فى مصر ) الجزء السادس

كمان عندي مشكلة الالتهابات
ولو ان الدكاترة كلهم
لما بقولهم التهابات
بيقولولي ان معنديش التهابات
يمكن بكتيريا
هي صحيح بتختفي
بس ترجع تظهر
وانا بقى بشك ان حتى لو كل حاجة سليمة ممكن البكتيريا دي تعمل مشكلة


جربت في الموضوع ده
الاكتيول المهبلي
وريحني جدا
بس بقى
مش كل شوية
فبحاول اقلل عدد مرات الجماع عشان ميزيدش الموضوع بتاع البكتيريا ولالاتهابات ده

----------------
وبعدين
انا بشتغل
وبطحن نفسي في الشغل
ويمكن ده بيأثر
وكمان عصبية
بس يعني كل الستات العصبيات اللي في الدنيا مخلفوش

انتو مشيتو والا ايه

طيب
عموما
طبعا الدكاترة
في منهم اللي بدا يركز على هرمون اللبن
وبيقول ده عرض واضح لازم يتعالج"طبعا كلام منطقي"
في مدرسة تانية
شايفة ان الموضوع بتاع الهرمون ده مش خطر
وغالبا مش هو السبب
وبيقوللي
اعملي منظار
مع اني
عارفة ان الالتصاقات والمشاكل بتاعت الانبوبة (قنوات فالوب)
غالبا بتكون عند ناس عملوا عمليات قبل كدة
وانا عمري ما عملت عملية
الحمد لله
بس طبعا
جايز
----------------
حاجة اخيرة في قصتي
هي علاقتي بربنا
واللي هيا محور حياتي
وانا بحس
ان ربنا (((ان شاء الله ان شاء الله ان شاء الله ))) بيحبني
وعايز يطهرني من ذنوبي
ويقربني منه
لاني كنت احسن من كدة مع ربنا قبل الجواز
ربنا يهديني
ويعيني على الطاعة يا رب
ادعولي يا جماعة
والله انا مستبشرة خير بكلامي معاكم
لو كل واحدة فيكم دعتلي
جايز ربنا يتقبل ويهديني ويرضيني
ويرزقني واياكم جميعا الذرية الصالحة ان شاء الله
الحمد لله رب العالمين

انا بقى فكرت في وسائل الاخصاب المساعد
وعشان انا بحب دايما اعرف كل حاجة بالتفصيل
طبعا معايا الكتاب بتاع تاخر العقم بتاع مركز جنين
نزلته من النت
http://www.ganin.com/
المهم
عملت حصر باكبر اسمراكز في مصر
وجبت التليفونات
والايميلات
والمواقع
والعناوين
..................................الخ
واشتريت كارت منزلي
واتصلت
طبعا كنت باسال على سعر التلقيح الصناعي
مش الحقن ولا الانابيب
عشان ابدا بالتدريج
ولو منفعش الحقن
يبقى نكبر دماغنا بقى
ومن غير منظار
نتوقع ان في مشكلة في الانابيب
ونعمل الحقن المجهري


وبناء عليه
وبعد التليفونات
معملتش اي حاجة الحمد لله

عملت بقى خطوة كويسة
وبعت مشكلتي باختصار لمركز ادم الدولي
وصراحة متوقعتش انهم يردوا
وكمان بسرعة
وطلبو مني تحاليل معينة
وناوية ان شاء الله اعملها وابعتهالهم بالنت برضو
وربنا يسهل ان شاء الله