شاركي في النقاش

سجلي الدخول لإضافة تعليق.

التعليقات

2,230

  1. mahaadham
    عملت بقى خطوة كويسة وبعت مشكلتي باختصار لمركز ادم الدولي وصراحة متوقعتش انهم يردوا وكمان بسرعة وطلبو مني تحاليل معينة وناوية ان شاء الله اعملها وابعتهالهم بالنت برضو وربنا يسهل ان شاء الله
    انا جربت حكاية خلطة العسل
    غذاء الملكات والكلام ده
    بصراحة مقدرش اقول عنها حاجة
    اذا مفيدة والا لا
    لاني ببساطة ما استمرتش لا انا ولا جوزي عليها

    دايما الانسان عجول
    ربنا يهدينا
    بس القصص اللي من النت واللي من المجتمع حوليا
    بتقول ان الموضوع بتاع العسل ده ممتاز
    مشكلته بس
    انه لازم يكون اصلي
    وغالي طبعا

    وغذاء الملكات ده بالذات
    اللي نفسه يجيله اولاد
    باذن الله
    ياكله كدة اكل كل شوية
    من الاخر
    نعمل منحل ناكله كله لنفسنا ونتداين كمان
    بس النتائج رائعة

  2. مفيش حد يرد عليا
    يا جماعة
    ده انا حكيتلكو كل حاجة
    no comment
    طب انا هروح انام شوية وارجع ان شاء الله
    سلام عليكم

  3. @neevooo

    مهموهتي
    انا هنا مش مشيت
    معاكي هنا اهو
    شوفي يا قلبي انا هرد على كام نقطة من كلامك ( بس يا رب منساش ) ربنا يستر
    اولا
    حكاية انك اكتر واحدة مهملة في نفسك 000 انا متأكدة انه مفيش حد في الدنيا مهمل في نفسه زيي و انا اااااااااااخر حد ممكن افكر فيه و هي دي مشكلتي
    لكن اما طصيت في حيطة سد و اكتشفت ان عمري جري مني و صحتي كمان مع الدكاترة الفشلة اللي تقريبا كانوا هيضيعوني
    قررت ان مش لازم اضيع لحظة واحدة اهمل فيها نفسي لاني اول حد ربنا هيحاسبه عن نفسه و مش حد تاني
    يا ريت تتعلمي من تجربتي و تلحقي نفسك بدري ( نصيحة من اختك الكبيرة )
    ثانيا
    جوزك مكبر دماغه 000 مش لوحده و كللللللللللللللللهم كدة و اما انه بيكون فعلا مكبر دماغه او انه مش بيحب يؤرقك بالموضوع و مراعي القلق اللي انت فيه و عشان كدة مش بيحب يفكرك كل شوية بالموضوع او يحسسك بقلقه ( و دة من نوعية جوزو )
    ثالثا
    حكاية انك تعصري السائل اللي في صدرك فانا الحقيقة مش متاكدة من المعلومة دي لاني سمعتها من احد الفشلة اللي قلتلك عليهم و مش عارفة اذا كانت صح و لا غلط
    و هي انك بعصر السائل دة بتثيري القنوات اللبنية في الصدر فبيزيد السائل و بيحتاج انك تعصريه كل شوية و ما بيكون غير انك بتزيدي الطين بلّة
    الله اعلم
    و الافضل سواء المعلومة دي صح او غلط ان حضرتك تبطلي لعب و لغوصة بدل ما اجي اعضلك صوابعك دي
    اخليكي تحرمي
    رابعا
    برولاكتين عالي يعني تكيس مبايض 000 يبقى حضرتك تراقبي العلامات التانية اللي ممكن تشير الى وجود التكيس ( غير البرولاكتين طبعا )
    راقبي وزنك 000 الشعر الزايد في جسمك 000 ضغطك
    اقري كتير عن حالتك 0 من مواقع علمية عشان تاخدي المعلومة من مصادر موثوق فيها
    اخر حاجة يا قلبي اللي اعرفه ان ارتفاع البرولاكتين امره هيّن و تظبيطه بامر الله سهل
    المسألة كلها محتاجة دكتور بيفهم عشان يبقى عارف هو بيعمل ايه
    ربنا معاكي يا رب يا مها و قادر يرزقك و يرزقني و كل البنات في هذا الشهر الكريم
    و هذه الليلة المباركة
    اللهم امين

  4. @neevooo

    نعم نعم نعم
    انا قاعدة اكتب دة كله و تقوليلي هتروحي تنامي ؟
    يا لهووووووووووووي


    حرام عليكي دة انا سايبة تجليد كشاكيل الولاد مخصوص عشان ارد عليكي
    اااااااااه يانا يا نافوخي ااااااااااااااااااه

  5. Neevooo
    نعم نعم نعم انا قاعدة اكتب دة كله و تقوليلي هتروحي تنامي ؟ يا لهووووووووووووي حرام عليكي دة انا سايبة تجليد كشاكيل الولاد مخصوص عشان ارد عليكي اااااااااه يانا يا نافوخي ااااااااااااااااااه
    يا حبيبة قلبي يا نيفو
    انا بموت فيكي
    انتي زي العسل
    منمتش والله
    انا اهوه
    استني هرد على كام حتة قلتيها

تابعي تجارب أخرى من هذا القسم.