طريق الامل ( خبرات متبادلة حول مراكز العقم فى مصر ) الجزء السادس

انا محتاجة مساعدتكم ضرورى جدا
ياريت لو حد موجود يرد عليا

ربنا يتقبل يازوزو يارب و***** الله تروحى وترجعى بالسلامة
وان شاء الله تفتكرى تدعيلى هناك قدام الكعبة
ربنا يتقبل مننا جميعا

ربنا مايحرمنى منك ياتوتى يارب
انا عارفة ان الفرحة بأوشى نستنا نفسنا كمان
بس انا طمعت فى دعوة مخصوص الصراحة
واهه توتا حبيبة قلبى دعيتلى دعوة حلوة ربنا يجعلها من نصيبى يارب
ويكرمك ياتوتا عن قريب ويفرحنا بيكى وبخبر حملك

ايه ده رمال تعبانة
طيب ليه ماقلتلناش كنا دعينالها وهى داخلة العملية
والله رمال دى عاوزة تتعض بس نستنى عليها لما تتحسن ان شاء الله
عموما ياريمو الف حمدا لله على سلامتك ويارب يكتبلك الصحة والعافية دايما
بس يابنتى احنا اخواتك ومن حقنا عليكى انك تعرفينا بتعبك او مشاكلك لاقدر الله
امال بقى اخوات ازاى مش لازم نقف جنب بعض ولو حتى بالمشاركة بالدعاء؟

صباح الخير يابنات .... انا امبارح كان معادى مع الدكتور فى المركز الطبى علشان يعملى بروفة ترجيع اجنة وسونار مهبلى ويعرفنى ازاى آخد ابرة تحت الجلد ... بس فيه مشكلة صغيرة ممكن تأجل العملية ... عندى حاجة صغيرة فى المبيض الشمال بقالها 3 شهور حجمها 1.5 سم ومش بتذيد ولا تنقص ... الدكتور خيرنى وقالى انى حاجيلو ثالث يوم الدورة ومعايا تحليل E2 ححلله برده فى اليوم التالت وقالى لو الهرمون طلع كويس يبقى الكيس الصغير ده مش بيفرز هورمون استروجين ومافيش منه ضرر وممكن ننشط ونتوكل على الله ولو طلع الهرمون مش مظبوط يبقى العمليه حتتأجل ... واذا كنت وسوس والهرمون مظبوط ممكن ااجل العمليه لحد الكيس مايروح لوحده رغم انه بيقول انه كيس غتيت وممكن يضيع وقتى التأجيل .. المهم انا قولتله خلاص الفيصل التحليل لو الكيس مش بيطلع هورمون يبقى حنشط وخلاص ... بس هو ده اللى حصل معايا امبارح
دعواتكم معايا يابنات الله يكرمكم ...