طريق الامل ( خبرات متبادلة حول مراكز العقم فى مصر ) الجزء السادس

اشتقت اليك: لا ياحبي ما اقدرش ازعل من بس انا زعلت من حماتي علشان مش خايفة عليا انا الحامل في حفيدها.
اوشي: الامساك و الغازات دول طبيعي في الحمل و اشربي علي الاقل 2 كوب لبن كامل الدسم و ماتنسيش الفوليك اسيد و لو نفسك اتسدت من اللحوم والفراخ ممكن تعوضيها في البقوليات و بلاش تكلي كتير , قسمي وجباتك علي مرتين فبدل ما تاكلي 3 مرات كلي 5 او 6 مرات.
لو فيه اي سؤال ابعتيلي وانا حرد عليكي

يا جماعة والله بحبكم في الله
اولا وقبل كل حاجة
الف الف مبروك يا اوشي
انا فرحانة جدا عشانك
وعمري ما ازعل منك ابدا ده انا بناغشك بس
لما قريت الكام صفحة اللي فاتو
حسيت بدوش سعادة عمال ينزل من كل حتة
وكان العالم كلة فرحان
بجد حبكم جميل قوي
والواحد يقعد معاكم يحس انه دخل الجنة
ربنا يجزيكم خير يا رب على حبكم لبعض
والف مبروك مرة تانية يا قمر
ان شاء الله ربنا يسعدنا كلنا ويفرحنا دايما واشوف الزغاريد والافراح اللي عملتوها الجميلة دي على طول


نيفو حبيبي
والله انتي دمك شربات
ما شاء الله
يا بخت جوزك يا شيخة
ما شاء الله
اما انا بقى
حالة اكتئاب مستمرة
واحيانا بس
ممكن افكها
يا عيني الراجل مظلوم معايا
بس أحلى مقطع بقى

"قضية تكئيب مع سبق الاحباط والتيؤس"
ربنا يخليكي ليا يا حبي
وميحرمنيش من كلامك العسل ده ابدا يا رب

اوكسي
انا هادعيلك
ان شاء الله التحليل يطلع سليم
والكيس ده ميكونش مشكلة ابدا يا رب
ربنا يرزقك بكل خير ان شاء الله

أم أنس
انا مبسوطة قوي من الكلام الجميل ده
الحمد لله انكو طمنتوني ان الموضوع بسيط
بس دعواتكم معايا
لاني زي ما قولتلكم
حاسة ان الموضوع
سهل ممتنع

ميكو
ازي الحال
انا مش فاكرة الشعر ده موجود قبل الجواز والا لا
بس هو خفيف
ومش مخوفني
يا رب يكون مش خطر

اشتقت اليك
انا متشكرة جدا للنصايح دي
انت وام انس واوكسي
وده عشمي فيكو والله
وربنا يجزيكو جميعا كل خير
وكل اللي دعالي والا حتى من قلبه بس حس بيا
ربنا يكرمكم ويجزيكم الف خير يا رب


------------------------


المعلومة الجديدة
النهاردة تاني يوم الدورة عندي
وبما ان جوزي منفضلي كالعادة
(لدرجة انه معزوم عند واحد صاحبة وسايبني)
فقررت اكلم حماتي
والست ربنا يجزيها خير
طبعا زعلت من التنفيض بتاعه
وقالتلي
سيبك منه
وهتروح معايا عشان اعمل التحليل
FSH - LH - PROLACTIN
وبمشيئة الله تعالى هاعمل الصبغة بعد الدورة على طول
وفي اليوم 21 بدون مقاطعة هاعمل البرجستيرون
مع عدم التعامل مع الصدر بتاتا
وان شاء الله هاخد دوا دوبرجين
والبردقوش

وهابعت التحاليل لمركز آدم بالنت
زي ما حكيتلكو قبل كدة
بس لسة مش عارفة د.عادل فاروق ده فين
في مصر والا لا؟
ولا الكشف بكام
ولا اي حاجة
بس هدور على الحجات دي
او انتو قولولي
وجزاكم الله خيرا
ادعولي ربنا يهديني وافضل متحمسة كدة
واخليكو تعملولي فرح كدة قريب ان شاء الله
وانتو كلكم معايا جميعا

ومتنسوش
انا دخلتي عليكو حلوة ان شاء الله
كلكم باذن الله حوامل في اقرب قريب عاجل
باذن الله تعالى
بحبكم
في الله
وهسيبكم بقى واروح البس واعمل التحاليل
سلام عليكم

اشي خيال يا ناس

ما شاء الله ايوة كده الهمة والنشاط

يعني آخر الشهر بأمر الله نعرف راسنا من رجلينا ونطمن على التحاليل ونمشي في خطة علاج

ربنا يكرمك يارب




أحبك الذي احببتنا فيه

د/ عادل عيادته في الدقي وزوزو كتبت لك عنوانها وكشفه 100 ج كان السنة الي فاتت

وان شاء الله هتفضلي متحمسة كده عشان احنا مش هنسيبوكي يا شابة >> مع الاعتذار لنيفو وطمطم قصدي ريا وسكينة

مها دحكتيني والله مش عارفه ليه لما بقرأ كلامك بحس طفله بتتكلم

عموما ياللا ياستي ربنا معاكي يارب وتحاليلك كلها تطلع تمام التمام
بس متنسيش تطمنينا لما النتيجه تطلع
وياريت فعلا تروحي للدكتور عادل والبنات أكيد هيدوكي تفاصيل عنه أكتر

نيفو الجميله إيه الجمال ده أيوه كده نورينا ومتغبيش عننا كتير أنا بحب كلامك قوي على فكره
ياللا بقى دوريلنا على إسم لإبن أوشي وأكسجين إقترحت زئزئه
ربنا يخليكي لينا يارب

أوكسجين إزيك يا أوكسي أنا الحمد لله بخير وكويسه
متخفيش إن شاء الله ربنا هيعملك الخير حتى لو العمليه إتأخرت شويه مش مشكله المهم لما نعملها تتعمل صح وإنت معندكيش مشاكل
وإن شاء الله الكيس يطلع ملهوش تأثير بإذن الله وتكملي العمليه
بس طمنينيا عليكي أول بأول