طريق الامل ( خبرات متبادلة حول مراكز العقم فى مصر ) الجزء السادس
متابعة النقاش، صفحة 151
شاركي في النقاش
سجلي الدخول لإضافة تعليق.
التعليقات
2,230- المشتاقة لمكة حبيبتى محتاجالك جدا انا اعز صديقه ليا هنا هتولد ان شاء الله بعد العيد وهى جزائرية بلدياتك يعنى وعندها بنتين انا نفسى اعملها كام اكله كده اما تولد عشان هى لوحدها لكن معرفش اكل جزائرى غير الكسكسى بالله عليكى الحقينى وابعتيلى رسايل عالخاص قوليلى على كام اكله حلوين وياريت تقوليلى اما الواحده بتولد عندكم بتعملولها ايه تاكله ربنا يجازيكى كل خير ان شاء الله على فكرة انا اما بقولها وش راكم والكلام اللى اتعلمته منك بالجزائرى تضحك وتقولى ان الجزائر لهجات ودى لهجة وبلدها لهجة تانية هى من العاصمة يارب الجزائر تكون مختلفه فى اللهجات بس مش فى الاكلات والطبخ كمان
- حبيبة قلبي توتا تويتي
ربنا يكرمك ان شاء الله قريب يا حبيبتي
و مش هيخيب احساسك و لا يردك بحسن ظنك بيه
هو نعم المولى و نعم الوكيل
كل سنة و انت بالف هنا - ههههههههههههههه حلوه منك ده يا نيفو
بس بشويش علي البنيه أحسن ده لسه جديده ومتعرفش قواينينا يا معلمه
وعلى فكره أنا اللي نقلتلك الإسم اللي هيه قالته غلط بس والله من غير ما أقصد أكيد ده الزهايمر هههههههههه
توتا حبيبتي ربنا معاكي يارب ولما تروحي المره الجايه وتسأليهم متنسيش تطمنينا عليكي وتقوليلي عملتي إيه؟
أوشي ربنا يتمملك على خير يارب ويطلعوا أحلى توأم في الدنيا
المشتاقه لمكه فينك وإيه أخر أخبارك يا جميله - السلام عليكم يا احلى بنات انا داخله اسلم عليكو جميعا
عشان انا ان شاء الله ماشيه قبل الفطار هانروح على المدينه الاول
وبعدين نروح مكه وبعدين نرجع المدينه تانى وبعدين بقى ان شاء الله
هانرجع الرياض يوم الاربع
سلامى للجميع واتركم على خير وارجع ليكم على خير
وان شاء الله مش هانسى الدعاء
وربنا يتقبل ان شاء الله
بحبكم جميعا فى الله - انا هضطر افضفض وامرى الى الله مع انكم ممكن تزعلو من استعجالى انا انهارده غصب عنى لقتنى بعمل تحليل حمل مع انى لو صبرت كام يوم كمان لميعاد الدورة كانت تيجى وخلاص من غير توترى ده المهم عملت اختبار حمل والحمد لله على كل حال مفيش حمل كالعادة بجد نفسى اتخلص من عادة الاختبار دى حتى فى الشهور اللى اكون متأكده فيها انه مفيش حمل بردو اعمل تحليل انا غيرت المستشفى كام مرة لانهم بيحفظو شكلى لدرجة ان فى مرة دكتورة اول ماشافت وشى قالتلى انتى كل شهر تيجى تضيعى فلوسك انتى اصلا مابتحمليش صحيح انا خدت الكلمة فى وشى ومقدرتش امسك دموعى منها لكن بردو ماحرمتش ولسه بعمل تحليل حمل يمكن لان التحليل بيدينى امل حتى لو على ماعرف النتيجة مش عارفه عالعموم الحمد لله مفيش حمل لكن نفسى اتخلص من العادة بتاعتى دى خصوصا انى اتصلت من شوية بزوجى فى شغله وقلتله انى مش حامل وبحس انه بيقول قدر الله وماشاء فعل لكنه حزين من جوه
مواضيع مشابهة
تابعي تجارب أخرى من هذا القسم.