•°•°معلمة بديلة لاول مرة محتاجة لنصائحكم يا معلمات•°•°

السلام عليكم ورحمة الله وبركاته
الف مبروووووك حبيبتي
الله يوفقك ويتمم عليك الوظيفة ويعطيك من خيرها ويكفيك شرها
حبيبتي انا كنت بديلة الترم اللي راح
ولما انتهى عقدي جلست تقريبا اسبوعين بالبيت
بعدين كلمتني المديرة وقالت انها رفعت اوراقي للإدارة عشان المعلمة اللي كنت بديلتها مددت إجازتها
وتبغاني اكمل مكانها
لكن للحين ماجاني اتصال من الإدارة للحين
المديرة قالت لي انهم بيكلموني أيام العودة ان شاءالله
وهذا انا انتظر
لكن لاتخافين ولا تحاتين
انا اول مارحت للمدرسة على عماي
شهادتي مو تربويه
ولا عمري دخلت مجال التدريس
اول مادخلت المدرسة كان جسمي كله ينتفض من الخرعه
لكن قلت يابنت خلك شجاعة وخليهم يشوفونك شديده
والحمدلله
المديرة كانت مررررررررة طيبة وخدومة الله يسعدها
والمدرسات بعد ماقصروا معاي
ربك سهلها وعديت الترم على خير
ان شاءالله المدرسة اللي تكونين فيها على قدر من الأخلاق والروح الطيبة

بالتوفيق لك

أولاً : ألف مبروووووك لك :)

ثانيا: بما إني طالبة فحبيت أفيدك بالطريقة اللي أراها تمشي مع الطالبات

خليك واثقة من نفسك هذا أهم شئ ( احتمال تسمعين ضحك و نغز من الطالبات وهنا يجي دور الثقة )
..صوتك خليهـ أقرب للعالي هالنقطة هذي جدا مهمة ..مظهرك لازم يكون أنيق ومقبول
اجتنبي كثرة المزاح والسواليف مع الطالبات اللي مالها داعي ترى هالشئ يقلل مهابتك و ابتسامة بسيطة وغير غبية تكفي
ما فيه مانع إنك تقدرين ظروف الطالبات اللي ما حلن الواجب أو غيره مرة أو مرتين فقط
وما تحرجينهن قدام الفصل
هالشئ راح يزيد محبتك في قلوب الطالبات
إذا قلتي لا للطالبة فحاولي إنك ما تناقشين في قرارك وترجعين في كلامك

والله يوفقك ويسهل عليك