ويارب يشفي طفلك يارب ويرده بين احضانك وهو بخير
أنا من اللي جربوا ها المستشفى وفعلاً أستغربت أن " سحر ما زالت موجودة" لأن ما عندها سالفة من سنة1418هـ بس أهم شي تتزين وتطلع بالممرات قدام انتظار الرجال..
تخيلي بوقت ولادتي الأولى سافرت دكتورتي "زينب" وللأمانة ما عليها كلام..وتورطت ورحت لسحر ولما حسيت باآلالام الطلق رحت جايتني و المكياج والدنيا وحاطة الغطا اللي للشعر على صندلها عشان ما يتوصخ.. وياله تمشي يمكن رحمة من ربي أختفت آلالام..وكتبت لي خروج..
والحمد لله أولاً وأخراً..
وفعلاً اللي حامل لا تفكر بس مجرد تفكير بالمانع الدمام ولا الإسعاف..
عندكم أسطون ..سعد الطبي..المانع الخبر..المواساة..
لأن المانع الدمام جربت فيه وانا على نياتي بولادتي الأولى والثانيه..إهمال..وعدم نظافة وممرضات نفوسهم زي الزفت ..وعدم الخصوصية بالذات وقت الولادة..اللي يدخل يدخل واللي ما يشتري يتفرج"على ما يقولون..
فعلاً حسيت الفرق بأسطون إهتمام والدكتورة ما تفارقك..الممرضات ثنتين فقط مو كل من هب ودب ومعاك لحد ما تولدي والإبتسامة ما تفارقهم..والغرفة نظيفه واخدمات واصله لعندك وبنفس زي العسل.."أنا أقارن بالنسبة للي شفته في المانع الدمام"
وأما الإسعاف فاللي حذرني الطبيب الخاص بالأطفال يقول مهما حصل لا تجي الطوارئ للمانع الدمام تخيلي..!!
طولت لكن الأمانة و حبي للنصيحة لأخواتي عشان ما يصير لهم اللي صار..
