مشكلتي مااعرف اعامل اطفالي بحب وحنان ..>>عنوان معدل

بنات بحط لكم موضوعي وابي له حل ...

انا الحمد الله متزوجه من عشر سنوات وعندي اطفال , مشكلتي اني ما اعرف اعامل اطفالي بحنان وحب بس مدلعه اصغر واحد والباجي ما العب معاهم ولا احب اكلمهم وايد .. وقتي كله للنت وللطلعات

حاولت اني اقعد معاهم واكلمهم بس ماشي فايده واذا كلمتهم وضحكت معاهم يبدون يدلعون علي ويحضنوني وجيه عاد انا ما احب هذا الاسلوب فأعصب عليهم

يمكن انا اعاملهم مثل ما كانت امي تعاملني ... بس انا احس اني ظالمتنهم بهذا الشي ومب قادره ابد اغير من نفسي :( بس من ناحيه اني اشتري لهم الالعاب والملابس اخذ لهم كل شي ..

ممكن تعلموني شو اسوي وياهم لازم احبهم واحضنهم لانهم بيكبرون وبيدخلون فتره المراهقه وبهذي الفتره بيحتاجوني وااااايد ....

19 تعليق 4,691 مشاهدة

شاركي في النقاش

سجلي الدخول لإضافة تعليق.

التعليقات

17
  1. @gryhh_alsmt

    بالعكس لو فقدتي شي من امك وابوك المفروض تعوضينهم بعيال مو تعاملينهم مثل ماكانوا اهلك يعاملونك تقربي منهم عشان هم يتقربون منك ويقلون كل شي يصير معهم ويصارحونك بكل شي لان الوقت ذا هم محتاجينك واذا كباروا خلاص راحت عليك عشان تصيرين قريبه لهم
  2. يب انا موافقه خيتوو جريحه الصمت بالاضافه
    الى انو من رايي اللي مو قد مسؤليه الزواج والعيال وتربيتهم ليه يتزوج ؟؟؟
    احنا مانجيب عيال عشان ندلع واحد ونسفه الباقي
    هم محتاجين الحنان والحب مثل ماكنتي تحتاجينه من امك
  3. @saroona55

    لا حل ولا شي ... اساسا كثر الدلع يخرب التربيه ...

    وخلي الحضن والبوسات .. اذا سووو شي زين يعني مثل مكافاءه

    لان معاك حق الأطفال ما ينعطون وجه وبعدين ما تقدرين تدلعين وتربين بنفس الوقت

    وانت مو مقصره معاهم .. واكيد حبهم نفس حب الصغير .. شوفي اذا مرض احد لا قدر الله كيف يكون حالك

    انا صراحه يا اخواتي مع التربيه الصارمه .. ومع مقوله الله يرحم الي بكاني ولا يرحم الي ضحكني وضحك علي

    بس خير الأمور اوسطها .. وزي ما قلت لكم ببدايه كلامي خلي الأحضان مكافاءه ولا تخلون القسوه في كل الأحيان

    حنن الله قلوبكم على عيالكم وهداهم وجعلهم من الصالحين
  4. @somonay

    ((((يمكن انا اعاملهم مثل ما كانت امي تعاملني ... بس انا احس اني ظالمتنهم بهذا الشي ومب قادره ابد اغير من نفسي ))))


    حبيبتي ومثل ما قال استاذنا.. طارق سويدان لازم نقرأ نحن أمه قارئه

    لازم تقرين عن فنون التعامل مع ابنائج عشان تعرفين تربينهم صح + عشان ما نربيهم مثل ما ربونا اهلنا ونعيد بعض العادات السيئه في التربية..


    وفعلا لما قال هالمعلومه انا انتبهت للهشي ..

تابعي تجارب أخرى من هذا القسم.