شاركي في النقاش

سجلي الدخول لإضافة تعليق.

التعليقات

45
  1. @kly_hla_okblh

    اذا وضع العايله عندكم يسمح حاولوا تخلون الرجال يجتمعون ويشوفون وضع ديونه ويسددون اللي يقدرون عليه وبالتالي ممكن يتحسن وضعهم
    صراحه ضروف الحياه صعبه ومن صعب لاصعب
    انا كنت اعرف وحده ظروفها مشابهه لقريبتك , واهلهم تجمعوا وكلن حط اللي يقدر عليه وفكوا ضيقة قريبهم
    ولهم اجر ان شاء الله وانتي اسعي بالخير ومااظن فيها احراج بالعكس الاحراج لو تركتوها بوضعها الحالي وناس كثيره مديونه ووضعها صعب والناس للناس
  2. @fynos

    انتي قلتيها الرياض نااااار
    طيب نار الغربه ولا نار الفقر
    نار الجمعه ( الاجتماع ) ولا نار الوناسه

    خليهم ينقلون الى مدينه من المدن الصغيره
    راح يقدرون يوقفون على رجولهم
    وتحول دراستها لها
    ويلقى له وظيفه
    ويمكن ربي يفتح ابواب الخير قدامهم

    الغلاء في الرياض هو سببه الهجره للرياض من جميع المناطق بلا استثناء
  3. @smaaa_ngd_1

    الله يوسع لها من عنده ويسخر لها يارب ملائكه السماء وجنود الارض ويرزقها الرزق الوسيع اللي ماتحلم به ويفرج لها دنيا واخره وخليها دايم تدعي اللي مايحتاج وسيط وتالي الليل وتشكي له وتكثر من الاستغفار وربك كريم مايضيع احد
    وخلها تقول الدعاء
    قال أبو سعيد - رضي الله عنه: دخل رسول الله - صلى الله

    عليه وسلم - المسجد ذات يوم فإذا هو برجل من الأنصار

    يقال له أبو إمامة فقال: يا أبا إمامة مالي أراك جالساً في

    المسجد في غير صلاة ؟ قال: هموم لزمتني وديون يا رسول

    الله قال: أفلا أعلمك كلاماً إذا قلته أذهب الله همك وقضى

    عنك دينك قلت: بلى يا رسول الله قال: قل إذا أصبحت وإذا

    أمسيت:
    "
    اللهم إني أعوذ بك من الهم والحزن والعجز والكسل وأعوذ بك من الجبن والبخل وأعوذ بك من غلبة الدين وقهر الرجال"

    رواه البخاري

تابعي تجارب أخرى من هذا القسم.