السلام عليكم
كيفكم يابنات أسعد الله أيامكم
أنا بدخل في الموضوع على طوووول ماأعرف أسوي مقدمات
بنات في الحقيقة والواقع أنا ماأغطي وجهي يعني كاشفة بس ماأدري ليا فترة نفسي أغطي وجهي ماأدري ليه خفت أنا أسمع من زمان إنه العلماء أختلفوا على وجوب تغطية الوجه بس ماأدري ليه خفت قاعده أقول في نفسي أفؤضي إنه حرام ماحد حينفعني في قبري ومن باب إنه أتقي الشبهات والله كل فرض أصلي إلا الموضوع طن في بالي وأتذكر لو مت وكنت في قبري لوحدي أخاااااااااف علما إنه الماما منقبه والبابا زمان أيام الثنوي كان يخاصم بس دحين صار ديموقراطي بس يتمناني أنا وأختي نغطي دايما يلمح عاد أختي أحسها ماعندها نية في الوقت الحالي بس هسا أصغر مني عمرها 19 سنة لما كنت في سنها كنت عنيده كده وكتير عندنا في العايلة المنقبات بس ماأدري ليه متردده مره أقول إيوه دحين الناس بيقولو أبوها كسر راسها وغصبها وأنا ماأحب دي النظرة أنا أبويا دبحني وإلا جبرني خصوصا إنه كذا مره يسمعوني دي الكلمه(إنه بكره أبوكي يكسر راسك ويفطيكي غصبا عنك) بس نفسي أغطي وكل شوية يطلعلي شي في راسي ترى والله إنه حجابي تمام ولا أبين ولاشعره حتى عبايتي واسعة حتى أمي أحيانا تختبر بابا تقولي أنا حفتح وجهي أنا متزوجة خلاص أنا أول وحده أقولها أصدقها وأقولها لا قبل بابا
معليش أزعجتكم بس حسيت إنه نفسي أحد يشاركني اللي في نفسي:06:
شاركي في النقاش
سجلي الدخول لإضافة تعليق.
التعليقات
142- عين العقل حبيبتي
الستر والغطاء اذا ماجاء منه خير ماجاء منه شر
واذا على كلام الناس ارضاء الناس غاية لاتد رك
كان الله في عونك - سبحان الله
أصلا تحسين بشي وانت كاشفه
شي في داخلك يحثك انك تغطين وجهك
أول شي كنت كاشفه مثلك
والحين أسأل الله الثبات ألبس نقاب وعباية ساترة وفضفاضه يااااااااااارب يثبتني - اذا مقتنعه بالشي مو غلط والله يوفقك وسيبك من كلام الناس اساسا الناس ما همها غير الكلام
- حبيبتى الموضوع هذا ما فية جدال الله يهديكي ,,,
تغطية الوجة واجبة ,,
الي فكرتى فية عين الصواااااب , - الله يوفقك يارب ولا تترددي
صحيح ان الغطا اختلفوا فيه العلماء
بس الراي اللي اقنعني انا انه القران امر بتغطيه الارجل وعدم لبس الخلخال في الشارع
فمن باب اولي تغطيه الوجه لانه اجمل وهو محط الانظار
الله يهديكي يارب
مواضيع مشابهة
تابعي تجارب أخرى من هذا القسم.