طريق الامل ( خبرات متبادلة حول مراكز العقم فى مصر ) الجزء السادس

نيفووووووووو حبيبتى الف سلامة عليكى شافاكى الله وعافاكى الف مليون سلامة ربنا يخفف عنك يارب بس طمنينا عنك مالك ؟؟؟؟
بليزززززززززززززززززززز ادخلى طمنيننا

السلام عليكم ورحمه الله وبركاتة

حبيباتى وصديقاتى وزميلاتى فى ملف الامل .. ازيكـــم .. وحشتونى جدا ... :39:
كل سنه وانتوا بألف خير ..
اولا انا اسفه جدااااااااا لانى قلقتكم بالشكل ده .. صدقونى مكانش قصدى اقلقكم انا بس محبتش اقول لكم انى هعمل عمليه المرارة علشان محدش يتخض بس لما لقيت سارة خلتنى ادخل اطمنكم عليها كان لازم اقول لكوا انى هغيب لظروف صعبه علشان ما تحسوش انى ببعد عنكم بإرادتى ..
ربنا يخليكم ليا والله انا شفت منكم قلق عليا وحب مش ممكن الاقيه فى اى مكان تانى او مع اى ناس تانيين ..
ربنا ما يحرمنى منكم ويكرمكم ويجعل صحبتنا دايما فى الخير وللخير ..
كان نفسى اقرأ كل اللى فاتنى زى ما متعودة لما بغيب ..
بس انا لسه ما فكتش السلك بتاع العمليه ويادوب لسه داخلة علشان وحشتونى وعلشان نيفو وشوشو قالوا لى انكم قلقانين عليا فا كان لازم اطمنكم ..
انا بخير والحمدلله وربنا يعيننى وتمر الفتره دى على خير .. العملية مكانتش كويسه للأسف وكانت على عكس ما توقعت .. كنت فاهمه ان عمرها ما هتكون اصعب من القيصرى بس طلع تفكيرى غلط تماما ..
لكن الحمدلله الفترة الاصعب عدت خلاص واللى جاى تظبيط اكل وهبقى كويسه بأمر الله
وبما انى عرفت ان اوشى حامل مقدرش امشى من غير ما ابارك لها ...
الف مليون مبروك يا اوشى يا حبيبتى على الحمل ويارب يثبته ويجعله ذرية صالحه .. كلنا دعينالك كتير اوى كنا حاطين املنا فيكى كلنا والحمدلله ربنا ما خيبش املنا .. يارب دايما ..
والله لو كنت موجوده ساعه الخبر مكنتش سبتك كنت عملت لك مولد
انا سألت عليكى فى غيابى علشان كنت عارفه ان معاد تحليلك قرب والحمدلله ان ربنا اكرمك يا اوشى وريح بالك
عقبال كل البنات يارب ..
يالا ان شاء الله كل واحده جاى عليها الدور .. عقبالك يا توتا .. وانتى يا طماطم انا لسه قاريه حالا انك عملتى السحب النهاردة .. ربنا يبارك فى البويضات وتتخصب يارب ..
ان شاء الله يابنات هبقى معاكم الفتره الجاية انا بدأت اتحسن وهرجع اتابع يومياتنا تانى بعون الله .. بس سامحونى مش هعرف اسلم على البنات بالاسم دلوقتى .. اشوفكم على خير يارب
:27:

مشتاقة لمكة صباحك معطر بورد القرنفل .... ايه رفع المعنويات ده .... متشكرة على كلامك الجميل يا جميل

اشتقت اليك ... اخبارك ايه ... مش باينة ليه ... الحمد لله ان الكيس عندى خامل وادعيلى ربنا يكمل عمليتى على خير ويرزقنى بالحمل الثابت ... ربنا يكرمك قريب من غير تعب وتخاوى أنس ببنوته حلوة يارب ...

أم أنس ... فينك يا جميل ... دايما كده تدخل تسأل على الناس وتسلم عليهم من غير ما تقولنا أخبارك ... عاوزين اخبار سعيدة ...

نيفو .... مالك ياحبيبتى فيكى ايه ... مالك ايه المرض اللى بتاعنى منه ..... بليز طمنينا عليكى ... اناحسدتك ولا ايه ؟؟
عاوزة اسمع عنك خير وعاوزة مشغباتك ترجع تانى ....

رمال ... الف حمدلله على سلامتك ياقمر ... معلش كل ده فى ميزان حسناتك.... طبعا انتى اكيد ماتخديش بالك منى علشان انا جديدة وظهرت فى المنتدى لما كنتى غايبة ... تمنياتى لك بعيد اضحى سعيد بإذن الله علشان عيد الفطر عدى وانت مش معانا ... كل سنة وانت بخير وعافية ..

ام اياااااد فينك يابنتى سألت عليكى امبارح فى المنتدى ولا حس ولا خبر . انتى فين لعل غيابك يكون خير

طمطم ... دعيالك بالحمل الثابت وانا وراكى بإذن الله يارب ...

توتا يالا بقى عايزيين نعمل بإذن الله انفجار سكانى فى الملف قريب ... ربنا يتمم خطوات عمليتك على خير

باقى البنات بحبكم فى الله ومنتظرة ظهوركم فى المنتدى علشان تنوروه

الحمد لله بدأت من انهارده تانى اخد جلوكوفاج 850 المرة دى هاخده مرة واحده فى اليوم لمدة اسبوع وبعدين مرتين على ماتعود عليه ادعولى ربنا يعيننى على اثاره الجانبية مع انى حاسه انى الحمد لله تأثيره أقل المرة دى يمكن لانه بقى عشرة عمر لكن انا قريت قبل كده ان اخده زيادة عن سنتين غلط عالكبد لانه بيرسب حامض اللاكتيك عالكبد بس ماتأكدتش عالعموم ربنا كريم وبجد بجد نفسى تكون ال6 شهور دى اخر مرة اخد فيها الجلوكوفاج