طريق الامل ( خبرات متبادلة حول مراكز العقم فى مصر ) الجزء السادس

ازيكم يا كتاكيت ,
بوبا ................... معلش يا حبيبتى دا غصبن عنك و انت مش معترضة , دى بس حالة و تعدى و انت عملتى اللى عليكى , و بعدين ليه كده هوا فيه امل بعيد عن ربنا , يا ستى دا خالق الخلق اجمعين و الكون باسره .
و موضوع المنظار بجد مش صعب انا عملته الم اول يوم بس و مكنش فيه مشكلةو باذن الله حيكون كده معاكى , و بقى العادى بتاع الناس يقولك يا لا ندخل نعمل منظار

الف سلامة لرمال .......... و مين يا بنتى اللى فقعلك المرارة شكله كده انس من عاميله فيكى (و طبعا دا هزار ربنا يبارك فيه)
الف سلامة لنيفو........... بس هوا انتى ايه اللى مسببلك الالام دى , يعنى ايه اللى وجعك يا جبيبتى
شيمولانا ........ ربنا يجعها اخر ست شهور يا رب فى الجلوجوفاج و لينا كلنا يا رب
اوكسى....... انا مش شدا حيلى و نفسى التزم بالاستغفار

يادودو علشان تلتزمى بالاستغفار حددى ليكى تارجت يومى وليكن 2000 مرة ووزعيهم على اليوم على حسب روتينك اذا كنتى بتشتغلى مثلا .... اغتنمى فرصة المواصلات وخلى معاكى سبحة 100 حباية وكل ماتخلصيها اكتبى فى نوتة صغيرة 100 - 200 لحد التارجت بتاعك ولو قاعدة فى البيت قسمى العدد بتاعك على 5 وبعد كل صلاة استغفرى 400 مرة مثلا

بأذن الله , حبتدى ربنا يكرم الجميع

السلام عليكم ورحمة الله وبركاته

نيفو الف سلامة عليكي يا حبيبتي بس لازم تقولي عندك ايه ؟

يعني نطمن على رمال ونقلق عليكي ؟ لا حول ولا قوة الا بالله

شفاكي الله وعافاكي لا بأس طهور ان شاء الله

رمال الف حمدالله عالسلامة شفاكي الله وعافاكي

والله وحشتينا جدا بس الحمد لله اطمنا عليكي

بوبا كلنا كده والله كل الدورة ما تتأخر نص يوم متعرفيش ايه الي بيحصل الامل بيزيد جدا

طب هضحكك لما كنت في مصر السنة الي فاتت جوزي عمل الدوالي يوم الدورة ما جت لي وسافر قبل الدورة الي بعدها ما تيجي وطبعا مكنش فيه جماع ولا حاجة بس الدورة تأخرت اسبوعين
ومتعرفيش برده ايه الي حصل ورحت برده حللت حمل >>>ههههههههههههههه

المهم انتي هتعملي ايه عشان تعرفي سبب تأخيرها ؟ هتروحي للدكتور ولا هتستني ولا ايه؟


اوكسي ربنا يكرمك يارب انا ان شاء الله هاخد خطوة كويسة في العلاج لأني قررت آخد برأي د/عادل في حالتي لأني من بعد ما عملت المنظار من سنة الحال زي ما هو وهو كان قايل لي اني محتاجة علاج وانا سمعت كلام دكاترة تانيين

ربنا يسر يارب

شيمو ان شاء الله ربنا يكرمك قريب يارب وتبطلي الجلوكوفاج