طريق الامل ( خبرات متبادلة حول مراكز العقم فى مصر ) الجزء السادس

توتا ... ربنا يديم المحبة يارب ويجى اليوم اللى يكون كلنا معانا بيبيهات ويطلعوا ذرية صالحة ... ونسمى الملف ملف حوامل طريق الأمل ...

ام انس ... ايوة كده خلينا نعرف انتى بتعملى ايه وعلاجك وصل لحد فين ربنا يكرمك يارب قريب ونسمع عنك خير ... اما بالنسبة للإستغفار انا كان نفسى من زمان اداوم عليه هو وقراءة القرآن بس ملتزمتش الا قبل رمضان بشوية ويارب يوسع ارزاقنا ويرزقنا بالبنين والبنات ببركة الإستغفار ....

اوشى وطمطم .... طلب صغنن منكم ... اثناء ماكنتم بتاخدم منشط حسيتم امتى بوجع فى جنابكم ... اصل النهاردة ثالث يوم ابر ومش حاسة بحاجة خالص ..خايفة لحسن مايكونش فيه استجابه ... ياريت تطمنونى ...اصلى قبل كده لماكنت باخد كلوميد مع ابر كان الضرب بيبقى شديد فى جنابى ومن تانى يوم على طول

نتوكل على الله و نبدا الاستغفار كلنا , متبتديش يا اوكسى القلق أن شاء الله خير و اجمدى لسه قدامنا شويتين , دا تالت يوم بس

مساء الخير ياقمرات
اوكسيجين
جميلة جدا فكرة الاستغفار والله قد مانستغفر ربنا قليل جزاك الله خيرا
رماااال
حبيبة قلبي وحشتينا والحمد لله على سلامتك ومستنينك دايما وانت دايما متربعة في قلوبنا كلنا
ام انس
ده الكلام الصح من زمان وانا مستنية تاخذي الخطوة دي وزي توتا ماقالت عايزين انفجار سكاني في التجمع ومستنين توام منك باذن الله
نيفو
مالك ياقلبي شفاك الله وعافاك وان شاء الله ترجعي نيفوووو الحبوبة اللي كلنا بنحبها ونعزها كتير جدا جدا
شيمولاتا
ورينا الهمة واصبري على الكلوكوفاج واعملي رجيم وان شاء الله يسهلك امورك وتنسي تحليل الدم وتلاقي نفسك حامل باذن الله
توتا تويتي
الحبوبةان شاء الله حيكرمك ربنا قريب جدا وتكلل عمليتك بالنجاح يارب
مهاميهو
زي نيفو ماتسميك انت مختفية ليه؟؟؟؟
شوشو
انت فين ياقلبي نورينا من فضلك
ام اياد
بلاش دلع انت فين وانا زعلانة منك وانت عارفة ليه؟؟؟؟
ميرااااااا
من زمان مختفية ياترى ايه اخبارك؟؟؟؟
بوبا
ربنا معاك ياقلبي ويسهلك امورك وترجعي احسن من زمان اصبري وربنا حيكرمك باذن الله
كوكر
ربنا يخليلك كريم وتخاويه قريب ان شاء الله
دودو
انت نسيتيني ولا ايه؟؟؟؟
يارب مانسيتش واحدة
بحبكم كلكم في الله

يا بنات امبارح بالليل جات الدورة
بس كعادتها جاتني بالام شديدة جدا جدا والله عيطت من الوجع والالم وقبل ماتنزل باسبوع الم فظيع اسفل ظهري وعاملة حزام على طول لاني ماقدرش اعمل حاجة في البيت من غيرو
انا من قبل مااجوز وهي مؤلمة والله بخاف وبترعب لما يقرب موعدها
الادوية راح مفعولها وماتجيبش نتيجة معايا اللي يخفف الالم بس مشروب مغلى النعناع
اتصورو الالم يخف يوم التالت ويرجع مؤلم جدا اليوم الرابع مش عارفة ايه المشكلة انا بولد كل شهر هههههههههههههههههه
اضحكو بس بشويه صدقوني دي الحقيقة
كانت بتستمر معايا 8ا9ايام وتستمر افرازات بني متجمدة لغاية اليوم 15 وبعدين خلاص
دلوقتي ومن 10اشهر تقريبا والافرازات مستمرة عليا طووول الشهر رايحة اجنن منها
وعلى فكرة يا بنات
انا حعمل تحليل هرمونات بكرى اوبعد بكرى كارهاص اولي للعملية باذن الله
ويوم الاحد حسافر العاصمة الجزائر عند دكتور بيقولو كويس الله اعلم عشان اتعالج وكمان اشوف موضوع اللحميةوالورم الليفي الصغير وان شاء الله حعمل عندو منظارللاسف كان نفسي اجي مصر واعملها عند الدكتور عادل لانو الدكتور الوحيد اللي بثق فيه بس للاسف المدة اللي حددوها لجوزي عشان السفر قليلة وماقدرش اجي بلد ماعرفوش لوحدي
عشان كده قررت اعمل منظار هنا يعني ابتدي الخطوات هنا قبل مااحضر نفسي للعمليه ان شاء الله
وجوزي قدم اليوم اوراق الاجازة ادعولنا يسهلوها عشان صعب جدا نحددهاحسب رغبتنا وحسب الدورة وابر التنشيط والتحضير
يا بنات انا استخرت ربنا كتيرعلى العملية ولازم تعرفو انها اخر عملية حعملها لاسباب خاصةوانا متاكده من كلامي ولسة مارستش على المكان اللي حعملها فيه لانو ليا 3احتمالات
يا اما اجي مصر وليا 3اختيارات
وانا سالت الدكتور عادل وقلتلو يرشحلى مركز فرشحلي جنين وادم بس رجح ادم اكثر لانو اقل سعر وكمان نتايجو بتضاهي نتايج مركز جنين
وكمان في مركز اسماعيل ابو الفتوح ده عشان شفتو في حلم والله.. وشفت بطة رغم انها ماعملتهاش هناك وقبل ماتحلل اصلا وشفت كمان اوشي وسبحان الله اتحقق حلمي ففكرت اني اروح عندو عشان يتحقق النص التاني من الحلم معايا....اضحكو ده مجرد حلم بس والله اتحقق نصو
والاحتمال التاني اني ارجع مرة تانية تونس لو الظروف ماسمحتش والسبب كلو عمل جوزي لانو في تونس دايما ابتدي التنشيط في الجزائر وبعدين اسافر واكمل في تونس
وده يسهلي شويه مع الاجازة بتاعتو ونكون مستريحين وكمان مانحتاجش الفيزا او التاشيرة
والاحتمال الاخير وهي فرنسا...عندها مراكز ممتازة في باريس واختي زي مانتو عارفين عايشة هناك وهي مصرة اني اعملها هناك بس عندي مشكلة اني مش مقتنعة اكشف او بالاحرى اتكشف عند المسيحين والله عقدة
اختي اترملت وهي صغيرة وظروفها صعبة وتصرف على يتامى وتتعب عشانهم ....بس ماقدرش اوصفلكم بحبها قد ايه هي الوحيدة من اخواتي اللي حاسة بيا وعلى فكرة هي ساعدتني بمبلغ كويس جدا وكمان هي اللي تحملت كل مصاريف سفري المرة اللي فاتت ربنا يجازيها كل خير حقيقي هي سندي الوحيد
يا بنات انا استخرت كتير وياريت اتنو تساعدوني اتخذ قرار انا بحبكم وياريت تشاركوني المرة دي وقولولي رايكم ايه
انا رغيت كتير سامحوني بس انا عايزة استشيركم واخذ رايكم