وش هالعيد ..

والله صديقتك اسمحيلي فساده !
تطلبين الطلاق عشان ماسمعك تشكين وعشانه مايبي يعيدك بالرياض !

يايمين يايسار ..مافي حل وسط ..مافي تفاهم مافي نقاش !

وتوك تقولين عروس ..يعني طبيعي ع الاقل سنتين بتعيشين معاه في شد وجذب لين كل واحد يعرف مفاتيح الثاني !
الزواج مو لعبه عشان انا اعاند وهو يعاند

انتي قلتي انه عنيد ..سايريه لين يهدا وبعدها بتاخذين الي تبين ..اوهميه انك على كيفه بس بطريقتك وذكاك اذا عرفتي مفاتيحه !

غلطك انك دخلتي صديقتك وبنت خالتك والكل قاط معط في قراراتك الخاصه !
وين جالسين ياحبيبتي هذي حياتك الخاصه الي ماحد ياخذ قرارات فيها الا انتي !

شوي وشوي بتعرفين له وبتمشي الحياه !

الله يفتح على بصاير قلبك ويهديك وصديقتك هاللي تقول ان الرجال بداله عشره ادري بداله عشره بس متى يجون هالعشره وهل العشره لين جو بيصيرون ونعم
اقول اربحي العافيه وامسكي بيتك ولاتخربينه بيدك والله وحده من زميلاتي انها تروح للديره اللي اهلها فيها ولايخليها تزورهم ويقولها ياويلك ان عرفو ان حنا حنا ومع ذلك صابره تدرين ليه لانها ماتبي تهدم بيتها بيده .

جدي كان يقول الحرمه عجاله ندامه

يعني تستعجل وتسوي الشي بعدين تندم

وهذا زواج مو لعبه خلاص بعدما تزوجتي صرتي مع الرجال وين راح ووين جاء لانك في ذمته مو ذمه اهلك

تستعجلي وتطلبي الطلاق لانه ماجاز لك ولا يعيدك في الرياض من الاول ليش تاخذي واحد بعيد عن اهلك لاتقولي نصيب النصيب لما يجيك تفكيرين هل يناسبك ولا لا

وبكره لما يحصل الطلاق لاسمح الله حسيتي بالندم وجيتي تتشكين وتقولي ادعولي يرجعني

هذا مو كلام... الرجال طالما انه اخلاق وملتزم ومايعاف ليش تطلبي طلاق علشان ناس فاضيه ولو كانوا في موقفك صدقيني ماسووا مثلك

الله يهديك بس

:(

ترا ياختي صديقتك مو صديقه اسمحي لي اقول لك , هذي تبيك ترجعين عندها بالرياض لكن لو رجعتي مطلقه مين الخسران؟؟
عبتي على زوجك العناد لكن انتي اعند منه !! واللي نعرفه ان الحرمه هي اللي تمشي بحكم زوجها مو العكس
الزواج مو استعباد , لكن حطيها حلق باذنك انه تضحيه وتنازل من الطرفين ..

لما تشتكين انك زهقانه ياختي بدل ما تشتكين الرجال مو ناقص شكاوي وبلاوي , قولي له تعال نتمشيى برا تعال نتعشى تعال نسوي شئ سوا يعني حاولي انك تغيرين جوك من غير شكاوي لانك من تزوجتيه كنتي عارفه ان وعك بيكون بهالشكل ولا؟

مايكلم ابوك الا بالاسبوع مره؟؟ جزاه الله خير مكفي وموفي
اقول بس لا تكبين نعمتك بيدك لان ماعندك مشكله من الاساس واتصلي او ارسلي له مسج وخلو اموركم تتصلح قبل لا تندمين وصديقتك هذي لاعاد تدخلينها بامورك الزوجيه ابد ..