طريق الامل ( خبرات متبادلة حول مراكز العقم فى مصر ) الجزء السادس

ربنا مايحرمنيش منك يااختى ياحبيبتى ويكرمك ويرزقك بالذرية الصالحة آمين

مشمشة

ايوة كدة يا قمر عايزين نشوف الهمة دي علطول
بصي بقة كويس انك محدده شوية حاجات منها المراكز طبعا انا لغاية دلوقتي بشكر في مركز جنين لأني مش شفت حاجة وحشة وكمان سمعتة ونسب النجاح فيه كويسة والحمد لله
بس بردة المراكز التانية زي آدم أو د اسماعيل بردة كويسين
يبقي انتي تعملي استخارة وتشوفي انتي مرتاحة لمين اكتر وبعدين فاكرة لما كانت سارة محتارة ومترددة وانتي قلتلها علي الحل يالا اعملي بقي اللي انتي قلتيهولها

وكويس انك من دلوقتي هتعملي تحاليل والحاجات دي

وربنا ييسر لك كل عسير يا رب وتبقى معانا في الانفجار اللي ناويين نعملية بإذن الله

ابقي طمنينا عليكي وعلي كل خطوة أول بأول

أم اياد

البقاء لله يا حبيبتي
وبعد الشر عنك من الهم والنكد تعالي فضفضي معانا وان شاء الله كل شئ يبقى كويس


اوكسي
ايه هنبتدي الهسهس من دلوقتي ولا ايه
لأ دا انا بقول عليكي عاقلة يالا سيبي كل حاجة علي ربنا مش انتي اخدتي بالأسباب وعملتي اللي عليكي
خلاص ربنا هيعمل الخير ان شاء الله

قوليلي انتي اخدت قد ايه حبوب منع الحمل يعني خلصتي الشريط كلة وبدأتي التنشيط أول ما البيريود جت ؟؟

بصى يا توتا انا اخدت شريط حبوب منع الحمل كله 21 حباية كامليين وقبل مايخلص الشريط باربع حبات رحت للدكتور فى المركز علشان ياخد مقاسات الرحم علشان لما بإذن الله يرجع الاجنة يعرف حيحطهم فين ويومها عرفنى ازاى آخد الابرة اللى تحت الجلد التحضيرية فى بطنى وقلى خدى منها 50 وحدة كل يوم فى نفس المعاد الابرة اسمها سوبرفاكت .... بعدين قالى اول الحبوب ماتخلص حتنزل الدورة بعد يومين .. اتصلى بيه ... وفعلا اتصلت بيه ورحتله تانى يوم الدورة ومعايا تحليل E2 لأنه ضرورى قبل مايعمل تنشيط ... المهم رحتله وعملى سونار ولقى الكيس الصغير لسة موجود بس قالى طالما التحليل كويس يبقى مافيش مشاكل من التنشيط المهم كاتبلى على ابر التنشيط آخدهم 6 ايام بدءا من رابع يوم الدورة وبعد كده اجيله فى اليوم السادس ومعاى التحليل E2 تانى ... انا قريت النشرة بتاعة ابر التنشيط وعرفت منها انه يبطل تنشيط لما الهرمون ده يوصل 600 الى 800 فى الدم ... بس ياستى وانا تحت امرك

لمشتاقة . ممكن تروحي لدكتور ابراهيم و ان شاء الله ربنا يوفقك بس الاول استخيري.
ربنا مع فاطمة و يوفقها ان شاء الله.
ام اياد ربنا معاكي.