وش هالعيد ..

اجل مايتصل على ابوك الا بالاسبوع مره؟؟؟؟؟؟؟؟
كم مره تبينه يتصل كل يوم ولا كل ساعه
خير منه وبركه انه يكلم ابوك كل اسبوع وكثير بعد تراه ابوك انتي مهب ابوه
وبعدين وين عقلك انتي صديقاتك وحده توديك وحده تجيبك
وش فيه اذا تعيدتي بعيد عن اهلك انتي منتب بزر خلاص تزوجتي
واذا رفض خلاص مو لازم تعاندين تدورين الغثاء
لا ويدق عليك وماتردين تراه زوجك مهب السواق:::::: كم عمرك انتي؟؟؟؟؟؟؟

معليش اختي بقولك شي وبصراحه انا ملاحظه من كلامك ان بنت خالتك متحكمه بمشاكلك مع زوجك وكذا مايصير هذي خصوصيه بينكم

مو كل ماقالت لك شي تسوينه مو هي الي تتحكم بحايتك

وبعدين نصيحه لاتخسرين زوجك عشان توافه والواضح انه يحبك ويبيك تكونين عنده ولو مو هامه كان خلاك تروحين وهو لعب من

وراك وانتي وش يدريك

انتي توك صغيره بس لازم تحافظي على حياتك بالبدايه عشان تستمرون مع بعض وشيلي من راسك فكرة الطلاق روحه لاهلك

والله يهدي سركم يار ب

الله يهدي سركم ويصلح شانكم ويخزي شيطانكم
من رائيي الرجال بيض الله وجهة ثم بيض الله وجهه ثم بيض الله وجهه ماقصر معتس بشي ابد بصراحه
بس سؤال : اهلتس يدرون بالسالفة ؟ واذا يدرون امتس وش موقفها ؟
لانه بحسب رايي الام هي اللي قلبها عالبنت وتعطي النصيحه من قلب ولو اني ماأيد ان اي شخص تطلع لة اسرارالبيت ومشاكلة لكن اذا كان ولابد فهي الام فقط
وتبين نصيحتي صديقتس وبنت خالتس طلعيييييهم من حياتس الخاصة حتى لو بالسواليف الله يستر علينا وعليهم تراهم ماشاروا عليتس بخير
موفقه

أولا :الرجال مايحبون المره اللي تشتكي

ثانيا: الزواج مو عناد وطقاق وتكسير روس .. كل شي يجي بالاتفاق والمسايسه..

وماله داعي تدخلين فلانه وعلانه بحياتك ..سكري عليك بابك وحلي مشاكلك بنفسك

الموضوع مايسوى ..

ثالثا : الرجال ماقصر اذا مليتي قال يلا للبحر..وهذا هو يدق عليك ..

رابعا : مالك حق تشرهين عليه عشانه مارد عليك يوم العيد .. ياحبي لك صرتي شين وقوي عين

سافهته ورايحه ومخليته وتمشين كلمتك بكل قوه وجايه تشرهين عليه بعد .. من اولها..؟؟

وين الانوثه والنعومه والتدحلس ....؟؟

خامسا: صديقتك اسمحي لي ,, ماتهمها مصلحتك اللي تحرضك على الطلاق عشان وشو.,,؟؟؟

عشان بس مامشيتي كلمتك ,,,؟؟؟

بزران انتم..؟؟ ماعندكم اي احساس بالمسئوليه والاستقلال..

هدي اعصابك .. ترا زوجك رجال ولاغلط والله كل شي يجي بالتفاهم بس انتِ ماعرفتي توصلين

لمفتاح زوجك اللي تقدرين تدخلين عليه وتقنعينه ,,

الله يهديك ويصلحك ,, لو انه يشرب ولا مدمن وش كان سويتي..؟؟؟

تبينه خاتم بيدك بس بالعناد..؟؟ لا مايجي بالعناد والقوه ابدددد

وموب لازم يدق على ابوك .. خلاص اذا ابوك طيب ومتعافي الحمدلله ليش الرسميات الزايده

تراك تدورين بس اعذار عشان تزعلين عليه ,, يدق مره بالاسبوع كافيه وزياده بس,,

انتي تبينه يحب اهلك غصب ..؟؟ لايا اختي ترا احترامه لأهلك مايجي بهالأسلوب ,,

الحب والاحترام مايجي بالغصب ,,

راجعي نفسك وعدلي من اسلوبك..


يسلمووووو على الكلام
يعطيك العافيه

أشكر جميع من رد ع الموضوع

الصراحه انا بالبدايه انصدمت ان كلكم مو بصفي ..

و بعد فيه كثير من العضوات اعجبني كلامهم فيه رزانه وعاقل وسليم !!

ع العموم يعطيكم العافيه جميعا ...