وش هالعيد ..

وصح ع فكره اللى يلوموني ليش اني ما رديت ويقولون تراه مو سواق,,
حتي انا اول يوم كنت ادق عليه ومايرد يعني وش انا شغاله ؟؟!!

تكفون لاتهاوشوني شوي شوي ترا اللى سويته مو شي كبير ويتصلح

الله يصلح حالك

سؤال هالحين وش زاد فيك يوم عيدتي عند اهلك ..؟؟

خسرتي زوجك وامحق من نصيحه من بنت خالتك والا صديقتك لو كانوا مكانك ماتركوا ازواجهم لحالهم ومو كل من نصحك

صار يحبك بكل صراحه لوعيدتي معاه بالشرقية انتى وياه وتمشيتم وعينتم من الله خير وثاني العيد رحتم لاهلك او ثالث العيد

كان ما صار شي الرجال معروف يبي يمشي كلمتة انتى تبين تمشين كلمتك بس مو بهالطريقة بموده اذا لا فخلاص حتى هو

شوفية ما عيد مع اهله لان الواحد اذا تزوج اهله زوجته وعيالة ..

لو العكس ادرجيها براسك كنتى بتزعلين والا لا ..؟؟

انا اقول اتصلي فية وطيبي خاطرة بكم كلمة ولا تعيدينها لو ماخذة رائ امك ابرك هى ما تبي تخرب بيتك ..

وعلى قولتك ابي اهلى الى تبي اهلها دائم كان ما تزوجه جلست عندهم مو كل اسبوع ناطه عندهم حتى الشوق ما يشتاقون

لها غثى لكن لو تنقطع كم شهر والله ما تحصل الا كل خير ومحبة من طرف اهلها ومن طرف زوجها ..

كلامي قاسي بس انتى غلطتى بصراحه واعذريني ..

اسمحيلي اقولك انت شكلك صغيره ومنتي عارفه مصلحتك عدل ,, انتي اخترتي هالرجال وعارفه انك بتعيشين بعيد عن اهلك فالمفروض تتأقلمين مع حياتك الجديده ومو كل يوم والثاني ناقزة عند اهلك ,, وزوجك ماهو مجبور يوميا يتصل على اهلك كبري عقلك شوي اغلب الازواج علاقتهم مع اهل زوجاتهم حييل رسميه ,, وصديقتك الله يهديها ماتبيلك السعاده اسمحيلي شلون تقولك حتى لو يوصل امرك للطلاق ..؟؟ الوحده مالها الا زوجها تتبعه وين مايروح ,, ومو شرط تعيدين عند اهلك كل سنه خير ان شاء الله هو ماله حق يعيد معك ويحس انه مستقر حاله حال غيره ,, انا اقولك استهدي بالله واتصلي عليه ولاتجيبن له طاري شيء بيني له انك مشتاقه له ولبيتك ,, ولاتدخلين احد بمشاكلك وتصير حياتك مثل الكتاب المفتوح اللي كل من يعرفها ,, والله يهديك ويوفقك ويسخرلك زوجك ويسعدكم