طريق الامل ( خبرات متبادلة حول مراكز العقم فى مصر ) الجزء السادس

بطة نور .... والله احنا كمان بنحبك بس ياريت تنورينا كل يوم بلاش الغيبة دى وتطمنينا على اخبارك

طمطم ... ربنا يارب يكملك على خير وتفرحينا بخبر حملك

اوشى ميعادك امتى مع الدكتور عايزيين نطمن عليكى

ام اياد ... ربنا يارب يفك كربك ويبدل شقاء ايامك بالهنا والسرور ... وعايزاكى تفكرى فى بيت الشعر ده

ولرب نازلة يضيق الفتى....................... بها زرعا وعند الله منها المخرج
وضاقت ولما استحكمت حلقاتها.............. فرجت وكنت اظنها لاتفرج

نوفى ... انتى فين يابنتى شفاك الله وعفاك ... من غيرك المنتدى ضلمة وماينفعش معاه ولا كلوب موفر للطاقة

ام انس ... اخبارك ايه ياعسل ... يارب تكونى بخير وتكونى نزلت لتارجت كويس فى الوزن

مها ... شكرا على مشاعرك الجميلة ... وكويس انك ابتديتى تاخدى خطوات عملية ....ان شاء الله ماتطوليش مع د.عادل ونفرح بيكى قريب

شيمولاتا ... شكرا لكلامك ولمشاعرك الرقيقة ... ربنا يارب يجازيكى كل خير ويرزقك بالذرية الصالحة ان شاء الله

اشتقت اليك ... مالك ياحبيبتى ... ربنا يارب يكرمك ويرزقك من وسع ... حتوحشينا وماتغبيش عننا كثير
المشتاقة لمكة ... والله انتى طيبة ونفسك زى اللبن الحليب علشان كده ربنا حيعوض صبرك خير ويرزقك بالذرية الصالحة بإذن الله ..
رمال ... اخبارك ايه ... يارب تكونى خفيتى وفكيتى السلك ... يارب يكملك بالشفا يارب
ميكو .... اخبارك ايه ... دايما تدخلى تسألى على الناس من غير ماتقوليلنا اخبارك يارب يكملك على خير وتفرحينا بأحلى بيبى ..
كوكر ... انتى فين ياعسل ... اخبارك ايه ؟؟
كل البنات بحبكم كلكم ويارب يجمعنا ربنا فى الجنة مع بعض يارب
الرضا والنور ... احنا منتظرينك علشان تنورينا ... ربنا يفك كربك ويزيل همومك ويغسل صدرك من كل كدر ويرزقك بالذرية الصالحة

اوكسي: انا الحمد لله كويسة و النهاردة معاد الدكتور ان شاء الله و حدخل بليل من الموبايل علشان اطمنكم. من يوم الاحد عندي وجع في بطني و ظهري. وجع بطني بيروح و بيجي بس وجع ظهري بيستمر لفترات كتيرة فحقوله علي الموضوع ده ان شاء الله.
انا حرجع بيتي المفروض بكره ان شاء الله لاني كنت قاعدة عند ماما لان زوجي مسافر فنزلت الشغل اليومين دول بس اول ما ارجع البيت حاخد اجازة اسبوعين علشان اريح لان شغلي في المهندسين و انا ساكنة في حدائق الاهرام و الطرق هناك عندنا وحشة جدا و كمان عايزة انزل الشغل علي اخر التالت علشان ابقي مطمئنة اكتر... و يارب يكملي و كل الحوامل علي خير و يرزقك اللي في السكة.

ميكو شفاك الله وعفاك ... ربنا يكملك على خير ويرزقك باحلى نونو...

انتى بتشتغلى ايه وناوية تقعدى من الشغل بعد الولاده ولا حتكملى شغل

ربنا يخليكي يا قمر و عقبال عن قريب.
انا مهندسة معمارية و ناوية علي الاقل اخد الثلاث شهور بتوع الوضع و ممكن اخد بعدهم سنة و انزل بعدها الشغل. لسه ماقررتش. اختي نزلت بعد الثلاث شهور.

يعنى انتى بتشتغلى فى الحكومة ؟؟ ... اصلى انا بشتغل فى القطاع الخاص وحكاية اجازة بدون مرتب دى حسب المزاج ... وبعدين متهيئلى سنة مش كفاية لرعاية النونو ... مش عارفة اصلى بفكر اقدم استقاله لو ربنا كرمنى بالحمل ان شاء الله على السابع كده ... انتى رأيك ايه