شاركي في النقاش

سجلي الدخول لإضافة تعليق.

التعليقات

2,230
  1. @am_ayad_2009

    MIKOMIKO
    اوشي: ربنا يوفقك للقرار الصح. اشتقت: نورتينا و ماتيأسيش من رحمة الله و ممكن لسه الوقت المناسب ماجاش, كله باوانه ان شاء الله. انا رحت للدكتور النهاردة و الحمد لله طمني و قالي اني في الاسبوع 11 بس قالي لازم راحة وماينفعش اروح الشغل اليومين د…
    ربنا يفرحك يا ميكو يارب كمان وكمان
    وخلي بالك من نفسك ومن البيبي دا غالي قوي فلازم تسمعي كلام الدكتور
    وصحتك وصحة البيبي بالدنيا وحاولي تاخدي اجازة طويلة شوية من الشغل عشان تهتمي بنفسك وبالبيبي
  2. @am_ayad_2009

    شوشو عارفة وانتي بتكتبي عن نفسك حاسة انك بتتكلمي عني بالضبط
    لان انا كمان من الناس اللي بتحب تخطط لكل حاجة فحياتها
    وانا فعلا في حاجات كتيييييييييييير قوي مأجلة لغاية ما احمل
    والله كمان ممكن احرم نفسي من فسح او خروج واكون فاكرة نفسي حامل
    بس في الاخر بتتطلع اوهام
    بس انا خلاص بقالي فترة قررت اني افكر في نفسي واقلم حياتي على اني معنديش اولاد وامارس الحياة بشكل طبيعي
    ولو ربنا اراد وخلفت اكيد حاسيب الامور تمشي زي ما ربنا عايز
    ولو مخلفتش بردة الحياة مش حتقف ودي حتكون ارادة ربنا
    فانتي يا شوشو الحمد لله قوية بس انا عارفة انه مهما كانت الواحدة فينا قوية بتضعف قوي عند موضوع الامومة لانها غريزة
    فحاولي تمشي حياتك بالطريقة اللي ترضي بيها جوزك وابنك ونفسك وان شاء الله ربنا حيكرمك ويرزقك بالذرية الصالحة
  3. @ashtkt_alyk

    المشتاقة لمكة
    ميرسى يا قمر على أحلى هدية...
    ربنا يخليكى يا حبيبتى و ميحرمنيش منك أبدا و يفرح قلبك دايما و يسمعنى عنك كل خير
  4. @ashtkt_alyk

    أم اياد 2009
    شوشو عارفة وانتي بتكتبي عن نفسك حاسة انك بتتكلمي عني بالضبط لان انا كمان من الناس اللي بتحب تخطط لكل حاجة فحياتها وانا فعلا في حاجات كتيييييييييييير قوي مأجلة لغاية ما احمل والله كمان ممكن احرم نفسي من فسح او خروج واكون فاكرة نفسي حامل …
    أم إياد....
    إزيك يا حبيبتى...ربنا يفرج كربك و يفرح قلبك....
    و البقاء لله...أنا آسفة إنها متأخرة شوية....
    بصى كلامك جميل أوي...بس فيه نبرة حزن قوية أوي..
    واضح من كلامك إن أنتى شخصية قوية و منظمة.....و عارفة كمان إنك متفائلة و أملك بالله كبير....
    لكن الشعور اللى انتى عايزة تجبري نفسك عليه ده صعب أوي....
    نظمى حياتك و استمتعى بيها و متسمحيش لنفسك إنك تؤجلى أي حاجة....على الأقل علشان لما يعدي الوقت تحسى انك عملتى حاجة مفيدة...و إن شاء الله ربنا فرجه قريب

    و بالنسبة ليا أنا فمتقلقيش عليا...انا فعلا الفترة اللى فاتت مكانتش كلها سيئة...بالعكس استمتعت بأوقات كتيرة فيها....لكن فعلا كان فيه بعض التقصير من ناحيتى و حاسبت نفسى عليه بما فيه الكفاية...و اللى خرجنى من الحالة يه هى إنى حددت أخطائى و قررت إنى ماكررهاش....و كمان الحكاية كلها عايزة شوية صبر...كل حاجة فى الدنيا عايزة سعى + صبر+ رضا باللى كتبه ربنا..... و أنا باعترف إنى مش صبورة بالمرة....لكن ربنا يسامحنا جميعا و يقدرنا على الصبر و على الرضا بكل ما يكتبه علينا...
  5. @ashtkt_alyk

    صحيح يا بنات...
    أنا مأسعفنيش الوقت إنى أرد على كل اللى فات...
    لكن بجد كلامكم الجميل و مشاعركم الطيبة و خوفكم عليا كان أكثر مما تخيلت...
    أنتم نعم الأخوات....و ربنا يبارك فيكم كلكم.....شيمو و توتا و أم إياد و مشمشة و أم أنس و دودو و ميكو و أوكسى .....ميرسى على كلامكم الجميل
    و كمان نوفى و رمال و بوبا و الهدي و النور و أوشى و بطة نور و سارة و ماما و طمطم....يا رب يصلحلكم الأحوال جميعا و يكمل عملياتكم على خير و يشفى كل مريض و يحققلكم كل أمانيكم.....

تابعي تجارب أخرى من هذا القسم.