طريق الامل ( خبرات متبادلة حول مراكز العقم فى مصر ) الجزء السادس

ازيكم يابنات عاملين ايه

على فكرة انا في التوهان خااالص

مش عارفة بخش كل شوية اقرأ مشاركاتكم واطمن عليكم بس مش عارفة ايه الي بيحصل بتفاجيء بمشاركات اول مرة اشوفها مع اني كنت داخلة من شوية مثلا ومشفتهاش

مش عارفة فيه ايه

تفتكرو ا جهازي للدرجة دي بايظ ولا ايه ؟

الله المستعان

اوشي ما شاء الله تبارك الله لو دكتورك شايف ان ده في مصلحتك اسمعي كلامي

هو ادرى بحالتك وربنا يثبت اجنتك يارب يارب


شوشو على فكرة كتا فاكراكي اجمد من كده

بس احنا اكتر ناس مقدرة حالتك وبنمر بيها نفسها من وقت للتاني يمكن انتي الي كنتي بتفضلي ما تعبريش عنها

وعايزة اقول لك انك بدأتي مشوار العلاج بحماس وهمة ما شاء الله تبارك الله ياريت ترجعي تاني لنفس الحماس

ربنا يخليكي يا شوشو على مشاعرك الطيبة تجاة كل البنات
واضح كدة انك فهماني بس مش عرفاني من جوة اية
انا والله طبيعتي مرحة جدا وعمر الحزن ما دخل قلبي وتملك مني غير بسبب موضوع الحمل
والحمد لله تعتبر دية الحاجة الوحيدة اللي منغصة عليا عيشتي

والمشكلة الاكبر انه لما ببص لل5 سنين اللي فاتو في حياتي وانا متجوزة بحزن على حالي
لاني بلاقي نفسي معملتش ولا حاجة مفيدة كل ما يجيلي شغل اقول لا يمكن احمل الشهر دة حا اعمل اية واكيد حاكون تعبانه ومحتاجة راحة فمش حينفع
وحتى كمان ترتيب البيت انا بفكر افتح اوض على بعض واعمل شوية تغيرات في الشقة وبرده ارجع واقول لا اما اشوف نفسي حاجيب عيال ولا لأ
فاحسة ان انا بجد واقفة محلك سرك مبتحركش خطوة واحدة غير اما افكر في موضوع الحمل على الرغم اني بحاول اوهم الناس اني مكبرة دماغي والموضوع مش فارق معايا خالص
بس بيني وبين نفسي مبفكرش في اي حاجة غير الموضوع دة
وخصوصا ان كل عيلتنا ماشاء الله بيحملو من اول شهر جواز فيمكن دة اللي دايما بيخلي موضوع الحمل في دماغي لان بلاقس اللي اتجوزو بعدي بسنين ما شاء الله معاهم اطفال وانا بكون موضع شفقة ونظرات عطف من الناس
ودة طبعا بيسببلي ازمة كبيرة قوي لدرجة اني ممكن اكره التجمعات العائلية

واضح اوي ان اننا رغيت كتيير قوي وصدعتك معايا
بس انا حبيت اطلع اللي جوايا واوضحلك ان نبرة الحزن دي مش جاية من فراغ
دي جاية من اعماق الاعماق
ربنا يصبرني ويصبرك ويرزقنا جميعا الذرية الصالحة

اشتقت: ربنا يخليكي وعقبالك, انتي عارفة حاجة ماتفكروش كتير, انا الشهر اللي حملت فيه الدكتور كان بنفسه قبلها بكام شهر مأكد علي عدم التفكير لان كتر التركيز في موضوع عمره مابتخليه يحصل بالعكس.