فيوتشيني رومــاوي صار في مطبخك+سلطة سيزر ألذ عشاء رومانسي من يدين لـggتس بالصور حياكم

قد يحتوي هذا الموضوع على محتوى غير مناسب. عرض الموضوع
بسم الله الذي لايضر مع اسمه شئ وهو السميع العليـم





حياكم اليوم في مطعم رومـاوي الأيطالي

طبعـاً مكرونة الفيتوتشيني تبع روما وي شئ حماااااس

وطعمهـا مرررة جووونـااااااااااااااان

ويصلحها قدامك خصوصـاً في المولات

قررت أشمر عن ساعدي وأطبق نفس الشئ

المرة الأولى طلعت نفسها بس النكهة مازبطت

قررت أجـرب وأحط السر وطلعت نفسها وبالتمام وأطعم كمان

جاتني صديقتي وعملت هذا العشا المتواضع
<<كثرت هرج

نبدأ بسم الله


المقـاديـر:





مكرونة شرائط -صدور دجاج مقطعة مكعبات

زيت -بصل وثوم مفرومين -زيتون أسود

فلفل رومي (أخضر أحمر أصفر)-قرنبيط (الزهرة)

مكعب ماجي

كريمة الخفق (المراعي)-2ملعقة دقيق أبيض

وطبعـاً السر اللي هو البهارات اللي واضحة بالصورة


الطريقـة:

جهزي ثلاث قدور



القدر الأول
نبدأ نسلق المكرونة
في موية وملح وشوية زيت ونص مكعب ماجي




وبعد ماتستوي نصفيها



القدر الثاني

نسوي كريمة الخفق
نصب العلبة في القدر على النار
ونضيف لها الدقيق ونص مكعب ماجي
ونحركها لما تفور
ونكون مستمرين في التحريك عشان ماتتكتل ونطفي عليها النـار
ونحاول نخليها خفيفة مو ثقيلة
يعني بس تفور ونطفي عليها




القدر الثالث

أول حاجة نحمر البصل والثوم لما يصير لونهم ذهبي
وبعد كيذا نضيف الدجاج
وملعقة صغيرة من الفلفل الأسود والملح والكمون



ونقلبها تمااام لما تستوي الصدور
بعد كيذا نضيف أنواع الفلفل الرومي والقرنبيط




وبعد ماتنضج الخضار ماخليها لماتذبل حلو لما تكون نص استواء يجي
طعمها أفضل وتحتفظ كمان بقيمتها الغذائية
نضيف الزيتون





بليييييز لاااحد يررررررررد

يتبع

700 تعليق 194,518 مشاهدة

شاركي في النقاش

سجلي الدخول لإضافة تعليق.

التعليقات

689
  1. @lggts

    صاحبة الموضوع
    وعلى طول بعد مانضيف الزيتون
    نضيف المكرونـة وكريمة الخفق
    عشان ماينطبخ الزيتون ويلين




    ونقلبهم

    ونضيف السـر اللي هو البهارات اممممممممم



    لو حابة تكون الأكلة حارة ضيفيلها الفلفل الأحمر المطحون

    ونقلبها لمدة دقيقتين الين تتجانس ونطفي عليهـا


  2. @lggts

    صاحبة الموضوع
    نجي لسلطة السيزر

    المقـادير:




    خس أمريكي - صوص السلطة -بديل جبنة البارميزان
    توست+زيت زيتون للتحمير (وومكن تستغني عنها بشابورة تقطعيها مكعبات)

    ذرة
    وملعقة زبادي وملعقة مايونيز وملعقة جبنة
    ونص فص ثوم

    الطريقة:

    نقطع الخس الأمريكي ونحطو في طبق التقدييم

    ونحمس التوست في الزيت بس شوي عشان مايصير لونو أسود

    ونحطو فوق الخس

    حطيت صحن صغير في نص السلطه وحطيت فيه الصوص وملعقة من تتبيلة السلطة لكنور


    نخلط الذرة في صحن وحدها مع ملعقة جبنة والمايونيز والزبادي والثوم

    وبعدين نزينها في أطراف طبق السلطة

    ونرش على الطبق جبنة البارميزان

    وزينتها بالخردل

    واللهي يابنات يطلع طعمها شيييييي

    جدا لذيذ


    وعند التقدييم

    تفضلـو حياكـم


    طبق السلطة










    طبق المكرونة




    وبطاطس فرايديز نزلتو في قسم المقبلات قبل فترة

    على هذا الرابط


    http://forum.hawaaworld.com/showthread.php?t=1725557


  3. @lggts

    صاحبة الموضوع
    وهووون السـوووفـرة*_*
    حيـاكم






















    وأخيـراً الورد للورد اللي مايحرموني من ردودهم دائمـاً






    محبتكم لـggتــس

تابعي تجارب أخرى من هذا القسم.