شاركي في النقاش

سجلي الدخول لإضافة تعليق.

التعليقات

2,230

  1. @mikomiko

    ام اياد: جزاكي الله كل خير واكيد لو الدكتور قالي امد اجازتي حمدها, المهم البيبي وبعده اي حاجة

  2. @rmal_8

    MIKOMIKO
    ام اياد: جزاكي الله كل خير واكيد لو الدكتور قالي امد اجازتي حمدها, المهم البيبي وبعده اي حاجة

    ايه ده ايه ده ... فى ايه يا بنات بس ايه اللى جرالنا .. الجزء ده ماله اتملى حزن ليه ...
    مالنا بس ما كنا احلى بنات فى المنتدى كله وكان كل المنتدى بيدخل يفك عن نفسه عندنا ...
    احنا اتحسدنا ولا ايه .. ده حتى الجزء ده سمعنا فيه اخبار حلوة ولسه منتظرين باقى الاخبار السعيدة ..

    بس اقول لكم على حاجه يمكن دى اللى مغيرة المود بتاعنا كلنا اليومين دول .. وقت تغيير الفصول فى ناس بتتأثر بده
    وتبدأ حالتها المزاجيه تتغير كتير وتتقلب 180 درجه
    وده طبيعى جدااا جدااا ومفيهوش حاجه
    انا شخصيا بيجيلى اكتئاب فى تغيير الفصول وبيعدى عليا ايام رخمه جدا بس اتعلمت انى اشغل نفسى فى الوقت ده علشان
    ما احسش بإنى مخنوقه او غيرة

    ولا ايه يا شوشو يا حبيبتى .. ولا اقللك مش هتكلم معاكى لانى فاهماكى وعارفه قد ايه انتى قويه وبتعرفى تتحكمى فى نفسك كويس جدا وبتعرفى تخرجى ازاى من الحاله دى وكمان متأكده انك هتخرجى منها احسن من الاول وهتخرجى منها محددة بالظبط خطتك .. ودى اكتر حاجه بتعجبنى فيكى ده طبعا بالاضافه لمميزات تانيه كتير فيكى ..

    وانتى يا ام اياد وماله يا حبيبتى لما تفكرى وترتبى للبيبى بتاعك .. ايه المشكله فى ده .. حتى الحلم مستكتراه على نفسك
    لا عيشى بالحلم لغايه ما ربنا يجعله حقيقه .. صدقى حلمك علشان يتحقق يا ام اياد .. لكن طول ما نتى بتفكرى فيه على انه بعيد هيفضل بعيد .. وطول ماحنا بنفكر ونشغل عقلنا صح هنقدر نحقق حلمنا لكن اننا نوقف مخنا علشان ما نفكرش ونتعب ده مش هيخلينا نطلع خطوة لقدام .. بس برغم اللى قلته لك ليا نصيحه تعليقا على كلامك .. اخرجى للدنيا ولو جالك فرصه عمل جيدة اوعى ترفضيها بالعكس الشغل يابنتى بيغير حياة الواحده بجد .. هيفرق كتير معاكى .. هيوسع عقلك ويزودك خبرات فى الحياة ويديكى القدرة على مواجهه الناس بشجاعه اكتر .. هيعلمك تعتمدى على نفسك وتتعلمى ازاى تنظمى حياتك وترتبى افكارك وعيشتك كلها .. الموضوع محتاج منك تجربى لما تجى لك فرصه

    يا جماعه الدنيا مش مستاهله كل ده تعالوا بينا نحاول نخرج شويه من المود الكئيب ده .. ونفكر هنعمل ايه لبكرة وننسى النهارده وامبارح .. نمسحه من عقلنا ومن حياتنا ده خلاص عدى وانتهى بكل اللى فيه .. تعالوا نفكر ونعيش فى بكرة واحلام بكرة واللى هنحققه فى حياتنا بأمر الله .. وبلاش نركز على نقطه فى وسط بحر خلينا ننوع فى تفكيرنا شويه ما يبقاش حياتنا بتلف حوالين محور واحد ..

    يابنات بجد لازم نحمد ربنا على حاجات كتير اوى موجوده فى حياتنا وربنا سخرهالنا ويسرهالنا .. والطب دلوقتى بقى فيه كــــــــــــل حاجه يعنى حلم اى واحده فينا بالامومه مش مستحيل مهما كان المانع .. حتى اللى عندهم مشاكل كبيرة وفاهمين الدنيا مستحيله بقول لهم لا .. الحل فى ايدكم .. مش محتاج مجهود خرافى .. يعنى خلاصه كلامى اننا نعمل اللى علينا ..
    ومتهيألى شفنا كلنا البنات اللى حملوا فى الملف قريب مفيش فيهم واحده قصرت فى حاجه كلهم عملوا اللى عليهم الاول وبعدين انتظروا النتيجه وكانت خير يا حبايبى .. فا خلينا نبدأ من جديد وكل حد فينا يشوف ايه الخطأ فى مشوار علاجه ويحاول يعالجه بسرعه ولو محتاج يعدل مسارة مفيش مانع وياخد موقف ويحدد بالظبط اتجاهه ويبدأ ينفذ .. وربنا كريم اوى ومعانا كلنا والله المستعان

    ربنا يارب يكرمكم ويحفظكم من كل سوء ويشفى نيفو يارب ويعافيها ويبارك فى صحتها ويشفي كل مرضى المسلمين
    وسامحونى ان كنت مش قريت كل المشاركات بتاعه البنات ومادرتش عليها وانا بعترف انه تقصير منى لكن ربنا اعلم ان انس عيان بقاله يومين .. والله انا دخلت لكم دلوقتى بأعجوبة ومتعرفوش كام مرة قطعت الكلام وانا بكتبه علشان اروح لانس .. بس ده لانى اخر مرة وعدتكم انى هكون معاكم وبصراحة لما دخلت دلوقتى مكانش فى نيتى اكتب حاجه قلت هقرأ بس ..لكن لما لقيت الدنيا بايظة كده قلت يمكن كلمه منى تخفف عن اى واحده فيكم ... علشان كده مالحقتش اقرأ اللى فايتنى
    وسلامى لكل البنات ..

  3. @almshtak_lmk

    لا تحزن إذا جاءك سهم قاتل من أقرب الناس إلى قلبك
    فسوف تجد من ينزع السهم ويعيد لك الحياة و الابتسامة


    لا تضع كل أحلامك في شخصٍ واحد
    ولا تجعل رحلة عمرك وجه شخص تحبه مهما كانت صفاته
    ولا تعتقد أن نهاية الأشياء هي نهاية العالم
    فليس الكون هو ما ترى عيناك


    لا تنتظر حبيباً باعك.. وانتظر ضوءاً جديداً يمكن أن يتسلل إلى قلبك الحزين
    فيعيد لأيامك البهجة ويعيد لقلبك نبضه الجميل


    لا تقف كثيراً على الأطلال.. خاصة اذا كانت الخفافيش قد سكنتها والأشباح عرفت طريقها
    وابحث عن صوت عصفور يتسلل وراء الأفق مع ضوء صباح جديد



    لا تنظر الى الأوراق التي تغير لونها وبهتت حروفها .. وتاهت سطورها بين الألم و الوحشة
    سوف تكتشف أن هذه السطور ليست أجمل ما كتبت
    وأن هذه الأوراق ليست آخر ما سطرت ويجب أن تفرق بين من وضع سطورك في عينيه
    ومن القى بها للرياح


    لا تكن مثل مالك الحزين هذا الطائر العجيب الذي يغني أجمل الحانه وهو ينزف
    فلا شيء في الدنيا يستحق من دمك نقطة واحدة
    إذا أغلقت الشتاء أبواب بيتك
    وحاصرتك تلال الجليد من كل مكان
    فانتظر قدوم الربيع وافتح نوافذك لنسمات الهواء النقي
    وانظر بعيداً فسوف ترى أسراب الطيور وقد عادت تغني
    وسوف ترى الشمس وهي تلقي خيوطها الذهبية فوق أغصان الشجر
    لتصنع لك عمراً جديداً وحلماً جديداً .. وقلباً جديداً
    إدفع عمرك كاملاًًًًًًًًًًًًًًًًًًًًًً لإحساس صادق وقلب يحتويك

    لا تسافر الى الصحراء بحثاً عن الاشجار الجميلة .. فلن تجد في الصحراء غير الوحشة
    وانظر الى مئات الأشجار التي تحتويك بظلها
    وتسعدك بثمارها .. وتشجيك بأغانيها


    لا تحاول أن تعيد حساب الأمس
    وما خسرت فيه .. فالعمر حين تسقط أوراقه.. لن تعود مرة أخرى
    ولكن مع كل ربيع جديد سوف تنبت أوراق أخرى
    فانظر الى تلك الأوراق التي تغطي وجه السماء
    ودعك مما سقط على الأرض فقد صارت جزءاً منها
    إذا كان الأمس ضاع .. فبين يديك اليوم
    وإذا كان اليوم سوف يجمع أوراقه ويرحل
    فلديك الغد.. لا تحزن على الأمس فهو لن يعود
    ولا تأسف على اليوم .. فهو راحل
    واحلم بشمس مضيئة في غدٍ جميل
    إننا أحياناً قد نعتاد الحزن حتى يصبح جزءاً منا
    ونصير جزءاً منه.. وفي بعض الأحيان تعتاد عين الإنسان
    على بعض الألوان ويفقد القدرة على أن يرى غيرها
    ولو أنه حاول أن يرى ما حوله لاكتشف
    أن اللون الأسود جميل .. ولكن الأبيض أجمل منه
    وأن لون السماء الرمادي يحرك المشاعر والخيال
    ولكن لون السماء أصفى في زرقته
    فابحث عن الصفاء ولو كان لحظة
    وابحث عن الوفاء ولو كان متعباً و شاقاً
    وتمسك بخيوط الشمس حتى ولو كانت بعيدة
    ولا تترك قلبك ومشاعرك وأيامك لأشياء ضاع زمانها
    وإذا لم تجد من يسعدك فحاول أن تسعد نفسك
    وإذا لم تجد من يضيء لك قنديلاً .. فلا تبحث عن آخر أطفأه
    وإذا لم تجد من يغرس في أيامك وردة
    فلا تسعى لمن غرس في قلبك سهماً ومضى ....

    ان شاء الله تعجبكم الخاطرة دي انا بحب المطالعة كتير جدا ولما قريتها قلت احطها للبنات
    استمتعو بيها

  4. صباح الخير علي احلي تجمع في الدنيا

    شوشو
    انا مبسوطة اوي انك رجعتي علي طول وكلامك عجبني اوي وعلي فكرة انا والله بتعلم منك من غير ما تعرفي
    وبحاول اكون منظمة في تفكيري وتخطيطي ، فالحمد لله انك قدرتي ترجعي وتحددي اخطاءك والطريقة اللي هتصححي بيها اي خطأ
    وربنا معاكي يا رب ويحققلك كل ما تتمني

    أوشي
    ما شاء الله لا قوة الا بالله
    ربنا يحميهم يا رب وان شاء الله العملية تعدي علي خير ويحفظ الباقيين

    ميكو
    ربنا يكملك بخير يا رب يا حبيبتي وتفرحي بشوفة ابنك او بنتك في حضنك يا رب

    أم أياد
    طبعا انا مش هقول اكتر من الشوشو قالتة بس انا عايزة اقولك ان كلنا تقريبا بنعمل اللي انتي بتعمليه ده بس كل واحد علي حسب الظروف المحيطة بيه ، بس انا من فترة كدة كبرت دماغي وقلت انا هتعامل عادي جدا ومش هخلي بالي من حاجة وربنا لو رايد ان الحمل يحصل هيحصل ولو رايد انه يثبت هيثبت حتى لو انا بتنطط وبجري
    لأن معظم اللي اعرفهم وحملو علطول بعد الجواز قبل ما يعرفو انهم حوامل كانو بيتعاملو عادي جدا جدا ومحصلش حاجة وبدأوا يخلو بالهم بعد ما عرفو
    يعني عيشي حياتك وقضي حياتك كلها كأنها شهر عسل وصدقيني ربنا هيكرمك قريب اوي ان شاء الله
    وانا بدعيلك انتي وكل البنات في صلاتي دايما ودايما بفتكرك والله

    ريمو
    سلامة أنوس ألف سلامة واحنا مقدرين موقفك ومش بنزعل منك
    خلي بالك منه وبلما تفضي ابقي طمنينا عليكي

    أم أنس
    مال الجهاز يا قمر بس
    ان شاء الله يتزبط علشان احنا محتاجينك معانا دايما

    فاطمة
    ربنا يثبت اجنتك يا رب وتفرحي وتفرحينا بخبر حملك قريب جدا ان شاء الله

    اوكسي
    اخبار التنشيط ايه ربنا يكملك بخير يا رب

    مسلمة وزينب
    انتو فين بقالكو كتيير مش باينين ، ان شاء الله تكونو كويسين يا رب

    نيفو
    سلامتك الف سلامة ويارب ترجعلنا قريب بقة لحسن وحشتينا خالص

    سارة وماما
    ربنا يسمعنا عنكم كل الخير يا رب

  5. @ashtkt_alyk

    مشمشة....
    جميلة أوي الخواطر ديه....و طبعا مش بعيدة عليك يا فيلسوف الملف.....ربنا يبارك فيكى يا قمر...

    توتا....
    أشكرك على كلماتك الجميلة.....ربنا يخليكى ليا....أنا باحبك كتير جدا......و على فكرة أنا كمان معجبة بخطواتك و نظامك و هدوئك كمان ما شاء الله......و ان شاء الله ربنا مش هيضيع تعبك أبدا....
    عارفة أكتر حاجة فرحتنى فى كلماتك إنك فهمتينى....و شفتى بوضوح إن الكلمات ديه بتوصف مشاعر فاتت....و إن مش مقصود منها وصف أحزان نعيش فيها بقدر ما هو الاعتراف اننا كنا زعلانين و البحث عن سبب علشان نعالجه و نبقى أحسن من الأول...

    رمال.....
    ألف مليون سلامة على أنوس حبيب قلبى.....خلى بالك منه أوي يا حبيبتى و من نفسك كمان....
    ربنا يعدي الأيام ديه و يقويكى و يباركلك فيه....
    و طبعا لو سبت نفسى للتعليق على كلامك فهاكتب صفحات....لانى فعلا باحب كلماتك و طريقة تفكيرك...و باحس فعلا إنك قريبة منى اوي....
    عجبتنى أوي ملحوظة تغيير الفصول ديه.....و تصدقى أنا فعلا بابقى فى مود رخم أوي لما باحس إن الشتا بيهل...
    و طبعا هاقول تانى متقلقيش عليا...لانى طالما اتكلمت و بالوضوح ده يبقى معناه ان اللى باقوله خلاص عدي و فات..و تم تنفيذ المطلوب كمان .....و على فكرة أنا الحمد لله باكمل علاجى و مستمرة عليه و باعيد التنشيط تانى الشهر ده....

    و أخيرا أنا آسفة يا بنات....واضح إن كلماتى و الحالة اللى فاتت ديه عملت جو كآبة أنا شخصيا باكرهه فى التجمع.....بس بجد سامحونى...انا لأنى باحبكم....حبيت أكون واضحة معاكم أوي....وافتحلكم قلبى زي ما دايما باطلب منكم إن كل واحد يفتح قلبه و بفضفض.....

    المهم ...نسيبنا فعلا من الكآبة....و صباحكم زي الفل

تابعي تجارب أخرى من هذا القسم.