طريق الامل ( خبرات متبادلة حول مراكز العقم فى مصر ) الجزء السادس

أم إياد....
إوعى تانى تقولى صدعتينا و لا الكلام الغريب ده....اتكلمى براحتك و لو عايزة تجيبى ميكروفون كمان هاتى...
بس طلعى اللى فى قلبك و فضفصى....و احنا سامعين و فاهمين و حاسين....
طبعا أنا للمرة ال 100 آسفة إن كلماتى فتحت جروح كتير كانت مقفولة.....أو كان بيتهيألنا إنها مقفولة....
و لما قلتلك إنى حاسة بحزن...أنا مش بالومك.....انا فعلا حسيته واضح فى الكلمات جدا....و ده وجعنى....
مش عارفة أقولك إيه.....بس أنا حسيت بشخصيتك المرحة ديه لما دخلتى معانا....
فحاولى ترجعيلها تانى....حتى لو كان باي تجديد بسيط..أو بطرد الأفكار السلبية و عدم محاولة التفكير فيها.....
طبعا أنا عارفة إن ده مش سهل....و عارفة إن المشاعر ديه ممكن تنام و تيجى فى لحظة حاجة بسيطة أو موقف صغير يفجرها....
لكن انا نفسى نحاول بس إننا منسيبهاش تسيطر علينا كتير ....و لا تطول معانا....

و أخيرا...واضح إنك كمان حددتى سبب حزنك...و هو مشايه لي شوية...و هو إن الواحد وقف حياته و بعض خططه لاجل هدف تانى بيجري وراه.....و لحد هنا احنا راضيين عن الخطوة ديه....
فاضل بقى إننا نسعى علشان منحسش الاحساس ده تانى....يبقى تشوفى لو وقفتى علاجك ترجعيله.....ولو اتعرض عليكى شغل كويس اقبليه...و لما ربنا يكرم يا ستى ابقى سيبيه...ولو عايزة تعملى أي تجديد فى بيتك أو حياتك توكلى على الله.....كده هتحسى إنك مش موقفة حياتك....و الأموى هتتظبط بأمر الله يا قمر...

صباح الخير يابنات .... نهاركم نادى وفل .... وصباح التفاؤل واللى متضايق يفكها بقى علشان مبنحبش النكد الأسرى:angry2:

دى كانت المقدمة واليكم الأنباء بالتفصيل


اولا : دعاء جامد قوى لحبيبتنا نوفى ربنا يشفيها يارب وترجعلنا بألف سلامة ...علشان الملف دمه تقيل من غيرها..

ثانيا : بالنسبة للبنات اللى بيغتصوا ويرجعوا وبوزهم شبرين زى اشتقت اليك .... يابنتى مافيش حاجة تستاهل والواحد ياما دقت على راسة طبول ومش معنى ان فيه ابتلاء يبقى الواحد مقصر مع ربنا .... احنا طبعا عارفيين ان الكمال لله وحده واحنا بنعمل على قد ما نقدر ونحاول نصلح نفسنا ... ومحاسبة النفس كويسة وماحدش ينكر فوايدها بس متوصلش للجلد وماتسببش أثر سىء لنفس الواحد ... المحاسبة للنفس المفروض الغرض منها نشوف احنا مقصرين فى ايه ونصلحة مش ان احنا نلوم نفسنا لحد ما نكتئب ...

وبعدين يابنتى ما الواحد اتهرى تنشيط وابر تفجير وبرده الدورة بتيجى وكررت التلقيح الصناعى 4 مرات وبرده مافيش نصيب ... لازم يكون ايمانك بربنا يخليكى تثقى فى اختياره ليكى ... بإذن الله ابنك حيكونله اخت عن قريب بس متستعجليش ده ... وهو حييجى فى الوقت الصح اللى ربنا عايزه ... احنا اللى فى ادينا نعمله
1- ناخد بالاسباب
2- يكون يقينا بربنا كبير
3- كثرة الدعاء مع تحرى اوقات الاجابة ( الساعة الاخيرة من يوم الجمعة قبل المغرب - وقت السجود - الثلث الاخير من الليل - عند الافطار - بعد الأذان )
4- لو قدرنا نعمل عمرة ( عند رؤية الكعبة دعاء مستجاب - عند الملتزم - بعد شرب زمزم )
5- كثرة الاستغفار ليها مفعول السحر
6 - الصبر وعدم الضجر من تأخير تلبية الدعاء ( يستجاب لأحدكم مالم يعجل .... يقول دعوت ولم يستجب لى )
7- قراءة جزء من القرآن يوميا

واحنا اللى كسبانين فى الآخر حتى لو مش نصيبنا نخلف ... احنا صنعة ربنا وهو ادرى بينا ... عمرك سمعتى عن شاشة عادية بتعترض على صانعها علشان معملهاش فلات ?? ...

ثالثا : المشتاقة لمكة ... سلامى ليكى ياحبيبتى واشكرك جدا على كلامك اللى بينقط غذاء ملكات

رابعا : توتا ... ازيك ياحبيبتى ربنا يكرمك ويقر عينك بالذرية الصالحة ...بالنسبة لسؤالك انا خلصت لستة الابر اللى عطهانى الدكتور وريحالة بالليل علشان يشوف حنعمل ايه تانى

خامسا :رمال ايه ياحبيبتى ماله انس ... شكلك كده مهمله ومش بتخليبالك منه ... هو احنا نعمل اللالى علشان نجيب العيال بعد كده نسيبهم يعيوا ... خاى بالك منه واحرصى انك تديله حاجات طبيعية تقوى المناعة زى العسل وحبة البركة وحبوب زيت كبد الحوت علشان يقوى ومايعياش تانى ... وتعملى منه حجة كويسة تغيبى بيها عننا

سادسا : سلامى لأم انس اللى مش بتدخل بنتظام تمضى عندنا فى الملف ... شكلك حنلغيلك الحوافز ... يلا شدى حيلك نفسى تجيلنا بخبر كويس وتفرحينا

سابعا : مها انتى غطستى انتى كمان ... ياستى ادخلى كلمينا وونسينا حتى لو لسه مارحتيش لدكتور عادل نحب نسمع صوتك

ثامنا : شيملاتا اسمك بيفكرنى بالشيكولاته ... انتى احلى منها كمان ... ربنا يارب يكرمك ويرزقك قريب بالذرية الصالحة يارب

تاسعا : أم اياد مسك الختام ... ياريت بقى تطلعى من مووود الكئابة اللى النتى فيه وتضحكى وكل شىء حيبقى تمام يافندم

باقى البنات .... سلامى ليكم كلكم وبحبكم اكثر من البتزا كمان

good morning girls how are u i missed u so much how is nevoooooo now i am worry about her

how are u ya am ans l missed u so much and all of the girls