طريق الامل ( خبرات متبادلة حول مراكز العقم فى مصر ) الجزء السادس

السلام عليكم

ازيكم

انا عايزة اعلق على مشاركات كتير والله

بس ربنا اعلم انا حالتي ايه

مش مركزة خالص

انا عندي خبر هيفرح مشمش وشوشو
انا راسلت الدكتور عادل
وكنت متأكده انه هيرد عليا ومش هيرفض يتابعني
والحمد لله ده حصل فعلا

بعد ما عدت علي ايام صعبة

بعد ما شفت بعيني المجردة الاندوميتريوزيس

ربنا يسامح الي كان السبب في تعطيل علاجي وتطور الحالة

انا مسامحاهم ومش زعلانة منهم

هاجي تاني اكمل

أم مريم....
يا رب يا حبيبتى تكون كل أمورك زي الفل....بس حاولى تسألى دكتور و ابعدي عن بالك حكاية التشاؤم ديه...و ان شاء الله ربنا هيجيب كل الخير

أحلام بسيطة....
أهلا بيكى معانا....و ي ريت تقوليلنا ابنك عنده كام سنه...ربنا يحفظهولك يا قمر...
بصى يا ستى...موضوع الأنيميا ده لازم تسألى فيه دكتور علشان يوصفلك علاج مناسب و طبعا تخلى بالك من صحتك و تتغذي كويس...و متقلقيش من ارتفاع كرات الدم البيضاء...متهيألى بيبقى سببها بسيط...برده يفضل ان الدكتور هو اللى يطمنك و لو فيه علاج تتوكلى على الله و تاخديه....

أنا بالنسبة لتحاليلك....فمتزعليش منى...التحاليل ديه بتقول ان فيه مشكلة...ممكن ميكونش حد وجهك ليها قبل كده و تكون هى السبب اللى أخر حملك يا حبيبتى....
و هى ببساطة ان ال LH لا يجب ان يرتفع باي حال من الأحوال عن ال FSH.....و بالتالى ده معناه للأسف تكيس مبايض...
أنا باقولك كده لانى أنا نفسى عندي نفس المشكلة بس الحمد لله باتعالج صح من شهور....و هاقولك على المطلوب منك....
1- أخذ عقار الميتفورمين
2- تفقدي أي وزن زائد اكتسبتيه فى الفترة اللى فاتت
و انا كنت قريت إنك بتاخدي حبوب منع الحمل....و قريت قبل كده انها برده مفيدة فى علاج التكيس...فحاولى تسالى الدكتور بتاعك لو هى لوحدها كفاية و لا لازم تاخدي الميتفورمين برده....

و أخيرا لو نويتى تعملى أشعة الصبغة...توكلى على الله علشان تبقى خلصتى كل فحوصاتك....و طبعا هتسمعى عنها بلاوي...لكنها عادية زي أي تجربة...طبعا لا تخلو من بعض الألم...لكنه محتمل...و مبتاخدش أكتر من ربع ساعة.....أنا شخصيا عملتها فى كايرو سكان و كانوا كويسين جدا...و كمان فيه متاح إنك تعمليها ببنج...

uk