شاركي في النقاش

سجلي الدخول لإضافة تعليق.

التعليقات

2,230

  1. والناس اللي غايبة
    ربنا يطمنا عليكو
    وترجعو تونسونا وتحببونا في الدنيا بطلتكم علينا
    عايزين حد يطمنا على نيفو
    انا ملحقتش اشوفها مرتين على بعض في المنتدى يا جماعة
    حد يتصل بيها ويطمنا

  2. @ashtkt_alyk

    يا بنات....مش ملاحظين ان مسلمة مختفية بقالها فترة.....
    أنا قلقانة عليها كتير ....هى كانت قالت انها هتروح للدكتور بعد العيد لتحديد ميعاد الولادة....
    اللى يعرف عنها حاجة يطمنا عليها....ربنا يكتبلها كل الخير يا رب...

  3. @ashtkt_alyk

    دودو
    ....ربنا يا حبيبتى يديكى أحلى أخوات لجوجو.....و كلنا بنجتهد و محدش عارف مين عند ربنا أحسن من مين.....ادعى بقلب واثق من الإجابة و إن شاء الله ربنا كريم....

    زينب.
    ..كنت لسه هاسأل عليكى أنتى و مسلمة بس لقيتك ظهرتى...الف حمد الله على سلامة جوزك....و إن شاء الله ربنا يفرح قلبك قريب جدا....

    مها....
    أنتى لسه مش مرتبة خالص فى علاجك يا جميل...
    أولا...البرولاكتين ممكن يتعمل فى أي وقت ...يعنى ممكن تعمليه مع البروجسترون...
    لكن الباقيين fsH , lh لازم يتعملوا فى أول أيام البريود...يعنى التانى أو الثالث أو حتى الرابع....

    و ثانيا....يا ريت لما تحبى تعرفى ان البرولاكتين نزل و لا لا...تبقى تعملى التحليل و متكرريش الغلطة بتاعة كل مرة....و فيه كام ملحوظة مهمين كنت عايزة أقولهملك بخصوص الهرمون ده...بس قبل أي شئ متاخديش أي علاج إلا باستشارة طبيب...ده جسمنا...مش لعبة...
    - أولا الدوبرجين ده متهيألى إنه ضعيف و بطئ أوي...و لو رحتى لأي حد بيفهم شوية هيغيرهولك فورا....
    - من الأرقام اللى كتبتيها قبل كده للتحاليل كان واضح ان فيه تكيس للمبايض...و ده ساعات بيكون سبب فى رفع الهرمون ده...فبالتالى طالما ناوية تحملى يبقى المفروض تاخدي حاجة تنزل الهرمون الأول و بعدين حاجة تانية تحافظ على مستواه ثابت لحد ما يحصل حمل بأمر الله.....و دول برده لازم دكتور اللى يكتبهملك و بلاش تاخديهم من نفسك)
    - و أخيرا قوليلى...انتى ليه عايزة تعيدي التحاليل ...و ليه مش واثقة فى النتائج.....

    ربنا يا حبيبتى يوفقك للى فيه الخير

  4. @almshtak_lmk

    مساء الانوار والافراح والناس الملاح
    يادي النور يادي النور
    الاكسيجين رجع تاني للتجمع
    حزغرت بس والله ماعرف واخلي دي تزغرت في مكاني
    :icon28::icon28:
    زوزو ربنا يشفي جوزك وترجعلنا قريب جدا وحبلغ طماطم باللي قلتيه
    مها وحشتينا
    دودو ربنا يخليك ليا ومايحرمنيش منك ابد والله محتسبة عند ربنا وحبى محتسبة حتى اخر يوم في حياتي
    وانا اشهد الله اني بحبك في الله

  5. @almshtak_lmk

    ام انس 2006
    السلام عليكم ازيكم انا عايزة اعلق على مشاركات كتير والله بس ربنا اعلم انا حالتي ايه مش مركزة خالص انا عندي خبر هيفرح مشمش وشوشو انا راسلت الدكتور عادل وكنت متأكده انه هيرد عليا ومش هيرفض يتابعني والحمد لله ده حصل فعلا …
    والله ماقدرتش اعبرلك عن فرحتي يا ام انس انا متاكده من انك اتخذت الخطوة الصح
    ازاي مشمش ماتفرحش دي حتطير من الفرح والله وزي شوشو ماقالتلك د.عادل امين ومخلص
    واكيد انو حيرد عليك وحيوجهك للعلاج
    وربنا يرزقك ونفرحلك كلنا يارب يارب يارب

تابعي تجارب أخرى من هذا القسم.