شاركي في النقاش

سجلي الدخول لإضافة تعليق.

التعليقات

2,230

  3. @ashtkt_alyk

    مشمشة....
    أنتى اتظلمتى معايا اليومين اللى فاتوا دول....لانى كان نفسى أرد رد مفصل على المشاركة الكبيرة اللى انتى كتبتى فيها تفاصيل خطواتك الخاصة بالعملية.....لكن ملحوقة...أذاكر بس و أرجعلك...

    و بالنسبة للتحاليل...كويس أوي إنك سألتى الدكتور عادل (بجد ربنا يجازيه كل خير....أنا قررت أسميه الطبيب الرسمى للتجمع...)...
    و كده يبقى شكك طلع فى محله...و المعمل ده مش هاقول عليه غير الكلمة اللى أنتى دايما تضحكى عليها.....

    عموما الحمد لله إننا لسه فى الوقت المناسب لاعادة التحاليل.....علشان منخسرش شهر...و يا رب يا مشمش تطلع التحاليل زي الفل و لا يبقى فيها تكيس و لا غيره ....(بدل ما تيجى تقعدي جنب أخواتك على الدكة....)

    ربنا يكرمك يا قلبى

  5. @ashtkt_alyk

    أم أنس.....
    يوصل إن شاء الله يا قمر....أنا فعلا لما كلمت نوفى آخر مرة زعلت جدا لأنها كانت فعلا تعبانة أوي.....ربنا يزيح عنها و يشفيها و يرجعها لينا بالسلامة.....بس بصراحة بقالى كام يوم مش عارفة أوصلها لانها اليومين دول عند والدتها بسبب زواج أخوها....

    وزة....
    ربنا يا حبيبتى يجازيكى كل خير على السؤال و ميحرمنيش منك أبدا.....هو أنا الحمد لله أحسن كتير من الفترة اللى فاتت ...لأنى بدأت أريح نفسى شوية....المشكلة كلها كان إن كل أنشطتى على مدار اليوم محتاجة تركيز جامد و مرهقة لعينى جدا...ده غير إنى باقعد كتير على الكمبيوتر و مهمله و مش باستعمل النظارة.....ده غير قلة النوم (و محدش يقول تفكير...) ده بسبب إن نومى خفيف جدا و طبعا لو حد قلقنى يبقى يلا السلام....و أخيرا و ده اللى هيخليكى تضحكى....إنى لما قررت أوقف الدايت بسبب وصولى لوزن مرضى....لقيت إنى فقدت شهيتى للأكل تماما...و أقل كمية تسببلى كركبة فى معدتى..و بالتالى لازلت بافقد وزن تانى حتى هذه اللحظة.....من الآخر تقدري تقولى إن ديه أمراض شيخوخة...(إوعى تقولى لنيفو لتيجى تقطعنى)....

تابعي تجارب أخرى من هذا القسم.