طريق الامل ( خبرات متبادلة حول مراكز العقم فى مصر ) الجزء السادس

ام انس
بجد انا عايزة اعمل لك حفله كبيرة .... يااااااااااااااااه من زمااااااااااان نفسى تمشى صح مع دكتور صح
والحمدلله انتى كده حطيتى رجلك على او طريق العلاج المظبوط .... والله فرحت جدااااااااااا مش قادرة اوصف لك
حاسه ان خلاص الدنيا هتتظبط عندك .. كان دايما الكورنر بتاعك حزين وكئيب .. اخيرا خرجتى من قوقعتك
والله حاسه انى هسمع عنك خير قريب جدااااااااااا .. وتابعى معانا الله يكرمك ومن هنا ورايح بلاش غياب
لو كانت طمطم هنا مكانتش عدت الحدث السعيد ده من غير اضواء المدينة اللى بتعملها لنا

مهــــا ...
ازيك يا حبيبتى .. يارب تكونى بقيتى كويسه دلوقتى بعد ما حددتى بالظبط هتعملى ايه .. على فكرة حظك دايما معايا مش مظبط مش عارفه ليه .. اول ما رجعت بعد العمليه كتبت لك مشاركه مخصوص طويله عريضه لما مكنتيش لسه ظبطى امورك وقلت لك فيها كلام كتير بس طااااااااااااااار للأسف .. فا ان شاء الله هتابع معاكى انا والبنات والمهم انك بدأتى تواظبى على العلاج الصح وربنا يكرمك يا جميل

ميكو موكا ..
حبيبتى فرحتينى بالواد اللى كل شويه يديكى ظهرة ده .. بكرة انتى اللى هيبقى نفسك تديله ظهرك وتنامى شويه مش هتعرفى يا قلبى ..لو سمحتى بقه خلى بالك من نفسك وكلها الشهر ده وهتبقى تمام ومش هتحسى بأى وجع ولا حاجه وربنا يكمل لك على خير يا سكر ..

بتانور حبيبتى ..
اخبارك ايه يا حبيبة قلبى .. انتى وحشتينى جدا والله ووحشنى الكلام معاكى .. يالا تعالى لنا شويه .. ربنا يطمننا عليكى

توتا تويتى ..
ربنا يجزيكى خير على سؤالك عنى .. مفيش مرة اغيب فيها الا وتكونى من الناس اللى دايما تسأل حتى لو غبت قد ايه برده بتسألى ,, بجد ربنا يكرمك ويكمل لك العمليه على الف خير .. بس قولى لى انتى وصلتى لفين دلوقتى ؟؟ اصلى بقالى فتره مش بتابع وعايزة اطمن عليكى علشان ابدأ اتابع تانى

خامسا :رمال ايه ياحبيبتى ماله انس ... شكلك كده مهمله ومش بتخليبالك منه ... هو احنا نعمل اللالى علشان نجيب العيال بعد كده نسيبهم يعيوا ... خاى بالك منه واحرصى انك تديله حاجات طبيعية تقوى المناعة زى العسل وحبة البركة وحبوب زيت كبد الحوت علشان يقوى ومايعياش تانى ... وتعملى منه حجة كويسة تغيبى بيها عننا

شكرا على كلامك يا اوكسى

مشمشة ازيك يا مشمشاية عامله ايه ..
بصى يا قلبى
لما تكونى شاكه فى النتايج تجرى على طول تعيديها فى معمل تانى وتقارنى النتيجه ... وعلى اساس التحليل الجديد نحدد ايه اللى هيتعمل وطبعا مش هقول لك تعملى ايه لانك زى ما قلتى التلميذة النجيبه لدكتور عادل وان شاء الله ميكونش فى حاجه يا حبيبتى
وانا مستنياكى تبلغينا بالاخبار يا حبيبتى

زينب ... زوبـة ..
ازيك يا قمر .. اخبارك تفرح يا حبيبتى ,, والف حمدالله على سلامة زوجك وربنا يخليه لك ويبارك فيه .. واهه خلاص مشاكلك بتتحل وهتنتهى على خير بأمر الله ..يالا انتى شدى حيلك بعد التنشيط وربنا يكرمك يا قلبى
وبالنسبه لطمطم .. انا هقول لها وهبلغها سلامك الجامد الشديد ده يا حبيبتى وعلى فكرة الرؤيه اللى شفتيها ان شاء الله ليكى انتى كمان .. اكيد دى بشره خير ليكى الشهر ده تفائلى يا قلبى واحسنى الظن بالله

دودو .. ربنا يكرمك ويرزقك الذرية الصالحه ويرزقك اخ لجوجو يارب

مسلمة .. حبيبتى انتى فين .. طمنينا عليكى مينفعش كده

شيمولاتا ..
حبيبتى انا مبسوطة انك رجعتى تبدأى من جديد وهتودعى اللخبطه اللى كنتى فيها .. وبرافو عليكى ارجعى خدى الميتفورمين تانى والله يا جماعه التكيس مش مشكله ابدا طول ما فى اراده
لو وزنك عايز ينزل نزليه دول 8 كيلو زى ما بتقولى يعنى تارجت مش بعيد وسهل اوى تنزليهم فى شهرين على الاكثر
وبالنسبه للعلاج طالما دكتور عادل قال لك الجرعه قليله يبقى زوديها واسأليه فى ميل عن الجرعه المظبوطه وعن كل استفساراتك متعمليش حاجه من نفسك
والله انتى لو شديتى حيلك شهر واحد بس فى الدايت وظبطتى علاجك هتحسى بنتيجه هتفرحك وهتخليكى تستمرى لحد ما ربنا يكرمك يا حبيبتى بس انتى شدى حيلك واسعى واعملى اللى عليكى .. وربنا يوفقك يا شيمو

نيفووووو ..
الف مليون سلامه يا قلبى والف مبروك لاخوكى ويارب عقبال ما تفرحى بأولادك وتشوفيهم عرايس وعرسان يارب
وحقيقه مقدرش انكرها ابدا .. الملف من غيرك متغير تماما
انتى النسمه اللى بتلطف الجو دايما بدمك الخفيف

واخيرا بقه لاحسن انا صدعتكم .. زمانكم بتقولوا ايه اللى رجعها تانى دى ماكنا خلصنا منها من زمان ..
عايزاكم معايا نخلص فى الدعاء بجد لكل البنات اللى بيعملوا عمليات دلوقتى لانهم احوج الناس لدعائنا
سارة وماما وطمطم وتوتا تويتى .. وبالاخص ماما لان امورها مش تمام للأسف ..
وكمان ندعى للبنات اللى بيتابعوا تنشيط .. شوشو وزوبه ..
ربنا يكرمكم ويرزقكم الذرية الصالحه ويبارك فى مجهودكم ويرزقكم الصبر لانى عارفه الموضوع ده بيخلى صبر الواحد ينفد فعلا .. ربنا يعينكم
وسلامى لكوكر ولمميزات كتيييييييير اوى