طريق الامل ( خبرات متبادلة حول مراكز العقم فى مصر ) الجزء السادس

زوزة .. الله يسلمك يا حبيبتى .. وهى ولا متأخرة ولا حاجه يا قلبى .. انا مقدرة ظروفك تماما وعارفه اللى بتمرى بيه
وبدعى لك يارب يكتب لك الشهر ده الحمل ويفرح قلبك انتى وكل البنات يارب .. والله انا حاسه ان ربنا كريم وهييسر لك امورك وهتشوفى .. بس تفائلى بالخير واحسنى الظن بالله

اوشى يا حبيبتى مش عارفه مش مرتاحه لمشاركتك انتى تعبانه يا قلبى ولا لسه مدايقه ولا ايه ؟؟؟؟؟ انتى قلقتينى على فكرة

مشمشة .. بصى يا قلبى لو الاتنين المعملين وحشين وعلى درجه واحده من السوء اكيد هيختلفوا فى النتيجه والاختلاف ده هو اللى هيحدد النسبه الاصح فيهم .. وعلشان ده كويس انك عدتى التحليل تانى والتناقض اللى بين النتيجتين هو اللى هيوضح الصح فين .. احيانا التناقض بيكون مؤشر يوجهنا ناحيه الصح .. لان النتيجه الاصح فيهم والاقرب للمنطق هى اللى هناخد بيها يا حبيبتى .,..
وانا عارفه انه بيكون موقف صعب لما تفقدى الثقه فى المعامل اللى فى ولايتك .. لكن هو ده المتاح للأسف ولازم نسلم بالنتيجه مهما كانت بس الاهم انها تكون منطقيه .. يعنى النتيجه اللى حكيتى عنها دى تربك العقل حقيقى لانها بعيدة عن الصحه كل البعد .. عموما لما تجيبى النتيجه مش هوصيكى طبعا بلغينا بيها بعد ما تبلغيها اكيد لدكتور عادل .. وياريت تعرفينا رأى دكتور عادل فى النتيجه بعد ما تاخدى رأيه

اوكسى .. ربنا يكرمك ويرزقك الذرية الصالحة يا ستى علشان ما تاخديش على خاطرك تانى وبعدين انا مكنتش اعرف انك هتعملى حاجه الايام دى لان زى مانتى عارفه مش بدخل كتير
عموما ربنا يوفقك

السلام عليكم ورحمة الله وبركاته

ازيكم يابنات

رمال يا حبيبتي حمالله على السلامة
الحمد لله انك قمتي بالسلامة ورجعتي تشاركي تاني معانا كنا محتاجينك والله

ربنا يكرمك يارب

شفتي خطوة العلاج الجريئة الي انا عملتها
المشكلة ان انا من ساعة ما رد دكتور عادل عليا وانا مخي تاعبني من التفكير
ربطت بين وجود الاندومتريوزيس عندي وبين حاجات كتير حصلت واعراض مكنش لها تفسير عندي ولا عند الدكاترة
وكلها تقريبا ظهرت مع بعض وهو وقت ظهر الاندو عندي
لأني لما عملت المنظار كانت لسة في بدايتها فبداية ظهور الاندو عندي تقريبا وقتها معروف

وكمان لما حسيت بتطور الاعراض وزيادتها برده اعراض تانية عندي زادت
انا خايفة اوي بس مش عايزة اتقل على الدكتور عادل بالايميلات