فيه حل للقدم اللي السواد فوق الاصابع ؟؟؟

أستغفر الله أكره شكل جلد قدمي , لمل ألبس صندل تقولون رجل مزارع ! أنا عكس الناس , من تحت ما عندي مشاكل , من فوق عندي سواد و خاصة على اصبع القدم الكبير , فوق المفصل للاصبع الكبير سواااااااااد كسواد الليل تقولون ركبة !! والله يمكن ركبتي ابيض ؟!!
أسوي بدكير , بس ما عندهم حل الا السكراب , و مع هذا ما في فايدة !
الله يوفقها اللي بتعطيني حل و تصير رجلي بيضاء و اقدر امدها قدام ابو العيال !!

18 تعليق 31,407 مشاهدة

شاركي في النقاش

سجلي الدخول لإضافة تعليق.

التعليقات

18
  1. @flh_oonash

    الله يخليك لابو عيالك

    ادهنى اصابعك فى فكس والبسي شراب وكررى هالعمليه اسبوعين او 3

    وكل ما جيتى تتروشين فركى اصابعك بليموووون
  2. @i_luv_sweets

    هلا أم حصه .. حبيبتي أعتقد هذا السواد من الله يعزج الجزم والصنادل وأشعة الشمس , لأن أنا كان فيني بعد .. المهم بقولج شتسوين
    -خذي ليمونه وافركيها عدل على أصابع ريولج واذا خلصتي خلي بقايا الليمون 10 دقايق عقب غسلي ريلج بماي دافي ,
    - استخدمي الاسكينول .. اختاري النوع اللي يعجبج وحطيه على قطنه أو فوطه بيضه صغيره وافركي فيها أصابع رجلج عدل
    - وسوي تقشير لأاصابعج , احلطي ليمون وملح وسكر خشن وشوية زيت لوز وافركي اصابعج فيهم بليفه وعقب اغسلي أصابعج
    - وكل ليلة رطبي رجلج قبل لا اتنامين , استخدمي الجليسوليد
    أنا استخدمت الليمون والاسكينول والسواد الحمدلله خف وااايد , جربي مب خسرانه
    خخخخ أحسن من الصالون
  3. @ryma_aldloaah

    حبيبتي انا كنت اعاني من سواد شديد على تحت الكوع اللي بالرجل سواد فضيع

    واستخدمت الليمون كل يوم افركه واخليه عليه نص ساعه واذا غسلت دهنته بفازلين ولبست شراب والله شهر والله رجلي بيضا بيضا ولا في ولاسواد والحمد لله ياارب ..
  4. @smt_algroh

    احسن شي تعملين لها تقشير كل أسبوع(فرك بمقشر للأقدام ويفضل المشمش) يعد ماتنقعينها بماء دافي وتنظفينها سوي تقشير وشددي على مناطق السواد وبالليل قبل ماتنامين ادهنيها بجلسرين سائل +ليمون لآنه مفعولة يرطب ويطري ويفتح لآن السواد هذا من الضغط حق الجزمة والجفاف

    شوفي هذا الموضوع يمكن ينفعك
    http://forum.hawaaworld.com/showthread.php?t=302677

تابعي تجارب أخرى من هذا القسم.