طريق الامل ( خبرات متبادلة حول مراكز العقم فى مصر ) الجزء السادس

أوكسى انا مش هقدر اجرب الحقن المجهرى السنة دى عالاقل لسببين اولا انى بتعالج من التكيس والحمل مع التكيس خطر لان صاحبتى عملت حقن مجهرى والجنين اجهض فى التالت بسبب التكيس ثانيا لان الحقن المجهرى تكلفته مرتفعه بالنسبة لى فى الفترة دى لكن انا كنت بشتغل وبحوش الحمد لله بس للاسف اما نزلت مصر اجازة رجعت لسه بدور على شغل جديد ادعيلى ربنا يرزقنى

غير كده انا بقيت حساسه من ناحية المصاريف عالأدوية ومصرة ان انا اللى ادفع تمن اى علاج لان جوزى الحمد لله سليم ومعندوش حاجه هوا طيب ومش بيعترض عالمصاريف بتاعتى لكن والدته ربنا يسامحها بتفضحنى عند الناس كلها ان ابنها بيصرف على علاجى حتى اما نزلت مصر كنت هعمل منظار وهوا كان هيدفع تمنه انا رفضت اعمله من كتر كلام مامته ربنا يسامحها ان شاء الله ربنا هيدينى من غير ماحتاج عمليات وعالعموم الحمد لله انا دلوقت معايا 9 الاف جنية يعنى ان شاء الله احوش السنة دى وانزل مصر اشوف هعمل ايه

ايه يا جدعان دا جوجو راحت المدرسة بصراحة هيا حتتجنن لو مرحتش مفيش خروج و نفسها تلعب مع اصحابها فراحت و ربنا يسلم , و بالنسبة ليا باذن الله تروح يومين و تقعد و خلاص لما الدنيا تبرد .

انا عندى هسهس جامد جدا انى عندى بطانة الرحم و مش عارفة , نفسى اروح للدكتور و اتكلم معاه و اساله , ربنا ييسر

عيا المشتاقة لمكة جابت التحاليل بتععتها و الا ايه ؟؟؟؟؟؟؟ عايزين نطمن

نيفو ........ الحلوة اخبارك ايه ؟؟؟؟؟؟؟؟

أنتم فين! الدنيا هس كده ليه