ابي حل زوجي وامة جننوني

السلام عليكم
ابقولكم الموضوع على طول هذا الله يسلمكم زوجي حكية واجد ماغير مكشر وينقد طول الوقت
وامة تحقنة تملي علية وتعبية وتدرسة
والله العظيم بشكل ممل يمكن تقولين تبالغين لاكن كل العائلة تعرف عنها انها تعبي راس عيالها كلهم محد منهم يقدر يقول لها لا
لدرجة حتى اليوم لما جوني اول ما دخلت قالت شف شغالتك ماسلمت علي قام يصارخ على الشغالة
يناس فية احد ينزل مستواة لشغالة
والله ياناس كل شي تعلمة تقول شف شغالتك وش لبست وش قالت لانها ماتبيني اجيب شغالة المشكلة اني جايبة الشغالة على حسابي وهم يدرون وهم ينتفون ولدهم تنتيف
يستخسرون اي شي يجيبة صار يخاف يشتري شي علشان مايحاسبونة والله العظيم انة مو مقصر معهم وكل العائلة تعرف كذا كل حريم عيالها يشتكون منها لدرجة اليوم يبي يرضيهم يقول ليتني ماتزوجت وجبت عيال علشان اوفر
و**** العظيم انقهرت دايم يكرر ها الكلمة يقول لو اني خليت راتبي لامي شوفو وش قد السيطرة
حسبي الله ونعم الوكيل
تكفون وش الحل اذا جا يتكلم ياناس يتكلم بافكار امة سبحان الله كني جالسة مع امة كل عيالها كذا والله ان حريم خوانة يتشكون
تكفون ساعدوني

18 تعليق 1,727 مشاهدة

شاركي في النقاش

سجلي الدخول لإضافة تعليق.

التعليقات

16
  1. @groh_mtalmh

    ام زوجك مو طبيعيه مافيه الا حل كسبي امه باي طريقه وبهدايا وابتسامات مزيفه ومجاملات مالها معنى صيري انتي اللي دقي قولي لها وش سويتوا كذا كذا اهي داريه خليها تسمع الخبر منك احسن وبعد ماتكسبينها ابداي بزوجك كسبيه شوي شوي يعني لعبي على الحبلين وكسبي زوجك بحركات الحريم انتي فاهمه علي زين وبعدها سحبي عليها اذا ضمني زوجك صيري بس تزورينها يعني تعملين الواجب فقط
  2. @om_7amod

    الله يعينج

    بس مالج الا الصبر

    وزوجج اكسبيه شوي شوي وترا سهل انقياد مثل هالشخصيات

    عاد هو معاج اكثر من امه عاد اشتغلي عدل وبيني له حبج لامه حتى لو مو صدق علشان تكسبين محبته

    وعليج بالدعاء ان الله يحنن قلبه عليج وع عياله ويسخره لج
  3. @am_rmo

    صاحبة الموضوع
    الله يعطيكم العافية ما قصرتوا
    لاكن المشكلة ماتعطينا مجال كل يوم تدق على عيالها وهم بالعمل حتى ساءلت حريم عيالها اهي تدق على ازواجكم قالو كل يوم
    يعني فاضية بالعربي وتحب تدخل في كل شي
    ومن النوع اللي تكذب عيني عينك
    تصدقون ماقدر اقولها انتي تكذبين والله ياناس تكذب علي وتقول زوجتك تقول كذا وكذا قدامي ماقدر اقول شي يعني معروفة من العائلة بالكذب
    واذا قلت امك تراها قالت عني هالسالفة وانا ماقلتها ولااحب اكذبها قدامك
    قال اصلا امي ماتكذب انتي اللي تكذبين وتنقلب السالفة علي

تابعي تجارب أخرى من هذا القسم.