طريق الامل ( خبرات متبادلة حول مراكز العقم فى مصر ) الجزء السادس

توتا تويتى ...
حبيبتى ربنا يكرمك يارب ويوفقك .. خلاص دخلنا فى الجد اهه وان شاء الله ربنا يحقق لك ما تتمنى
انتى انسانه طيبه جدا ومن الناس اللى حبيتهم اوى من غير ما اشوفهم .. ربنا يارب يكرمك فى العمليه وتبقى ثمرتها خير يارب

ام اياد ..
الحمدلله ان صحتك اتحسنت دلوقتى يا ام اياد .. انا اول مرة اشوفك فرحانه يا حبيبتى من يوم ما اشتركتى معانا فى الملف .. يارب اشوفك على طول مبسوطة وسعيدة واسمع عنك كل خير دايما يارب .. بس قولى لنا ايه الخطوة الجايه بقه .. هتستنى لما الموضوع ييجى طبيعى ولا هتختصرى الوقت ولا ناويه على ايه يا جميل

ام انس ...
مش هقول لك غير انك ما تفكيرش فى حاجه وماتقلقيش طالما انتى متابعه مع دكتور عادل .. ده انسان بيعرف ازاى يهتم بمريضاته برغم انشغالاته التى لا حصر لها .. فا ما تقلقيش اطمنى على الاخر وثقى فى الله

بوبا يا حبيبتى ..
حمدالله على سلامتك يا بنتى .. ايه يابوبا ما تغيبيش الله يكرمك بقه .. وبعدين بالنسبه لموضوع الدوفاستون يا حبيبتى بتختلف الجرعات من حد للتانى اعتقد .. وطالما انتى مش عارفه الجرعه ايه اوعى تاخدية عشوائى كده وبعدين ليه مش تتابعى مع دكتور عادل عن طريق الايميل علشان تتطمنى انك ماشيه صح وتبلغيه اول بأول بالتطورات اللى بتحصل وبأراء الدكاترة عندك وتسأليه عن اى استفسار ..
مش كده افضل علشان تبقى واثقه من خطواتك ولا ايه
ياريت تراسليه وتسأليه يا بوبتى
وطمنينى عليكى دايما مش هقوللك تانى

مشمشة يارب يا حبيبتى نطمن عليكى ونسمع عنك اخبار خير
انتى وصلتى لفين دلوقتى ايه نتيجه التحاليل اللى عدتيها
معلش انتى عارفه انا بقالى يومين مش دخلت

نووفىىىى .. حمدالله على سلامتك الملف كان بجد ناقصك .. مستنياكى ..ها

اوكسى ... ولا يهمك يا جميل انا عارفه انه هزار فى هزار وانا مخى كبير ما تقلقيش .. ويارب تطمنينا يوم الاتنين ويبقى التنشط والابر جت بفايدة ويكون اخر يوم للحقن ويارب ويتمم عمليتك على الف خير

اوشى ... ربنا يتمم لك على خير .. ريحى نفسك على الاخر يا قلبى
والغثيان ليه علاج كويس جداااااااااا بس بلاش حركات مفاجئه علشان ما تتعبيش

شيمولاتا ... طبعا اعملى المنظار لو مفيش سبب عندك واضح ... بس انتى قلتى انك بتتعالجى من التكيس ودى مشكله واضحه .. انتى حيرانه فى المنظار ليه لما فى سبب واضح للتأخير
عالجى التكيس اولا ووفرى فلوسك يا حبيبتى
وربها يهديلك حماتك يا بنتى الواحد خلاص مش عارف يعمل معاهم ايه مهما نعاملهم كويس مفيش فايدة
وربنا يكرمك فى شغلك الجديد يا رب

الهدى والنور .. ازيك يا حبيبتى
ام مريم .. انتى برده غطسانه كالعادة .. ماشى احنا بس يهمنا نطمن عليكى

اشتقت اليك ..
عامله ايه يا قمر اخبارك ايه .. وانوس عامل ايه
خلى بالك منه وانا بأيدك فى اللى عملتيه معاه تمااااااما
بس لازم تخليه ينزل ولو يومين بس فى الاسبوع المدرسه وانتى كملى فى البيت مفيش مشاكل ..

مسلمة .. ايه الغياب ده كله يا بنتى انتى فيييييين

سارة وماما ربنا يكمل لكم على خير
على فكرة يابنات ساره خلاص راجعه السودان بكرة وهترجع الانترنت تانى البيت علشان تبقى تطمننا ومعاد تحليلها كمان اسبوع
يارب ان شاء الله تكون حامل ونفرح كلنا بيها يارب
وبالنسبه لماما ماشيه فى التنشيط وربنا يكرمها يارب
بتانور وميكو ودودو ومها وزينب وباقى البنات بحبكم فى الله

حبيبة قلبى ياريمو ربنا مايحرمنيش منك ان شاء الله مافيش غياب تانى
انا سالت الدكتورة وقالتلى 5 ايام بس وابطله والمفروض امبارح كان اليوم الخامس وهستنى بقى اشوف ايه اللى هيحصل
وبالنسبة للدكتور عادل انا محرجة منه جدا ومكسوفة اتصل عليه لانى كنت فاكرة انى هنزل مصر على شهر 8 اللى فات عشان يعمل لى العملية بس زى ما انتو عارفين ظروف الشغل الجديد والاقامة خلتنى هنزل مصر يمكن على شهر 2 او 3 الجايين وبصراحة انا كنت موقفة اى حاجة فى موضوع العلاج على اساس انى هنزل واعمل العملية عند دكتور عادل بس الكيس حجمه مش قليل والدكتور هنا اللى تابعت معاه خوفنى انه ممكن يبوظ المبيض بضغطه عليه وقالى لازم اعمل العملية فى اسرع وقت وطبعا مش هينفع انزل مصر فمضطرة اعملها هنا مع انى خايفة وكان نفسى اعملها عند دكتور عادل بس زى مابنقول الدكاترة كلهم سبب واللى ربنا رايده هيكون

فمش عارفة بقى اتصل على دكتور عادل ولا اعمل معاه كونتاكت تانى لانى مش هقدر اعمل العملية عنده
انا عارفة طبعا انى مش هيفرق عنده لانه مش مادى ولا بتهمه الحاجات دى بس انا اللى محرجة الصراحة

شوفتى ياريمو خلتينى اتكلمت كتير وماسالتش عن انوس حبيب قلب خالتو ايه اخباره طمنينى عليه

نيفوووووووووووو وحشانى مووووووووووووت
اشتقت وزينب والمشتاقة لمكة وتوتا وام اياد وميكو وبتانور ومها والهدى والنور وام اياد وسارة وماما و ومسلمة وشيمو وام مريم وطمطم وام انس وام دودو وكل البنات اللى ماذكرتش اسمهم واحشنى جدا وعاوزاكو تدعولى انا الايام دى مشغولة لانى عاوزة اخلص تسليم المشاريع اللى فى ايدى قبل العملية عشان برضه مش عاوزة اعمل مجهود بعدها عشان كده مش بدخل على طول وكل مابقدر بدخل عشان اطمن عليكو

ازيك يا ام اياد
ميرسي على سؤالك يا جميل:26:
انا بصراحة مش عارفة اعمل ايه اليومين دول
انا عايزة اعمل تحليل البروجستيرون والبرولاكتين

النهاردة كدة اليوم 22 من الدورة
ينفع اعمله النهاردة والا لازم اليوم 21؟
:22: