بنات انا فرحانه بشعري ما بغه ينعم ويسيح عالخد

تكفين وين نحصله وهل اللي نسويه حنا ولا الصالون
ردي بسرعه ضروريالله يعافيك

يا جماعه والله الاستشوار دبحنا كلنا ...يالييييييييت اللي تعرف نوع فرد مرة كويس تدلنا عليه لاني والله خلاص كرهت شعري ماعاد سرت اطيقه ...

ايش رايكم بالفرد المائي؟؟

حبايبي
اسفه تاخرت عليكم وايد
مع اني غسلت شعري قبل الاسبوع لانه دهن ولا تحملت
بس نطرت خمس ايام وغسلته
بس والله يا بنات الشعر صار حلووو حلوو مو مثل 111111التمليس
مثل اي وحده شعرها طبيعي وناعم بس اطرافه كيرلي تاعم
حتى اليوم ما نشفته بالشسوار ونمت ولما قمت صار يهبل
نازل على الويه والاطرف موج خفيف على ناعم
ولما اشيله بالمشبك ينزل الي بالاطراف ناعم وفيه لمعه طبيعيه
هذا شكله بالتفصيل
وللامانه اشوفه يتساقط بس خفيف مادري اظن طبيعي ولانه ناعم صرت الاحظ اول اخاف امشطه بس الشعر صاير حلو ولا فيه ريحه
والبنات سالوني عنه انا قلت سووا بالصالون احسن وساليهم
عن رويال x-tenso
واي صالون محترم يعرف هالشركه ويتعاملون بمنتجاته وهذا نازل يديد وعندهم كتالوجه
وسعره بالقطري 150 ريال يعني بالدينار اظن 12 دينار سعره حلو وانه شعري قصير وكلما الشعر اطول اغلى
بس انه مرتاحه منه وراح اسويه انشالله كل سنه
وال سالتني الهايلات قالتلي الي بالصالون من كثر ماهو خفيف عالشعر تقدرين تصبغينه او تسوين هيلايت
وانا موجوده حق اي سؤال
وعذروني تاخرت لانه اليوم جبت الكمبيوتر من التصليح ما كان يتصل بالانترنت وشكرا على دعاويكم لي والله يسمع منكم

تسلمين اختي الله يسعدك يارب


بس اخاف يكون له ضرر مثل الفرد :(

ومايبان الابعد فتره

ياليت لو وحده تفهم بهالسوالف تفيدنا

السلام عليكن ورحمة الله وبركاته ..

حبيباتي في الله .. والأخت الكريمة اللي تفضلت بكتابة الموضوع (شذى الفردوس)

طريقة الفرد الجديدة X-Tenso من شركة لوريال أول شيء ما هي جديدة صار لها فوق السنة والنصف بس يمكن الاعلان عنها ما كان كفاية .. وسأحكي لكم تجربتي وتجربة اختي:
اخت أول شيء سوته بالكويت وكانت دوم تمدحه لي وتقولي سويه انا ماشفتها للامانة لآني اسكن الامارات وبعد ستة شهور راحت وسوته مرة ثانية .. ومن قبل شهر راحت وسوته مرة ثالثة وكانت كثير مستانسة منه .. وشجعتني

فقمت وسويت شعري (طبيعة شعري مو ناعم وفيه طعجات كثييييييييييييير) ويكش كشة ما حصلتش لو نسيت السيروم او الكريم ، وبكل أمانة طريقة الفرد هذه آمنة جدا جدا وما هي مثل باقي الطرق القديمة (اللي جربتها كلها) وما نفعت معاي ..
اهم شيء أن الشعر يبان طبيعي جدا يعني ما يبين انه مفرود أبدا .. حتى لو طلع شعر جديد ما راح يتأثر شكل الفرد بس قالت اختي أنه الافضل اسوي الجذور كل ست شهور واقص شعري افضل ..
والأهم من هذا يا أخواتي: إنك لازم تستعملين مستحضراته بعد عملية الفرد (الشامبو والماسك والبلسم اللي ينترك على الشعر وما ينغسل Leave -in Conditioner
هذه تجربتي .. واللي سوت لي بالصالون قالت أنه ما ينفع وايد للي مسوين حنة بشعرهم من قبل ولا هاي لايت .. يعني ما يصلح إلا للي شعرها مصبوغ ما في مشكلة او عادي .. هذا ما لدي ..
ملاحظة هامة: ليس كل ما ينفع غيرك ينفعك .. فإن أحببت أن تقومي بالتجربة فقومي بها على مسؤوليتك الخاصة وليس بناء على ترشيح او مدح من أحد .. هذا للأمانة ..

والسلام عليكم ورحمة الله وبركاته ..

اختكن زعفران