ازيكم يا احلى بنات وان شاء الله عن قريب احلى امهات
انا الحمد لله تماااااام
اليومين اللى فاتو كنت مختفيه عشان كنت فى المستشفى
لأ لأ مش انا متخافوش ده جوزى كان بيعمل عمليه تانيه فى الحاجز الانفى
ياعينى عليه عمل الدوالى يوم الاتنين ويوم السبت اللى بعده دخل العمليات تانى
اتشرك خااااااالص
بس الحمد لله رجعنا البيت وهو كويس
اما انا بقى فأنتظر ميعاد الدوره ناقصلها كام يوم وتشرف دا ان جت فى ميعادها
لأنى كل ما باخد منشطات ودوفاستون او اى مثبت اخر بطووووووووول وتغلبنى عقبال ماتيجى
بس انا الدكتوره قالتلى ماتبطليش الدوفاستون لحد ماتيجى مهما اتأخرت
بس انا بقى مش هاسمع الكلام وهابطله اليوم اللى مفروض تجينى فيه الدوره يوم السبت
وهاستنى بقى 3 او 4 ايام اذا ما جتش ابقى اروحلها
وان شاء الله خير ربنا يفرح قلوبنا جميعا
طريق الامل ( خبرات متبادلة حول مراكز العقم فى مصر ) الجزء السادس
متابعة النقاش، صفحة 250